ອາຊຽນຍັງບໍ່ພ້ອມພຽງກັນ ເຣື້ອງ ທະເລຈີນໃຕ້

ສິດນີ
2016-07-25
ອີແມວລ໌
ຄໍາເຫັນ
Share
ພິມ
ຄນະຜູ້ຕາງໜ້າ ຈາກ ສປຈີນ ທີ່ເຂົ້າຮ່ວມ ກອງປະຊຸມອາຊຽນ
ຄນະຜູ້ຕາງໜ້າ ຈາກ ສປຈີນ ທີ່ເຂົ້າຮ່ວມ ກອງປະຊຸມອາຊຽນ
RFA

ໃນ ກອງປະຊຸມ ຂອງ ວັນອາທິດ ທີ່ ນະຄອນຫຼວງ ວຽງຈັນ ບັນດາ ສະມາຊິກ ອາຊຽນ ທີ່ ເຂົ້າຮ່ວມ ກອງປະຊຸມ ຍັງບໍ່ເຫັນ ພ້ອມພຽງ ກັນ ໃນບັນຫາ ຂໍ້ຂັດແຍ່ງ ຢູ່ ທະເລຈີນໃຕ້ ກ່ຽວກັບ ການອ້າງ ອະທິປະຕັຍ ຂອງຈີນ. ຄວາມກົດດັນ ຈາກ ຈີນ ທີ່ມີຕໍ່ ບາງ ປະເທດ ມີ ສ່ວນກ່ຽວຂ້ອງ ໃນບັນຫາ ດັ່ງກ່າວ.

ກອງປະຊຸມ ທີ່ ສປປລາວ ເປັນເຈົ້າພາບ ເປັນ ກອງປະຊຸມ ເທື່ອທຳອິດ ທີ່ ມີການໂອ້ລົມກັນ ກ່ຽວກັບ ບັນຫາ ທະເລຈີນໃຕ້ ຫລັງຈາກ ທີ່ ສານນາໆຊາດ ທີ່ ກຸງເຮັກ ປະເທດ ເນເທີແລນ ອອກຄຳ ພິພາກສາ ກ່ຽວກັບ ທະເລຈີນໃຕ້ ທີ່ ມີປະເທດ ມະຫາ ອຳນາດ ຫຼາຍປະເທດ ໃນຂົງເຂດ ເຂົ້າຮ່ວມ ເປັນຕົ້ນ ຈີນ ແລະ ສະຫະຣັດ.

ບັນດາ ສະມາຊິກ ປະເທດອາຊຽນ ມີຄວາມ ແຕກແຍກກັນ ໃນບັນຫາ ທະເລຈີນໃຕ້ ໂດຍສະເພາະ ຈາກສີ່ປະເທດ ທີ່ອ້າງ ອະທິປະຕັຍ ກັບຈີນ ໃນບັນຫາ ດັ່ງກ່າວ ກຸ່ມດັ່ງກ່າວ ໄດ້ ປະນາມຈີນ ວ່າ ໃຊ້ ຄວາມສຳພັນ ໃນການ ເກັ້ຽກ່ອມ ແລະ ກົດດັນ ປະເທດນ້ອຍໆ ດັ່ງ ສປປລາວ ແລະ ໃຫ້ການ ຊ່ອຍເຫລືອ ປະເພດ ເງິນກູ້ ແລະ ເງິນໃຫ້ລ້າ ແກ່ ກຳພູຊາ ເພື່ອສ້າງ ຄວາມແຕກແຍກ ຕ້ານການ ອອກສຽງ ໃຫ້ເປັນ ເອກກະສັນ ໃນເຣື້ອງນີ້.

ນັກການທູດ ທ່ານນຶ່ງ ຜູ້ທີ່ມີ ສ່ວນຮ່ວມ ໃນການ ໂອ້ລົມກັນ ກ່າວ ຕໍ່ນັກຂ່າວ AFP ວ່າ ສະມາຊິກ ວົງໃນ ປະນາມ ກຳພູຊາ ໃນການ ຕ້ານ ການອອກສຽງ ຄັດຄ້ານ ຖແລງການ ຮ່ວມອາຊຽນ ກ່ຽວກັບ ຄຳພິພາກສາ ຂອງ ສານນາໆຊາດ ທີ່ ປະນາມຈີນ ໃນບັນຫາ ທະເລ ຈີນໃຕ້ ທີ່ເຮັດໃຫ້ຜົລ ຂອງ ກອງປະຊຸມ ໃນ ມື້ທຳອິດ ບໍ່ມີ ຄວາມຄືບຫນ້າ ໃນບັນຫາ ດັ່ງກ່າວ.

ເຫດການ ແບບນີ້ ເຄີຍເກີດຂຶ້ນ ມາຄັ້ງນຶ່ງແລ້ວ ໃນກອງປະຊຸມ ທີ່ ຈີນ ວ່າງເດືອນກ່ອນ ທີ່ ກຳພຸຊາ ແລະ ລາວ ຄັດຄ້ານ ການອອກ ຖແລງການຮ່ວມ ກ່ຽວກັບ ບັນຫາ ທະເລຈີນໃຕ້ ແລະ ເທື່ອນີ້ ໃນລາວ ກໍອາດເປັນ ແບບດຽວກັນ. ນັກການທູດ ອີກ ທ່ານນຶ່ງ ຖແລງ.

ຄໍາເຫັນ (1)
Share

ຄ.ນະຄຳມ່ວນ

ຈາກ ທ່າແຂກ

ປະເທສໃນກຸ່ມອາຊຽນຍັງບໍ່ພ້ອມພຽງກັນຕໍ່ບັນຫານີ້ ເດັກນ້ອຍຮຽນ ປໍ 3 ກໍ່ສາມາດຮູ້ດີໄດ້ວ່າ: ຍ້ອນສັຕເດລະສານ ບໍ່ຍອມຮັບກົດເກນຂອງສັງຄົມມະນູຕ, ຕ້ອງການອ້າງອິດຕິພົນ ຮອບດ້ານໃຫ້ປະເທສນ້ອຍຢູ່ກ້ອງອຳນາຈ ຂອງຕົວເອງທູກຢ່າງ, ຄວາມສາມັກຄກໍ່ເລີຍມຶນທຶນ, ຄະຕິບູຮານເຄີຍກ່າວໄວ້ວ່າ : ໄມ້ລຳດຽວລ້ອມຮົ້ວບໍ່ໄຂ່ວໄຜ່ບໍ່ພ້ອມເມືອງບ້ານບໍ່ຮູ່ງເຮືອງ ດອກນ້າ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 26, 2016 04:43 PM

ເຕັມຫນ້າ