ໄທເຄັ່ງຄັດຜູ້ອາຍຸຕ່ຳກວ່າ 18 ເຂົ້າ ເມືອງ

ສິດນີ
2015-02-23
ອີແມວລ໌
ຄໍາເຫັນ
Share
ພິມ
ດ່ານກວດຄົນ ເຂົ້າເມືອງ ຂົວ ມິຕພາບ ລາວ-ໄທ ທີ່ ແຂວງ ມຸກດາຫານ
ດ່ານກວດຄົນ ເຂົ້າເມືອງ ຂົວ ມິຕພາບ ລາວ-ໄທ ທີ່ ແຂວງ ມຸກດາຫານ
Wikipedia

ຫນັງສືພິມ ຜູ້ຈັດການ ອອນລາຍ ຂອງໄທ ຣາຍງານ ໃນ ວັນທີ 23 ກຸມພາ 2015 ວ່າ ດ່ານ ກວດຄົນ ເຂົ້າເມືອງ ທີ່ ຂົວ ມິຕພາບ ລາວ-ໄທ ແຂວງ ມຸກດາຫານ ໄດ້ ແຈ້ງການ ເຖິງ ຝ່າຍລາວ ເມື່ອ ສັປດາ ຜ່ານມາ ກ່ຽວກັບ ການຫ້າມ ເດັກນ້ອຍ ລາວ ອາຍຸ ຕ່ຳ ກວ່າ 18 ປີ ເດີນທາງ ເຂົ້າໄທ ຊື່ງເປັນ ມາຕການ ແກ້ໄຂ ແລະ ປ້ອງກັນ ບັນຫາ ການ ຄ້າມະນຸດ ຫລັງຈາກ ພົບວ່າ ເຍົາວະຊົນ ລາວ ຖືກ ຫລອກລວງ ເຂົ້າສູ່ ວົງການ ທຸຣະກິດ ຄ້າ ປະເວນີ ແລະ ເຮັດວຽກ ແບບ ຂ້າທາດ ໃນໄທ ເປັນ ຈຳນວນ ຫລວງຫລາຍ ຮ່ວມທັງ ໃນ ອຸດສາຫະກັມ ການ ປະໂມງ ນຳອີກ.

ສຳນັກງານ ຕຳຣວດ ກວດຄົນ ເຂົ້າເມືອງ ຂອງໄທ ໄດ້ ສົ່ງ ເອກສານ ລົງ ວັນທີ 14 ກຸມພາ 2015 ເພຶ່ອ ແຈ້ງການ ໄປຍັງ ດ່ານ ຕຳຣວດ ກວດຄົນ ເຂົ້າເມືອງ ຂົວ ມິຕພາບ ຝ່າຍລາວ ແລະ ໃນ ວັນທີ 20 ກຸມພາ ກໍໄດ້ ແຈ້ງການ ໄປຍັງ ຫ້ອງການ ແຂວງ ສວັນນະເຂດ ນຳອີກ.

ເອກສານ ແຈ້ງການ ດັ່ງກ່າວ ໄດ້ລົງ ໃນ ແວັບໄຊ Laopost.com ຊຶ່ງ ມີຂໍ້ຄວາມ ວ່າ ເນື່ອງຈາກ ເຈົ້າຫນ້າທີ່ ຄວາມ ຫມັ້ນຄົງ ຂອງໄທ ໄດ້ ກວດພົບ ແຮງງານ ຈາກ ປະເທດ ເພື່ອນບ້ານ ຕົກເປັນ ເຫຍື່ອ ຂອງ ຂະບວນ ການ ຄ້າມະນຸດ ຂ້າມຊາດ ທີ່ຖືກ ຫລອກລວງ ຊັກຈູງ ໄປ ເຮັດວຽກ ໃນ ປະເທດໄທ ແລະ ບາງ ຈໍາພວກ ຖືກ ບັງຄັບ ໃຫ້ ຂາຍ ບໍຣິການ ທາງເພດ ບັງຄັບ ໃຫ້ໃຊ້ ແຮງງານ ໃນ ເຮືອ ປະມົງ ແບບ ຂ້າທາດ ຢ່າງ ຫລວງຫລາຍ.

ດັ່ງນັ້ນ ເລີ້ມ ແຕ່ນີ້ໄປ ກຸ່ມ ເຍົາວະຊົນ ທີ່ ອາຍຸ ຕ່ຳກວ່າ 18 ປີ ຈາກ ປະເທດລາວ ຈະບໍ່ໄດ້ ຮັບ ອະນຸຍາດ ໃຫ້ ເດີນທາງ ເຂົ້າໄທ ຖ້າຫາກ ບໍ່ມີ ຜູ້ປົກຄອງ ເດີນທາງ ໄປນຳ ແລະ ຖ້າ ພົບວ່າ ຜູ້ທີ່ ມີ ຄວາມສ່ຽງ ທີ່ ຈະຕົກ ເປັນ ເຫຍື່ອ ຂອງ ກຸ່ມ ຄ້າມະນຸດ ຝ່າຍໄທ ກໍຈະ ປະຕິເສດ ແລະ ສົ່ງກັບ ປະເທດ ລາວ.

ຄໍາເຫັນ (2)
Share

ຄ.ນະຄຳມ່ວນ

ຈາກ ທ່າແຂກ

ທາງການໄທ ເຂັ້ມງວດ ກວດກາ ພວກມີອາຍຸ ນ້ອຍກ່ວາ 18 ປີ ບໍ່ໃຫ້ເຂົ້າ ປະເທດໄດ້ ຕາມລຳພັງ ເປັນການດີ ເປັນພິເສດ ຕໍ່ການ ຄ້າມະນູຕ ຂາຍມະນຸຕ ທີ່ຈະເກີດມີຂຶ້ນ ຕໍ່ໄປ ພາຍຫນ້າ. ແຕ່ໃນ ຄວາມເຂົ້າໃຈ ສ່ວນຕົວ ແລ້ວອາຍຸ ພຽງແຕ່ເປັນ ຕົວເລກ, ພວກເຜດມານ ຊາຕານສຸດຂົ້ວ ເຂົາສ້າງ ປອມແປງ ຫນັງສືເດີນທາງ ມາຕັ້ງແຕ່ ປົດປ່ອຍໃຫມ່ ພູ້ນເປັນຕົ້ນມາ, ແຕ່ກ່ອນເຂົາ ມອບໃຫ້ ທ່ານ ຮູຍ ພົລເສນາ ຊຶ່ງ ເຄີຍເຮັດວຽກ ຢູ່ສະຖານ ເອກອັກຂະຣາຊທູດ ຝຣັ່ງເສດ ເປັນຜູ້ ສະແຫວງ ຫາຄົນ ຕ້ອງການ ຫນັງສື ເດີນທາງ ແລ້ວ ປອມແປງ ໃຫ້ ຕາມຄວາມຕ້ອງການ ແລ້ວເອົາເງິນ ທີ່ໄດ້ມາແບ່ງກັນ ກໍ່ເທົ່ານັ້ນ ແລ້ວ ທ່ານເອີຍ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 25, 2015 06:38 PM

ຖາວອນ

ຈາກ ທ່າແຂກ

ບໍ່ຮູ້ວ່າໄທ ຈະມີມາດຕະການ ເຂັ້ມງວດ ຫລາຍປານໃດ ກໍຕາມ ແຕ່ບໍ່ສາມາດ ສະກັດກັ້ນ ສິ່ງທີ່ວ່າມານີ້ ບໍ່ໄດ້ຢ່າງເດັດ ເພາະເຈົ້າຫນ້າທີ່ ລາວ ເຂົາຮູ້ ວິທີປອມແປງ ເອກກະສານ ອາຍຸ 15 ກໍໃສ່ 25 ເພາະລາວ ຄອມ ມັນຂີ້ຕົວະ ຣະດັບໂລກ ຢູ່ແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 24, 2015 02:25 PM

ເຕັມຫນ້າ