ຄຣິສຕຽນລາວຖືກຂັບໄລ່ ຍ້ອນ ບໍ່ຖືຜີ

ຈໍາປາທອງ
2020-02-18
ອີແມວລ໌
ຄໍາເຫັນ
Share
ພິມ
ຊາວຄຣິສຕຽນລາວ 3 ຄອບຄົວ ຢູ່ ເມືອງລອງ ແຂວງ ຫລວງນໍ້າທາ ຖືກທາງການບ້ານ ໄລ່ອອກຈາກ ໝູ່ບ້ານ ຍ້ອນປະລະ ການເຊື່ອຖືຜີ.
ຊາວຄຣິສຕຽນລາວ 3 ຄອບຄົວ ຢູ່ ເມືອງລອງ ແຂວງ ຫລວງນໍ້າທາ ຖືກທາງການບ້ານ ໄລ່ອອກຈາກ ໝູ່ບ້ານ ຍ້ອນປະລະ ການເຊື່ອຖືຜີ.
Citizen Journalist

ຊາວຄຣິສຕຽນລາວ ເຜົ່າອາຂ່າ 3 ຄອບຄົວ ຢູ່ບ້ານຕີນດອຍ ເມືອງລອງ ແຂວງຫລວງນໍ້າທາ ຖືກອໍານາດການປົກຄອງບ້ານ ມ້າງເຮືອນ ແລ້ວໄລ່ພວກເຂົາເຈົ້າອອກຈາກບ້ານ ໃຫ້ໄປຢູ່ແຄມທາງຍ້ອນພວກເຂົາເຈົ້າປະລະການເຊື່ອຖືຜີ ແລະບໍ່ຍອມ ປະກອບພິທີເຊື່ອຜີ ຂອງ ບ້ານແຕ່ຫັນໄປນັບຖືສາສນາຄຣິສຕຽນ ຢ່າງດຽວ, ຈຶ່ງເຮັດໃຫ້ນາຍບ້ານ ແລະຊາວບ້ານບໍ່ພໍໃຈ; ດັ່ງຊາວບ້ານຜູ້ເຫັນເຫດການ ເວົ້າຕໍ່ວິທຍຸ ເອເຊັຽເສຣີ ໃນມື້ວັນທີ 18 ກຸມພາ ນີ້ວ່າ:

”ອັນນີ້ມີຢູ່ຈໍານວນ 14 ຄົນ ນໍ໋ ທັງໝົດຫັ້ນນະ ເພາະວ່າບ່ອນສະຖານທີ່ເຂົາເອົາມາຖິ້ມ ຢູ່ການປ່າແນວນີ້ນໍ໋, ເຂົາຕ້ອງລໍາບາກນໍ໋ ເພາະທາງ ບ້ານເຂົາ ນຶ່ງບໍ່ເອົາກົດໝາຍ ສອງກະບໍ່ເອົາກົດໝາຍນໍ໋ ເປັນຄຣິສຕຽນນໍ໋ ດຽວນີ້ ເພາະວ່າມີ 3 ຫລັງຄາເຮືອນນໍ໋.”

ໃນຂນະດຽວກັນ ຊາວຄຣິສຕຽນ ຢູ່ແຂວງຫລວງນໍ້າທາ ຜູ້ນຶ່ງ ທີ່ບໍ່ປະສົງອອກຊື່ ແລະສຽງ ຊຶ່ງເຫັນເຫດການນັ້ນເວົ້າຕໍ່ ວິທຍຸເອເຊັຽເສຣີວ່າ:

“ຄັນເຮັດແບບນີ້ ກະຖືວ່າລໍາອຽງ ຄັນສິເວົ້າແລ້ວກະແມ່ນຜີໂຕດຽວ ແມ່ນແຜນຂອງທາງຂັ້ນເທິງ ໄປຫາຂັ້ນເທິງ ກະຖິ້ມໃສ່ຂັ້ນລຸ່ມ ໄປ ຫາຂັ້ນລຸ້ມ ກະຖິ້ມໃສ່ຂັ້ນເທິງຫັ້ນໜ່າ ຄັນວ່າໄປຫາເມືອງ ກະວ່າສຸດແລ້ວແຕ່ບ້ານ ຄັນໄປຫາບ້ານ ກໍວ່າຢາກ ສເນີໃຫ້ໄປຫາເມືອງ.“

ກ່ຽວກັບເຣຶ່ອງທີ່ວ່ານີ້ ເຈົ້າໜ້າທີ່ຫ້ອງການແນວລາວສ້າງຊາດ ແຂວງຫລວງນໍ້າທາ ເວົ້າວ່າ ຊາວຄຣິສຕຽນ 3 ຄອບຄົວດັ່ງກ່າວ ໄດ້ຖືກໄລ່ ອອກຈາກບ້ານນັ້ນແທ້ ຍ້ອນບໍ່ຍອມເຮັດຕາມຮີດຄອງ ຂອງບ້ານ ດັ່ງທີ່ທ່ານກ່າວ ໃນມື້ດຽວກັນນັ້ນວ່າ:

”ເຂົ້າເຍຊູແລ້ວກໍເລີຍປະຜີພໍ່ຜີແມ່ນໍ ເຂົາເຜົ່າອາຂ່າເດ້ ຫຼັງຈາກປະຜີແລ້ວ ກໍເລຶ່ອງຖືຮີດບ້ານຄອງເມືອງ ສາມຄອບຄົວກະບໍ່ປະກອບສ່ວນ ສາມຄອບຄົວກະບໍ່ ຍອມປ່ຽນແປງ ຊາວບ້ານກະບໍ່ຍອມຮັບ ສຸດທ້າຍມາລະແມ່ນ ທາງບ້ານກະແມ່ນໄດ້ມ້າງ ເຮືອນ."

ທ່ານເວົ້າວ່າ ຫລັງຈາກນາຍບ້ານໄດ້ມ້າງເຮືອນແລ້ວ ກໍເອົາ 3 ຄອບຄົວ ພ້ອມກັບເຄຶ່ອງຂອງ ຂອງພວກເຂົາເຈົ້າ ໄປປະໄວ້ຢູ່ແຄມທາງ ຢູ່ນອກເຂດບ້ານປະມານ 2 ກິໂລແມັດ ແລະ 3 ຄອບຄົວນັ້ນ ກໍໄດ້ປຸກຕູບນ້ອຍຢູ່ຊໍາຊາໄປກ່ອນ ໂດຍທາງເຈົ້າໜ້າທີ່ ຂັ້ນເທິງກໍໄດ້ລົງ ໄປຕິດຕາມ ເຣຶ່ອງນີ້, ຈະເອີ້ນ 3 ຄອງຄົວດັ່ງ ກ່າວ ແລະນາຍບ້ານບ້ານຕີນດອຍໄປໂອ້ລົມ ນໍາກັນ ເພື່ອຫາທາງອອກກ່ຽວກັບຂໍ້ຂັດ ແຍ່ງນັ້ນ ແຕ່ຍັງບໍ່ທັນຮູ້ວ່າ ຈະເປັນມື້ໃດກັນແທ້.

ທ່ານເວົ້າຕື່ມວ່າ ຊາວຄຣິສຕຽນ 3 ຄອບຄົວທີ່ວ່ານີ້ ຫັນໄປນັບຖືສາສນາຄຣິສຕຽນ ຍ້ອນມີຄວາມເຊື່ອວ່າ ຈະເຮັດໃຫ້ພວກເຂົາເຈົ້າ ຫາຍຈາກການເຈັບປ່ວຍ. ຢູ່ເມືອງລອງ ມີຊາວຄຣິສຕຽນປະມານ 100 ປາຍຄອບຄົວ ແລະທັງວ່າ ຊາວຄຣິສຕຽນບາງຄົນ ຝ່າຝືນ ກົດຣະບຽບ ຂອງພັກ-ຣັຖ ໂດຍລັກເຜີຍແພ່ ຄໍາສອນພຣະເຈົ້າ ແລະຊັກຊວນ ໃຫ້ຊາວບ້ານ ຫັນມານັບ ຖືສາສນາຄຣິສຕຽນ. ແລະວ່າ ຫາກຖືກຈັບ ຈະມີໂທດຕາມກົດໝາຍ.

ອີງຕາມສະຕິຖິຂອງຄຣິສຕະຈັກ ຂ່າວປະເສີດສູນກາງ, ປັດຈຸບັນມີຊາວຄຣິສຕຽນລາວ ຢູ່ທົ່ວແຂວງຫຼວງນໍ້າທາ ປະມານ 2,100 ຄົນ. ພວກເຂົາເຈົ້າ ເຊື່ອຖືສາສນາຄຣິສຕຽນແບບງຽບໆ ແລະຢູ່ໃນຂອບເຂດຈໍາກັດ.

ຄໍາເຫັນ (4)
Share

(

ມະນຸດເກີດມາຢູ່ໃນໂລກ ໃບນີ້ ໃຜໆກໍມີສິດເລືອກທີ່ຈະເປັນເລືອກທີ່ຈະສະແດງບົດບາດ ແລະທ່າທີຂອງໂຕເອັງ ແລະສໍາຄັນຄືມີສິດເລືອກ ແລະສະແດງອອກສິດທິຂອງຕົນເອັງ ກັນທັ້ງທົ່ວໂລກເລີຍ, ບາດຢູ່ບ້ານຂອ້ຍ ເພີ່ນຜູ້ນໍາບໍ່ໄຫ້ ເປັນຄືແນວນັ້ນທຸກຄົນ ຕ້ອງຢູ່ພາຍໄຕ້ການນໍາພາຂອງພັກຂອງລັດ ເທົ່ານັ້ນເພາະພວກເພີ່ນ ບອກວ່າພັກເປັນຜູ້ສລາດສອ່ງໄສ ແລະພັກກໍເປັນຜູ້ຊີ້ນໍາແນວທາງກ້າວຂື້ນ ໄປສູ່ແຫ່ງຄວາມຫາຍຍະນະເປັນກ້າວໆໂດຍຍຶດຖືກົດບັດຂອງຄອມມີຽນິສ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 27, 2020 08:25 AM

Anyone

ຈາກ Any City

????????????????


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 19, 2020 08:09 AM

ໝັ້ນ

ຈາກ ນະຄອນຫຼວງ

ເວົ້າຕາມຄວາມຈິງແລ້ວ ຢູ່ໃນບັນດາປະເທດຕາເວັນຕົກກໍ່ຫາ້ມການເຜິຍແຜ່ສາດສະໜາ.ຢູ່ປະເທດຝລັ່ງກໍ່ມີການຫ້າມ ໂດຍສະເພາະແມ່ນ ສາດສະໜາຄິດ ເພາະແມ່ນສາດສະໜາທີ່ມອມເມົາປະຊາຊົນ ແລະ ເປັນເຄື່ອງເພື່ອຫວັງຜົນປະໂຫຍດທາງການເມືອງ. ໃນກົດໝາຍລາວກໍ່ຄືກົດໝາຍປະເທດອື່ນ ກໍ່ບໍ່ຫາມການເຊື່ອຖື ຖ້າການເຊື່ອຖືນັ້ນແມ່ນມາຈາກບັນພະບູລຸດ ສວ່ນສາດສະໜາ ຄິດແມ່ນມັກຈະເຜິຍແຜ່ ແລະ ສ້າງຄວາມແຕດແຍກ ແລະ ສ້າງບັນຫາ. ຖ້າ ເອເຊຍເສລີເປັນກາງແທ້ກໍ່ບໍ່ຄວນອອກຂ່າວປະເພດນີ້ອິກ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 19, 2020 08:09 AM

phoukham lao army

ຈາກ louangnamtha province

We the Lao people democrat republic and we all the lao authority. We hate and we not favor the Christ religion in Laos. The Christian and the Hmong People who served the U.S. during the Vietnam war era we all hate do not like. We label all the American tools forever.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 19, 2020 08:09 AM

ເຕັມຫນ້າ