ຕໍາຣວດສັນນິຖານກໍຣະນີ ອາຈານ ບົວ

ສິດນີ
2015-11-13
ອີແມວລ໌
ຄໍາເຫັນ
Share
ພິມ
ພຣະອາຈານ ຍາພໍ່ ບົວ ຖືກ ຄາດຕະກັມ
ພຣະອາຈານ ຍາພໍ່ ບົວ ຖືກ ຄາດຕະກັມ
RFA

ຄວາມຄືບຫນ້າ ກ່ຽວກັບ ຄະດີ ການ ຄາດຕະກັມ ພຣະ ອາຈານ ມະຫາ ບົວ ຮອງ ປະທານ ອົງການ ພຸທທະ ສາສນາ ສຳພັນ ແຂວງ ສວັນນະເຂດ ຢູ່ ວັດໃຫຽ່ ໄຊຍະພູມ ເມືອງ ໄກສອນ ພົມວິຫານ ແຂວງ ສວັນນະເຂດ ໃນ ວັນທີ 12 ພຶສຈິກາ 2015.

ຫລ້າສຸດ ເຈົ້າຫນ້າທີ່ ຕຳຣວດ ແຂວງ ສວັນນະເຂດ ໄດ້ ຕັ້ງຂໍ້ ສົງສັຍ ກ່ຽວກັບ ການຕາຍ ຂອງ ພຣະ ມະຫາ ບົວ ໃນ 3 ສາເຫດ.

ສາເຫດ ທີນຶ່ງ- ແມ່ນ ທ່ານຖືກ ຄາດຕະກັມ ເພື່ອ ຊິງຊັພ ຍ້ອນ ຫລັງຈາກ ມີການ ກວດສອບ ຫ້ອງນອນ ຂອງ ທ່ານ ແລ້ວ ພົບວ່າ ມີການ ຮື້ຄົ້ນ ຕູ້ ມ້ຽນ ເຄື່ອງ ຂອງ ມີຄ່າ ຈຶ່ງ ຄາດການ ວ່າ ມີເງິນ ແລະ ຊັພສີນ ຈຳນວນ ນຶ່ງ ທີ່ຖືກ ຄົນຮ້າຍ ເອົາໄປ.

ສາເຫດ ທີສອງ- ແມ່ນເຣື້ອງ ສ່ວນຕົວ ເພາະ ຜູ້ ເສັຽຊີວິດ ນັ້ນມີ ການພົວພັນ ກັບ ກຸ່ມ ວັຍລຸ້ນ.

ສາເຫດ ທີສາມ- ແມ່ນ ມີເຣື້ອງ ຜິດໃຈ ກັບ ພຣະ ອາຈານ ໃຫຽ່ ອົງນຶ່ງ ທີ່ ຍັງບໍ່ຍອມ ລົງຮອຍ ກັນ ຈົນຮອດ ທຸກ ມື້ນີ້.

ຫລັງຈາກ ມີການ ຄາດຕະກັມ ເສັຽຊີວິດ ມີຣາຍງານ ວ່າມີ ພຣະສົງ ອົງນຶ່ງ ຢູ່ ໃນວັດນັ້ນ ໄດ້ຫນີໄປ ປະເທດ ໄທ, ຜ່ານດ່ານ ເຂົ້າອອກ ສວັນນະເຂດ- ມຸກດາຫານ ຊື່ງ ພຣະອົງນີ້ ອາດຮູ້ ສາເຫດ ການຕາຍ ຂອງ ພຣະ ມະຫາ ບົວ.

ໃນ ວັນທີ 12 ພຶສຈິກາ ຫລັງຈາກ ມີ ສຳມະເນນ ໃນວັດ ໄດ້ໄປປຸກ ພຣະ ອາຈານ ມະຫາ ບົວ ໃນ ກຸດຕິ ໃຫ້ມາ ສັນເຂົ້າ ເຊົ້າ ຈຶ່ງ ພົບວ່າ ທ່ານ ໄດ້ ເສັຽຊີວິດ ກ່ອນໜ້າ ນັ້ນ ແລ້ວ.

ຄໍາເຫັນ (1)
Share

khn

ຈາກ mddddd

ຄັນຊິຂຽນ ພາສາລາວ ກະຂຽນ ໃຫ້ມັນຖືກແດ່ ອັນນີ້ ຈັກແມ່ນຫຍັງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 16, 2015 10:48 AM

ເຕັມຫນ້າ