ໂຄງການ ປັ່ນນໍ້າງື່ມ ໄປໃຊ້ ໃນໄທ

ນາຍົກຣັຖມົນຕຣີ ໄທ ເຫັນພ້ອມ ໃນແຜນການ ປັ່ນນ້ຳງື່ມ ໄປສູ່ເຂດ ແຫ້ງແລ້ງ ພາກອີ່ສານຂອງໄທ.
ຊິດນີ ຣາຍງານ
2008-11-04
ອີແມວລ໌
ຄໍາເຫັນ
Share
ພິມ

ໃນ​ການ​ຢ້ຽມຢາມ ​ລາວ ນາຍົກຣັຖນົຕຣີ​ໄທ ຕົກລົງ​ເຫັນ​ພ້ອມ ​ໃນ​ການ​ເລີ້ມ ​ໂຄງການ ​ສົ່ງ​ນ້ຳງື່ມ ​ໄປ​ເຂດ​ແຫ້ງ​ແລ້ງ ​ພາກ​ອີ່​ສານ ​ຂອງ​ໄທ ​ເພື່ອໃຫ້​ຊາ​ວນາ ​ໃນ​ເຂດ​ນັ້ນ ​ໄດ້​​ນ້ຳ​ໃຊ້ ໃນ​ການ​ປູກ​ຝັງ ທັ້ງໆ ທີ່​ກຸ່ມປົກ​ປ້ອງ ​ສະພາບ​ແວດ​ລ້ອມ ພະຍາ​ຍາມ ທີ່​ຈະ​ຄັດຄ້ານ ​​ແຜນການ ​ດັ່ງກ່າວ. ກ່ອນ​ອອກ​ ເດີນທາງ ນາຍົກ ຣັຖມົນຕຣີ​ໄທ ​ເວົ້າວ່າ:

“ທ່ານ​ວ່າ ລາວ​ ກັບ ​ໄທ ມີ​ຄວາມ​ສຳພັນ​ກັນ ​ດີຢູ່​ແລ້ວ, ຣັຖບານ​ໄທ ຈະ​ປະຕິບັດ ຕາມ​ນະ​ໂຍບາຍ ​ທີ່​ມີ​ຢູ່​ແລ້ວ ​ໃນ​ການ​ສຳພັນ ​ກັບ​ລາວ”.

ນອກຈາກ ​ໂຄງການ​ ປັ່ນ​ນ້ຳງື່ມ​ແລ້ວ ທັງ​ສອງ​ຜູ້ນຳ ​ຍັງ​ໄດ້​ໂອ້​ລົມ​ກັນ ​ໃນ​ຫລາຍ​ ໂຄງການ ດັ່ງການ​ສ້າງ​ເຂື່ອນ​ໄຟຟ້າ ການ​ສ້າງ​ຂົວ​ຂ້າມ​ແມ່ນ້ຳຂອງ 2 ​ແຫ່ງ​ ແລະ ​ບັນຫາ​ຊາວ​ມົ້ງ ທີ່​ບ້ານ​ຫ້ວຍ​ນ້ຳຂາວ ສ່ວນ​ບັນຫາ ​ການ​ປັກ​ຫມາຍ​ເຂດ​ແດນ​ນັ້ນ ບໍ່​ໄດ້​ລົມ​ກັນ ​ເລື່ອນ​ເວລາ ​ໄປ​ໂອກາດ​ຫນ້າ ​ເພາະ​ເປັນ​ບັນຫາ ​ທີ່​ລໍ່​ແຫລມ.

ທ່ານ ສົມ​ຊາຍ ​ໄດ້​ໃຊ້​ ເວລາ​ນື່ງວັນ ​ໃນ​ການ​ຢ້ຽມຢາມ​ລາວ ​ໂດຍ​ການ​ເຊື້ອ​ເຊີນ ​ຂອງ ທ່ານ ບົວ​ສອນ ບຸບຜາ​ວັນ ນາຍົກຣັຖມນົຕຣີລາວ. ​ໂຄງກາ​ນ ປັ່ນ​ນ້ຳງື່ມ ​ແລະ ​ນ້ຳຂອງ ຂື້ນ​ໄປ​ໃຊ້ ​ໃນ​ເຂດ​ແຫ້ງ​ແລ້ງ ອີ່​ສານ​ນີ້ ​ເປັນ​ແຜນການ​ເກົ່າ ສມັຍ​ ທ່ານ​ ທັກ​ສີນ ​ເປັນ​ນາຍົກ ຕໍ່​ມາ ກໍ່​ເຫັນ​ພ້ອມ​ຈາກຣັຖບານ ​ຂອງ​ທ່ານ ສມັກ ສຸນ​ທໍຣະ​ເວດ ຊື່​ງ​ແຜນການ​ນີ້ ຈະ​ສ້າງ​ຜົລປໂຍດ ຢ່າງມະຫາສານ ຕໍ່​ຊາວນາ ​ຜູ້​ທີ່ ​ທຸກ​ຈົນ ​ໃນ​ເຂດພາກ​ຕາ​ເວັນອອກ ​ສ່ຽງ​ເຫນືອ ​ຂອງ​ໄທ ທີ່​ປະສົບ​ກັບ ​ພັຍ​ແຫ້ງ​ແລ້ງ ມາຕຣອດ.

ເຕັມຫນ້າ