ຣົດໄຟຄວາມໄວສູງ ຍັງຢູ່ໃນແຜນພັທນາ

ສປປລາວ ຍັງມີໂຄງການ ຈະສ້າງ ທາງຣົດໄຟ ຄວາມໄວສູງ ຈາກຈີນຫາ ນະຄອນຫຼວງ ວຽງຈັນ ເພື່ອເຊື່ອມຕໍ່ ກັບທາງຣົດໄຟ ຂອງໄທ ນັ້ນຢູ່ ແລະ ຍັງຈະສ້າງ ຂົວຂ້າມ ແມ່ນ້ຳຂອງ ຕື່ມອີກ ສອງແຫ່ງ.
ອະວາຣີ
2012-06-01
ອີແມວລ໌
ຄໍາເຫັນ
Share
ພິມ
ໂຄງການສ້າງ ທາງຣົດໄຟ ຄວາມໄວສູງ ລາວ-ຈີນ ຍັງຢູ່ໃນແຜນ ພັທນາ ຂອງຣັຖບານ ສປປ ລາວ
ໂຄງການສ້າງ ທາງຣົດໄຟ ຄວາມໄວສູງ ລາວ-ຈີນ ຍັງຢູ່ໃນແຜນ ພັທນາ ຂອງຣັຖບານ ສປປ ລາວ
RFA

ທ່ານ ທອງສິງ ທັມມະວົງ ນາຍົກ ຣັຖມົນຕຣີ ສປປລາວ ສເນີແຜນການ ດັ່ງກ່າວ ຕໍ່ກອງປະຊຸມ ເວທີ ເສຖກິດໂລກ ທີ່ບາງກອກ ໃນມື້ວານນີ້ ວ່າ: ບັນຫາ ກໍມີຢູ່ວ່າ ຣັຖບານລາວ ຈະເອົາເງິນ ມາຈາກໃສ ເພື່ອສ້າງຂົວ ຂ້າມແມ່ນ້ຳຂອງ ທັງສອງແຫ່ງ ແລະ ສ້າງທາງຣົດໄຟ ຄວາມໄວສູງ ນັ້ນ. ໃນການສ້າງຂົວ ມິຕພາບ ລາວ-ໄທ ໃນທີ່ຜ່ານມາ ອອສເຕຣເລັຍ ຊ່ວຍສ້າງຂົວ ມິຕພາບ ລາວ-ໄທ ແຫ່ງທີ່ນຶ່ງ ໃຫ້ລ້າໆ ແຫ່ງທີ່ສອງ ຣັຖບານ ລາວ-ໄທ ຢືມເງິນຈາກ ທະນາຄານ ຍີ່ປຸ່ນ ແຫ່ງທີ່ສາມ ໄທອອກທຶນ ສ້າງເກືອບທັງໝົດ ແລະ ແຫ່ງທີສີ່ ໄທແລະຈີນ ແບ່ງກັນ ອອກທຶນສ້າງ ຝ່າຍລະເຄິ່ງ.

ເປັນທີ່ ສັງເກດວ່າ ຣັຖບານລາວ ມີສ່ວນອອກທຶນ ເພື່ອສ້າງຂົວ ຂ້າມ ແມ່ນ້ຳຂອງ ພຽງແຫ່ງດຽວ ເທົ່ານັ້ນ ໃນຈໍານວນ 4 ແຫ່ງ. ສຳຣັບ ການສ້າງຂົວ ມິຕພາບ ອີກສອງແຫ່ງ ນັ້ນເດ່ ຣັຖບານລາວ ຈະມີເງິນ ສົມທົບ ໃນການກໍ່ສ້າງ ຫຼືບໍ່? ຈະເອົາມາຈາກໃສ? ຈະຢືມ ປະເທດໃດ?

ຫລາຍຄົນ ກໍອາດຈະມີ ຄຳຖາມດຽວກັບ ກ່ຽວກັບ ການສ້າງ ທາງຣົດໄຟ ຄວາມໄວສູງ ຜ່ານເຂົ້າລາວ ແລະ ຈີນ ໄດ້ຕົກລົງ ຈະໃຊ້ເງິນ ທັງໝົດ ເພື່ອສ້າງເຖິງ 7 ຕື້ ດອນລ່າ ສະຫະຣັຖ ໃນນັ້ນ ສປປ ລາວ ຈະຢືມເງິນ ຈາກຈີນ 30 ສ່ວນຮ້ອຍ ແລະ ຈີນຈະອອກທຶນ ສ່ວນທີ່ເຫລືອ 70 ສ່ວນຮ້ອຍ.

ຄໍາເຫັນ (5)
Share

ຄົນຄົ້ນຄົນ

ຈາກ ຫນອງສະພັງ

ຄວາມຕັ້ງໃຈຂອງລາວວ່າຈະສ້າງຂົວແລະຣົດໄຟ ຄວາມໄວສູງນັ້ນມັນກໍ່ພໍດີເມາະກັບຍຸທສາຕການ ວາງແຜນນະໂຍບາຍ ກ້າວມາເປັນມະຫາອຳນາຈ ທາງດ້ານເສຖກິຈໂລກຂອງຈີນ,ໃນຂນະທີ່ໂລກທັງໂລກ ກຳລັງເກີດວິກິຈ,ຈີນຕ້ອງຊີງເປັນຜູ້ນຳປະເທສກຳລັງ ພັທນາຊ່ວຍກູ້ວິກິຈບັນຫາຂອງໂລກໃຫ້ພົ້ນຄວາມຫຍູ້ງຍາກ ແບບຕົຣງໄປຕົຣງມາຕາມທາງຄວນ,ສຳລັບລາວເຮົາແລ້ວ ບໍ່ມີບັນຫາໄດໆຈະເປັນຫ່ວງ ຄື ຕ້ອງການແບບໄດກັນແທ້ ອາເສັ່ຍຊ່ວຍໄດ້ທຸກຢ່າງ ຢືມກໍ່ໃຫ້ໄດ້,ຂໍກໍ່ໃຫ້ທານ,ໃຫ້ລ້າໆ ກໍ່ບໍ່ມີບັນຫາ,ຂໍພຽງແຕ່ບອກໄດ້ໃຊ້ຟັງເທົ່ານັ້ນ,ຈິງຫລືເທັດ ຂໍຈົ່ງຄິດຊ່ວຍກັນແດ່.

Jun 11, 2012 08:56 PM

ຄົນລາວແທ້

ຈາກ ວຽງຈັນ

ຄົນລາວຢູ່ນອກປະເທດຜູ້ທ່ີບໍ່ເຄີຍມາກໍ່ຄວນມາເບິ່ງແດ່, ສະໃໝກ່ອນຍຸກສັກດີນາມີຫຍັງແດ່ດີຂຶ້ນ? ໄປມາກາບວ້າຍປານເປັນເທວະດາ, ຍົກຍໍປໍປັ້ນປານເປັນຄົນເໜືອຄົນ, ຊົນຊັ້ນທຸກຍາກບໍ່ມີໂອກາດໄດ້ຮຳ່ຮຽນ, ຫຼາຍຊົນຊັ້ນແບ່ງແຍກ. ມັກແນວນັ້ນຫວາ? ຄັນມັກບໍ່ຕ້ອງກັບມາລາວອີກກໍ່ໄດ້ເພາະຢູ່ນີ້ບໍ່ແມ່ນຍຸກກາບວ້າຍຄືຍຸກເກົ່າທ່ີເນົ່າເໝັນອີກແລ້ວ.

Jun 08, 2012 03:44 AM

souk

ຈາກ Laos

ຂຽນຂ່າວປານເດັກນ້ອຍຮຽນແຕ່ງເລື້ອງເນາະ

Jun 04, 2012 10:46 AM

ຜູ້ອ່ານທີ່ບໍ່ອອກຊື່

ຂ້າພະເຈົ້າ ຂໍມີຄຳເຫັນນຳບັນດາທ່ານທັງຫລາຍທີ່ໃຫ້ຕ່າງຊາດມາລົງທຶນ
ກະດີຢູ່ຖ້າມີ ແຕ່ວ່າເຮົາ ເຈົ້າ ຂ້ອນ ຈະໄດ້ຫຍັງ, ປະຊາຊົນເດ ບໍ່ເສຍ
ດິນດອນຕອນຫຍ້າ ໄຮ່ ນາ ຕາ ກ້າ ໃຫ້ ຕ່າງຊາດ ຫລື ນາຍທຶນບໍ? ລັດຖະບານຄວນຄິເຄັກໆ ໃຫ້ຖີ່ຖ້ວນແດ່ ບໍ່ແມ່ນຈະເຫັນ
ແຕ່ໄດ້ລູກດຽວ. ຂໍຂອບໃຈ

Jun 04, 2012 02:40 AM

ສົງສາລ

ຈາກ ລາວ

ຟັງປາຖະກະຖາຂອງນາຍົກລາວແລ້ວ,ກໍ່ມີຄວາມອຶດອັດໃຈ ແທນຄົນລາວທັງຊາຕ,ຈຶ່ງຂໍປະມວນວ່າ:ຈັງແມ່ນປ່ອຍນົກ ກາງອາກາສ ແລະ ປ່ອຍປາໃນມະຫາສະມຸທແທ້ໆ.

Jun 03, 2012 03:17 PM

ເບິ່ງຄວາມເຫັນທັງໝົດ.

ເຕັມຫນ້າ