ລາວ ສັ່ງຊື້ຣົດຖັງ,ຍົນສູ້ຣົບ

ອຸ່ນແກ້ວ ສຸກສະຫວັນ
2018-12-27
ອີແມວລ໌
ຄໍາເຫັນ
Share
ພິມ
ຣົດຖັງ ທີ່ຫາກໍ່ສັ່ງຊື້ ຈາກ ຣັດເຊັຍ ຖືກນຳມາຊ້ອມ ເດີນສວນສະໜາມ ຢູ່ ວິທຍາຄານການທະຫານບົກ ນ້ຳຊວງ ແຂວງວຽງຈັນ
ຣົດຖັງ ທີ່ຫາກໍ່ສັ່ງຊື້ ຈາກ ຣັດເຊັຍ ຖືກນຳມາຊ້ອມ ເດີນສວນສະໜາມ ຢູ່ ວິທຍາຄານການທະຫານບົກ ນ້ຳຊວງ ແຂວງວຽງຈັນ
ພາບຈາກ: ຂ້ອຍເປັນຄົນລາວ

ຣັຖບານລາວ ສັ່ງຊື້ຣົດຖັງ ແລະຍົນສູ້ຣົບ ຈາກປະເທດຣັດເຊັຍ ເນື່ອງໃນວັນຄົບຮອບ 70 ຂອງການສ້າງຕັ້ງກອງທັບປະຊາຊົນລາວ ວັນທີ 20 ມົກກະຣາ 2019 ຊຶ່ງຈະມີການສລອງຢູ່ປະເທດລາວ.

ລົດຖັງຍີ່ຫໍ້ T-72B White Eagle ຫລາຍ 10 ຄັນ ຈາກຣັດເຊັຍ ຂົນສົ່ງມາປະເທດລາວເປັນທີ່ຮຽບຮ້ອຍ ໂດຍຜ່ານທ່າເຮືອຂອງປະເທດ ວຽດນາມ ຊຶ່ງໃນເບື້ອງຕົ້ນຣັຖບານລາວ ຈະສັ່ງຊື້ຍີ່ຫໍ້ T-72B3 ແຕ່ມີລາຄາແພງ 3 ລ້ານໂດລາ, ຣັຖບານລາວຈຶ່ງສັ່ງເອົາ T-72B  ຫລື White Eagle. ອີງຕາມການຣາຍງານຂອງເວັບໄຊ www.armyrecognition.com

ນອກຈາກນີ້ ເຈົ້າໜ້າທີ່ສະໜາມບິນທ່ານນຶ່ງຜູ້ທີ່ບໍ່ປະສົງອອກຊື່ ແລະສຽງ ໄດ້ກ່າວຕໍ່ເອເຊັຽເສຣີ ໃນວັນທີ 26 ທັນວາ ວ່າ: ຣັຖບານລາວ ຍັງໄດ້ສັ່ງເຮືອບິນສູ້ຣົບ YAK 130 ຈຳນວນ 4 ລຳ ໃນເບື້ອງຕົ້ນ ເພື່ອໃຫ້ທັນກັນການສະແດງ ສລອງວັນທີ່ 20 ມົກກະຣາ.

ໃນການສັ່ງຊື້ຄັ້ງນີ້ ແຫລ່ງຂ່າວທີ່ໃກ້ຊິດເຈົ້າໜ້າທີ່ຂັ້ນສູງ ຂອງກະຊວງປ້ອງກັນປະເທດ ໄດ້ກ່າວຕໍ່ເອເຊັຽເສຣີ ວ່າ: ເປັນການແລກປ່ຽນກັບ ການໃຫ້ຣັດເຊັຍ ສຳປະທານບໍ່ແຮ່ ແລະ ໂຄງການລົງທຶນ ໃນປະເທດລາວ. ແຕ່ທາງການລາວ ຍັງບໍ່ໄດ້ມີການເປີດເຜີຍ ຣາຍລະອຽດ ກ່ຽວກັບເລື້ອງການສັ່ງຊື້ຣົດຖັງ ແລະຍົນສູ້ຣົບ ດັ່ງກ່າວ.

ຜ່ານມາ ສື່ມວນຊົນຂອງທາງການລາວ ພຽງແຕ່ຣາຍງານວ່າ ທະຫານຣັດເຊັຍເຂົ້າມາເຮັດວຽກດ້ານມະນຸສທັມ ໃນການເກັບກູ້ລະເບີດ ຢູ່ ເມືອງຄຳເກີດ ແຂວງບໍລິຄຳໄຊ. ໃນການຮ່ວມມືທາງການ ທະຫານ ລະຫວ່າງລາວແລະຣັດເຊັຍ ໄດ້ມີການສ້າງສາລະຄະດີກ່ຽວກັບການ ຮ່ວມມືກັນ ທາງດ້ານການທະຫານຮ່ວມກັນ ເພື່ອໂຄສະນາກ່ຽວກັບ ການຮ່ວມຂອງທັງສອງປະເທດ, ຊຶ່ງໄດ້ເຜີຍແຜ່ ອອກທາງເຟສບຸກ ຢ່າງຕໍ່ເນື່ອງແລະ ທ່ານ ພົນເອກ ຈັນສະໝອນ ຈັນຍາລາດ ຣັຖມົນຕຼີກະຊວງປ້ອງກັນປະເທດລາວ ກໍໄດ້ກ່າວເນັ້ນຢ້ຳໃນຖແລງການ. ອີງຕາມການຣາຍງານ ຂອງໜັງສືພິມ ປະຊາຊົນ.

ນອກຈາກນີ້, ສຳນັກຂ່າວ sputnik ຂອງຣັດເຊັຍ ໃນເດືອນກັນຍາ 2017 ທ່ານ ທອງລຸນ ສີສຸລິດ ນາຍົກຣັຖມົນຕຼີ ຂອງລາວ ໄດ້ເຊັນ ຂໍ້ຕົກລົງ ການຮ່ວມມືທາງການດ້ານທະຫານ ກັບ ທ່ານ Dmitry Medvedev ນາຍົກຣັຖມົນຕຼີຣັດເຊັຍ ແລະ ຣັຖບານລາວໃຫ້ຣັດເຊັຍ ໄດ້ສຳປະທານ ໂຄງການເຂື່ອນໄຟຟ້າເຊກອງ 5 ຢູ່ພາກໃຕ້ຂອງປະເທດລາວ.

ສຳນັກຂ່າວ sputnik ຂອງຣັດເຊັຍ ຍັງຣາຍງານອີກວ່າ ກະຊວງປ້ອງກັນປະເທດຣັດເຊັຍ ໄດ້ເຊັນຂໍ້ຕົກລົງ ກັບທາງການລາວ ເພື່ອສົ່ງ ເຈົ້າໜ້າທີ່ຊ່ຽວຊານ ທາງທະຫານມາຊ່ວຍຝຶກອົບຮົມ ວິຊາການທະຫານ ໃຫ້ກອງທັບລາວ ແລະ ຈະເປີດຫ້ອງການຮ່ວມວຽກງານປ້ອງກັນ ປະເທດຢູ່ລາວ, ແຕ່ເຈົ້າໜ້າທີ່ຣັດເຊັຍ ຈະບໍ່ປະຕິບັດງານດ້ວຍຕົນເອງ ຊຶ່ງຈະເປັນຜູ້ຊ່ວຍຝຶກອົບຮົມເທົ່ານັ້ນ.

ຄໍາເຫັນ (2)
Share

phengphan

ຈາກ xaithani

Sure, Mr chasamond chayalat has declared a civil war to surround use military to kill and destroy the Hmong people CIA who help to serve the U.S during the vietnam war era. Many hundred has remain in the PhouBia area and the Xaisombun province . Hmong CIA who remained in Laos is almost to be killed and be gone because Laos military is surrounding them now.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 02, 2019 05:13 AM

ທະຫານວັດໄຕ

ຈາກ ວຽງຈັນ

ກອງທັບປະຊາຊົນລາວ ນຳໂດຍສະຫາຍ ຈັນສະໝອນ ຈັນຍະລາດ ແລະພັກລັດໄດ້ສັງຊື້ລົດຖັງ ແລະ ເຄືອງອາວຸດຍຸໂທປະກອນ ທີ່ທັນສະໄໝຈາກລັດເຊຍ ເພືອປ້ອງກັນປະເທດຊາດ ເພາະຄວາມຄັດແຍ້ງໃນທະເລຈິນໃຕ້ ລະຫວ່າງ ສປຈິນ ແລະ ສສຫວຽດນາມ ຄົງຈະບໍ່ມີວັນຈະຍຸຕິໄດ້. ສປຈິນ ແລະ ສສຫວຽດນາມ ຕ່າງຝ່າຍຕ່າງເປັນເພື່ອນສະນິດແໜ້ນ ດັບສປປລາວ ສປຈິນເປັນຝ່າຍການຄ້າແລະເສຖະກິດ ສສຫວຽດນາມເປັນຈອມຄູ້ມຄອງທັງດ້ານການທະຫານແລະການເມືອງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2018 11:37 AM

ເຕັມຫນ້າ