ລາວໄດ້ປໂຍດຈາກ ເກົາຫຼີ ເໜືອ-ໃຕ້

2013-07-25
ອີແມວລ໌
ຄໍາເຫັນ
Share
ພິມ
ນະຄອນຫລວງວຽງຈັນ
ນະຄອນຫລວງວຽງຈັນ
RFA

 

ສປປລາວ ໄດ້ຮັບ ຜົນປະໂຫຍດ ຈາກການ ສົ່ງເດັກນ້ອຍ ອົພຍົບ ລີ້ພັຍ ເກົາຫລີເໜືອ 9 ຄົນ ກັບຄືນ ປະເທດ.

ຫລັງຈາກ ທາງການລາວ ໄດ້ ສົ່ງເດັກນ້ອຍ ອົພຍົບ ເກົາຫລີເໜືອ 9 ຄົນ ກັບຄືນ ເກົາຫລີເໜືອ ເມື່ອເດືອນ ພຶສພາ ປີນີ້ ທາງການ ເກົາຫລີໃຕ້ ກໍບໍ່ດີໃຈ ຢ່າງໃຫຍ່; ແຕ່ຕໍ່ມາ ເກົາຫຼີໃຕ້ ໄດ້ຕົກລົງ ໃຫ້ເງິນ ຊ່ວຍເຫລືອແກ່ ສປປລາວ ຫລາຍຂື້ນ ເປັນສອງເທົ່າ ໃນປີໜ້າ ເມື່ອທຽບໃສ່ ປີນີ້ ຄືເພິ້ມຂື້ນ ເກືອບເປັນ 5 ລ້ານດອນລ່າ ສະຫະຣັຖ. ການເພິ້ມເງິນ ຊ່ວຍເຫລືອ ຄັ້ງນີ້ ມີເງື່ອນໄຂວ່າ ທາງການລາວ ຈະບໍ່ສົ່ງ ຊາວອົພຍົບ ເກົາຫລີເໜືອ ກັບຄືນ ປະເທດ ຂອງ ພວກເຂົາອີກ. ປະກົດວ່າ ທາງການລາວ ກໍປະຕິບັດ ຕາມເງື່ອນໄຂ ນັ້ນ ແທ້ ເພາະຫລັງຈາກ ສົ່ງເດັກນ້ອຍ ເກົາຫລີເໜືອ ກັບຄືນ ປະເທດແລ້ວ ທາງການລາວ ກໍ ອະນຸຍາດ ໃຫ້ຊາວ ອົພຍົບ ເກົາຫລີເໜືອ ປະມານ 20 ຄົນ ໄປຕັ້ງຖິ່ນຖານ ຢູ່ ເກົາຫຼີໃຕ້.

ບໍ່ພຽງແຕ່ ໄດ້ ຜົນປະໂຫຍດ ຈາກເກົາຫລີໃຕ້ ເທົ່ານັ້ນ ສປປລາວ ຍັງໄດ້ຜົນ ປະໂຫຍດ ຈາກ ເກົາຫລີເໜືອ ນຳອີກ. ໜັງສືພິມ ທາງການ ເກົາຫລີເໜືອ ຣາຍງານ ເມື່ອບໍ່ດົນ ຜ່ານມາວ່າ ຫລັງຈາກ ທ່ານ ຈູມມະລີ ໄຊຍະສອນ ປະທານ ປະເທດ ສປປລາວ ໄປຢ້ຽມຢາມ ສາທາຣະນະຣັດ ປະຊາຊົນ ປະຊາຊົນ ເກົາຫລີ ຫລື ເກົາຫລີເໜືອ ເມື່ອປີທີ່ແລ້ວ 2 ປະເທດ ສປປເກົາຫລີ ແລະ ສປປລາວ ໄດ້ຕົກລົງ ຂຍາຍການ ຮ່ວມມື ທາງດ້ານເສຖກິດ ຣະຫວ່າງກັນ ໃຫ້ຫລາຍຂື້ນ. ນັກຊ່ຽວຊານ ກ່ຽວກັບ ລາວ ເວົ້າວ່າ ລາວ ຍັງເປັນ ປະເທດ ທີ່ທຸກຍາກ ແລະ ຜູ້ນຳ ຈະເຮັດທຸກສິ່ງ ທຸກຢ່າງ ເພື່ອໃຫ້ໄດ້ ການຊ່ວຍເຫລືອ ຈາກຕ່າງປະເທດ ໃຫ້ຫລາຍ ເທົ່າທີ່ ຈະຫລາຍໄດ້.

ເຕັມຫນ້າ