ລາວນອກຮ່ວມປະທ້ວງຣັຖບານ ລາວ

ຈໍາປາທອງ
2016-02-15
ອີແມວລ໌
ຄໍາເຫັນ
Share
ພິມ
ທ່ານ ຈູມມາລີ ໄຊຍະສອນ ປະທານ ປະເທດ ແຫ່ງ ສປປ ລາວ
ທ່ານ ຈູມມາລີ ໄຊຍະສອນ ປະທານ ປະເທດ ແຫ່ງ ສປປ ລາວ
Screen captured from LNTV News

ມີການຊຸມນຸມ ປະທ້ວງ ທາງການລາວ ເພື່ອ ສິດທິມະນຸດ ແລະ ປະຊາທິປະຕັຍ ຂອງ ຫຼາຍອົງການ ຈັດຕັ້ງ ແລະ ຊຸມຊົນ ຊາວລາວ ເປັນຈຳນວນ ຫຼວງຫຼາຍ ຢູ່ ສະຫະຣັຖ ອະເມຣິກາ ໃນວັນທີ 15 ກຸມພາ ນີ້.

ການຊຸມນຸມ ປະທ້ວງ ຄັ້ງໃຫຍ່ ນີ້ ມີທັງຕອນເຊົ້າ ແລະ ຕອນບ່າຍ, ໃນຕອນເຊົ້າ ແມ່ນ ອົງການ ລາວເປັນລາວ ຍຸກໃໝ່ ເປັນ ຜູ້ນຳພາ, ຕອນບ່າຍ ແມ່ນ ພັນທະມິດ ເພື່ອ ປະຊາທິປະຕັຍ ໃນລາວ ເປັນຜູ້ຈັດ, ຈະມີ ຜູ້ເຂົ້າຮ່ວມ ຈາກພາກສ່ວນ ຕ່າງໆ, ເຊັ່ນ ຈາກ ຣັຖ ໂຣດໄອແລັນ ແລະ ຣັຖ ເວີຈິເນັຍ.

ພຣະອາຈານ ສຸລະສິດ ກຸຫລາບດາຣາ ຢູ່ວັດພຸດໂທວາດ ເມືອງ ສມິດຟຽລ ຣັຖ ໂຣດໄອແລັນ ກ່າວ ຕໍ່ ວິທຍຸ ເອເຊັຽເສຣີ ໃນວັນ ທີ 12 ກຸມພາ, ເຖິງ ຈຸດປະສົງ ຂອງ ການຈະໄປຮ່ວມ ການຊຸມນຸມ ປະທ້ວງ ນັ້ນວ່າ:

"ອາຕມາ ຈະໄປຮ່ວມ ຊຸມນຸມປະທ້ວງ ຢູ່ທີ່ ຄາລີຟໍເນັຍ ໄປເບິ່ງ ສະພາບການ ແລະ ກະໄປເພື່ອແນະ ໃນການປະທ້ວງ ເພື່ອໃຫ້ມັນ ເປັນໄປຕາມຫຼັກ ປະຊາທິປະຕັຍ ເປັນໄປຕາມ ຫຼັກ ທັມມະທິປະຕັຍ ມັນເປັນ ການປະທ້ວງ ຮຽກຮ້ອງ ໃຫ້ມີການ ປ່ຽນແປງ ນັບຖື ສິດ ປະຊາທິປະຕັຍ ຂອງ ປະາຊົນ ລາວ ນັບຖືສິດທິ ຂອງມະນຸດ ຢ່າງເຕັມເມັດ ເຕັມໜ່ວຍ".

ຊຸມຊົນ ຊາວລາວ ຢູ່ ນອກປະເທສ ບໍ່ເຫັນດີ ນໍາການ ປົກຄອງ ປະເທສ ດ້ວຍຣະບົບ ອາຍາສິດ ແລະ ບໍ່ເຫັນພ້ອມ ນໍາການ ປົກຄອງ ແບບ ຜະເດັດການ ຢູ່ ສປປລາວ. ຍານາງ ແພງສີ ສຸວັນນະວົງ ຈາກເມືອງ ສະປ໊ອດຊິເວເນັຍ ຣັຖ ເວີຈີເນັຍ ຜູ້ທີ່ຈະໄປ ເຂົ້າຮ່ວມ ການຊຸມນຸມ ປະທ້ວງ ຄັ້ງນີ້ ກໍກ່າວເຖິງ ການໄປ ເຂົ້າຮ່ວມ ນັ້ນວ່າ:

"ກ່ອນຊິໄດ້ ຕັດສິນໃຈ ໄປຮ່ວມ ຊຸມນຸມປະທ້ວງ ຄັ້ງນີ້ ກໍເຫັນ ຄວາມສໍາຄັນ ທີ່ສຸດ ຂອງ ປວງຊົນ ຊາວລາວເຮົາ ທີ່ວ່າໄປ ຮຽກຮ້ອງ ສິດທິ ມະນຸດ ສິດ ເສຣີພາບ ມາໃຫ້ ປວງຊົນ ຊາວລາວເຮົາ ຢູ່ທາງໃນ ປະເທສ ທີ່ຖືກກົດຂີ່ ຂົ່ມເຫັງ ຈາກ ຣັຖບາລ ພັກດຽວ ອັນນີ້ ແລະ ຂ້າພະເຈົ້າ ເອງ ກໍອອກມາ ຈາກ ປະເທສ ດ້ວຍຄວາມ ຍາກລໍາບາກ ມີຫຼານ ກໍຖືກ ເຂົາຂ້າຕາຍ ມີອ້າຍເຂີຍ ກະຖືກຂ້າຕາຍ ມີອາວ ກະຖືກຂ້າຕາຍ".

ຍານາງ ແພງສີ ຕັ້ງໃຈວ່າ ຈະຕໍ່ສູ້ ເພື່ອ ປະຊາທິປະຕັຍ ໃຫ້ ປວງຊົນ ຊາວລາວ ແລະ ພວກລູກຫຼານ ຢູ່ພາຍ ໃນປະເທສ.

ຄໍາເຫັນ (4)
Share

sy

ຈາກ usa

WHAT EVER YOU GUY TALK THRERE IS NO ACTION THEN LAO IS STILL LAWLESS PLUS POOREST COUNTY IN THE WORLD. BECAUSE LAO DEPENDING ON FOREIGNERS AID AND CONTROLED BY ITS OWN NEIGBORS (C,V,T)


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 21, 2016 02:37 PM

ຈັນທະວີສຸກ

ຈາກ ວຽງຈັນ

ສິດທິມະນຸດແລະປະຊາທິປະໄຕ ຢູ່ລາວສູງທີ່ສຸດ. ຕົວທຸກຄົນທົ່ວໂລກ ສາມາດເຂົ້າມາລາວໄດ້ ໂດຍບໍ່ຕ້ອງສຳພາດ ເສຍເວລາແລະເສຍເງີນດອກ. ປະຊາຊົນລາວຢາກເຮັດນາ, ເຮັດສວນກໍ່ຖາງເອົາໂລດ ປ່າແຄມບ້ານໂຕເອງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 18, 2016 02:23 PM

Lao fore Demo

ຈາກ Say thany V/T

I never seen and hear lao First Lady have a talk or something fore lao comunist regimes or she is not happy in her man running his Big M.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 17, 2016 03:14 PM

ບ້ານນອກ

ຈາກ Laossie

ຕາມພະຄຳພີເວົ້າວ່າ ອຳນາຈຫານປົກຄອງຂອງ ພະເຈົ້າເທົ້ານັ້ນ ຈະແກ້ບັນຫາໃດ້ຢ່າງສົມບູນແບບສາກົລ. ດັ່ງ $1ໃບ ເຖິງ $100 ທຸກຊາດທຸກຕະກູນຍອມຮັບວ່າ “ In God We Trust" ອ່າວ ທ່ານໃດຖືຜີປີສາດ ຊາຕານກໍ່ຕ້ອງດີ້ນລົນຕໍ່ສູ້ໄປວັນໆຢ່າງນັ້ນລະ ບໍເຊື່ອຢ່າຟ້່ວລົບລູ່ ເພາະ ພະເຈົ້າສັນຍານານມາແລ້ວທີ່ ວິວອນ.21:3-5


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 15, 2016 08:54 AM

ຄົນລາວກິນເຂົ້າໜຽວ

ຈາກ ໂລກມະນຸດ

ອີກດົນປານໃດ ເພີ່ນຈະມາໂຜດ ໃຫ້ພໍ່ແມ່ພີ່ນ້ອງລາວເຮົາໃຫ້ພົ້ນທຸກ? ຜູ້ທີ່ຖ້າ ຕາຍໄປແລ້ວກໍມີ. ສະນັ້ນ ຫວັງວ່າ ເພີ່ນບໍ່ຕົ໊ວຫຼອກລວງ ປະຊາຊົນ ໃຫ້ດີໃຈຫຼ້າໆ...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 16, 2016 03:14 PM

ເຕັມຫນ້າ