ຕົ້ນໜີ້ສົມດອກເບັ້ຽ ເປັນສິບກວ່າຕື້

ສປປລາວ ຕ້ອງໄດ້ ໃຊ້ໜີ້ຄືນ ໃຫ້ຈີນ ໃນໂຄງການ ທາງຣົຖໄຟ ຄວາມໄວສູງ ເປັນເງິນ 10 ຕື້ ກວ່າ ໂດລາ ສະຫະຣັດ.
ສິດນີ
2012-11-29
ອີແມວລ໌
ຄໍາເຫັນ
Share
ພິມ
ທະນາບັດ ເງິນກີບ ສປປ ລາວ
ທະນາບັດ ເງິນກີບ ສປປ ລາວ
emergingfrontiersblog

ເຈົ້າຫນ້າທີ່ ກະຊວງການເງິນ ຜູ້ທີ່ ບໍ່ປະສົງ ອອກຊື່ ທ່ານນື່ງກ່າວວ່າ ການກູ້ເງິນ ຈາກ ທະນາຄານ ການຄ້າ ຂາອອກ-ຂາເຂົ້າ ຂອງຈີນ ໃນມູນຄ່າ ປະມານ 7 ຕື້ ໂດລາ ເພ່ືອມາສ້າງ ທາງຣົຖໄຟ ຄວາມໄວສູງ ລາວ-ຈີນ ຈາກຊາຍແດນ ດ່ານບໍ່ຫານ ແຂວງ ຫລວງນ້ຳທາ ຫາ ນະຄອນຫລວງ ວຽງຈັນ ນັ້ນຈະເຮັດໃຫ້ ສປປລາວ ຕ້ອງຊຳຣະ ໜີ້ ພ້ອມດ້ວຍດອກເບັ້ຽ 2% ຕໍ່ປີ ໃນຣະຍະ 30 ປີ ຕົກເປັນມູນຄ່າ ທັງຫມົດ ປະມານ 10 ຕື້ 330 ລ້ານ ໂດລາ ສະຫະຣັຖ ຊຶ່ງຫມາຍຄວາມວ່າ ນອກຈາກ ສປປລາວ ຈະຈ່າຍ ເງິນຕົ້ນ 7 ຕື້ ໂດລາ ຄືນໃນຣະຍະ 30 ປີແລ້ວ ຍັງຈະຈ່າຍຄ່າ ດອກເບັ້ຽ ປະມານ 3 ຕື້ 330 ລ້ານ ໂດລາ ນຳອີກ. ເຖີິງແມ່ນວ່າ ສປປລາວ ຈະຖືກຜ່ອນຜັນ ໃນການ ສຳຣະໜີ້ສິນ ພາຍໃນ 10 ປີ ທຳອິດ ແຕ່ທະນາຄານ ຈີນ ຍັງຕ້ອງໄດ້ ຄິດໄລ່ດອກເບັ້ຽ 2% ໃນແຕ່ລະປີ ໂດຍບໍ່ມີການ ຍົກເວັ້ນ ແຕ່ຢ່າງໃດ.

ຍິ່ງໄປກວ່່ານັ້ນ ການຄິດໄລ່ ດອກເບັ້ຽ ໃນອັດຕຣາ 2% ຕໍ່ປີ ໃນຣະຍະ 10 ປີ ທຳອິດນັ້ນ ຍັງຈະນຳໄປ ຮວມກັບເງິນ ຕົົ້ນທືນອີກ ເຮັດໃຫ້ຈຳນວນເດີມ ເພີ້ມຂື້ນຈາກ 7 ຕື້ໂດລາ ມາເປັນ 8 ຕື້ 795 ລ້ານໂດລາ ເມື່ອຄິດໄລ່ຮວມ ກັບດອກເບັ້ຽ ໃນຣະຍະ 20 ປີ ທີ່ຈະຕ້ອງ ຜ່ອນໜີ້ເງີນກູ້ ພ້ອມດອກເບັ້ຽ 2% ຕໍ່ປີແລ້ວ ເຮັດໃຫ້ມີມູນຄ່າ ເຖິງ 10 ຕື້ 330 ລ້ານໂດລາ ຫລືປະມານ 516 ລ້ານໂດລາ ຕໍ່ປີ ທີ່ລາວຈະຕ້ອງ ໄດ້ຈ່າຍຫນີ້ຄືນ ໃຫ້ແກ່ຈີນ ໃນຣະຍະ 20 ປີ ຕິດຕໍ່ກັນ.

ເມື່ອປະກອບກັບ ຜົລການສຶກສາ ຂອງ ທາງການຈີນ ທີ່ວ່າ ການກໍ່ສ້າງ ທາງຣົຖໄຟ ຄວາມໄວສູງ ລາວ-ຈີນ ຈະໄດ້ທຶນຄືນ ຢ່າງໄວທີ່ສຸດ ຫລັງຈາກປີ 38 ເປັນຕົ້ນໄປ ແຕ່ວ່າ ສປລາວ ຕ້ອງໄດ້ຊຳຣະ ໜີ້ສິນໃຫ້ຈີນ ໃຫ້ຄົບຖ້ວນ ພາຍໃນ 30 ປີ.

ສະນັ້ນ ຈື່ງມີຄວາມ ເປັນໄປໄດ້ສູງ ທີ່ ສປປລາວ ຈໍາຕ້ອງ ຊຳຣະໜີ້ ດ້ວຍຣາຍໄດ້ ຈາກບໍ່ແຮ່ 2 ແຫ່ງ ທີ່ເປັນການ ລົງທືນ ຂອງຈີນ ໃນລາວ ເຊັ່ນບໍ່ຄຳ ແລະ ທອງແດງ ຢູ່ເຊໂປນ ແລະ ບໍ່ບອກໄຊຕ໌ ທີ່ແຂວງ ຈຳປາສັກ ຊື່ງເປັນບໍ່ ທີ່ໃຫຍ່ທີ່ສຸດ ໃນເອເຊັຽ.

ຄໍາເຫັນ (2)
Share

ພໍໃຈ

ຈາກ ຕື້ຍໍ

ເສຍຂໍໃຫ້ລັດຖະບານ ເເລະ ບຸກຄົນທີ່ກ່ຽວຂ້ອງ ເຮັດພາລະໜ້າທີ່ ເຮັດໃຫ້ໄດ້ຕາມສັນຍາ ຕ້ອງຮັບປະກັນວ່າ ໜີ້ສີນ ທິ່ສ້າງ ລູກຫຼານ ຕ້ອງມາຮັບກຳ ໂດຍທີ່ຜົນ ປະໂຫຍດ ບໍ່ໄດ້ຄຸ້ມ ກັບເສຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 03, 2012 08:46 PM

ຄົນລາວ

ຈາກ ເມືອງລາວ

ເຫັນບໍລະ ຍາມໃດກໍອວດສລາດສ່ອງໃສ ຕອນນີ້ກາຍເປັນພວກໂງ່ຈ້າເສັຍແລ້ວ. ເງີນ 516 ລ້ານດອລລາຕໍ່ປີຫັ້ນ ຕໍ່ໃຫ້ຂາຍທັງພໍ່ທັງແມ່ ລູກເມັຍແລະໂຄດເຫງົ້າຂອງ ຈຸມມະລີ ແລະ ພັກພວກຮວວມກັນກໍບໍ່ພໍ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 03, 2012 08:37 PM

ເຕັມຫນ້າ