ລາວ ອາຈໂຈະສ້າງເຂື່ອນນ້ອຍ

ສິດນີ
2018-05-31
ອີແມວລ໌
ຄໍາເຫັນ
Share
ພິມ
ດ້ານໜ້າຂອງໂຕເຂື່ອນ ເຊກະໝານ3 ທີ່ໄດ້ຮັບຄວາມເສັຽຫາຍ, ກ່ຽວກັບກໍຣະນີ ອຸມົງນໍ້າ ຂອງ ເຂື່ອນ ເຊກະໝານ3 ແຕກ ຢູ່ເມືອງດາກຈຶງ ແຂວງເຊກອງ ເມື່ອວັນທີ 16 ທັນວາ ທີ່ຜ່ານມາ ໄດ້ສ້າງ ຄວາມເສັຽຫາຍ ຫຼາຍ ຈົນຕ້ອງໄດ້ຢຸດ ການຜລິດໄຟຟ້າ ແບບ ບໍ່ມີກໍານົດ.
ດ້ານໜ້າຂອງໂຕເຂື່ອນ ເຊກະໝານ3 ທີ່ໄດ້ຮັບຄວາມເສັຽຫາຍ, ກ່ຽວກັບກໍຣະນີ ອຸມົງນໍ້າ ຂອງ ເຂື່ອນ ເຊກະໝານ3 ແຕກ ຢູ່ເມືອງດາກຈຶງ ແຂວງເຊກອງ ເມື່ອວັນທີ 16 ທັນວາ ທີ່ຜ່ານມາ ໄດ້ສ້າງ ຄວາມເສັຽຫາຍ ຫຼາຍ ຈົນຕ້ອງໄດ້ຢຸດ ການຜລິດໄຟຟ້າ ແບບ ບໍ່ມີກໍານົດ.
ຖ່າຍຮູບໂດຍ: ຄຳປົນ

ສະພາແຫ່ງຊາດລາວ ຈະພິຈາຣະນາ ໂຈະ ການສ້າງເຂື່ອນຂນາດນ້ອຍ ໃນທົ່ວປະເທດ ພາຍຫລັງກວດພົບວ່າ ເຂື່ອນຂນາດນ້ອຍ 2 ແຫ່ງ ສ້າງບໍ່ໄດ້ມາຕຖານ ແລະ ຍັງເຮັດໃຫ້ເສັຽ ງົບປະມານໃນການສ້າງ. ໃນປີຜ່ານມາ ຣັຖບານລາວ ມີຄຳສັ່ງ ໃຫ້ທຸກແຂວງ ໂຈະການໃຫ້ ສຳປະທານ ສ້າງເຂື່ອນຂນາດນ້ອຍ ເພື່ອໃຫ້ເຈົ້າໜ້າທີ່ ກະຊວງພລັງງານ ແລະບໍ່ແຮ່ ໄປກວດກາມາຕຖານ ຂອງເຂື່ອນກ່ອນ. ດັ່ງເຈົ້າໜ້າທີ່ ກົມທຸຣະກິສ ພລັງງານ ກະຊວງພລັງງານ ແລະບໍ່ແຮ່ ກ່າວຕໍ່ວິທຍຸເອເຊັຽເສຣີວ່າ:

"ປັດຈຸບັນເນາະ ຣັຖບານໄດ້ອອກແຈ້ງການວ່າໃຫ້ທຸກໆແຂວງຫັ້ນແຫລະ ໂຈະການພິຈາຣະນາກ່ອນ ເຊັ່ນເຂື່ອນນ້ອຍກ່ອນ ບໍ່ໃຫ້ຟ້າວເຊັນ ຫຍັງເທື່ອ ໃຫ້ໂຈະລົງກ່ອນ ເພາະວ່າມັນເຮົາຕ້ອງໄດ້ກວດເບິ່ງ ເຂື່ອນທຸກເຂື່ອນທົ່ວປະເທດ ກ່ອນແລ້ວຈາກນັ້ນ ຖ້າວ່າມີຈັ່ງໃດ ຈະມີອີກ ແຈ້ງການນຶ່ງ ອອກມາ ແຕ່ວ່າແຈ້ງການຫລ້າສຸດ ແມ່ນເພິ່ນສັ່ງໂຈະກ່ອນ."

ທ່ານວ່າ ກົດໝາຍວ່າດ້ວຍໄຟຟ້າ ສະບັບປັບປຸງປີ 2017 ທີ່ຈະປະກາດໃຊ້ໃນໄວໆນີ້ ຣະບຸວ່າ ກະຊວງພລັງງານແລະບໍ່ແຮ່ ຈະເປັນຜູ້ເຊັນ ອະນຸມັດ ໂຄງການເຂື່ອນຂນາດນ້ອຍ 5 ເມກາວັດຂຶ້ນໄປ ສ່ວນແຂວງ ບໍ່ມີສິດທີ່ຈະສ້າງເຂື່ອນຂນາດນ້ອຍ ກວ່າ 5 ເມກາວັດ.

ຜ່ານມາການສ້າງເຂື່ອນຂນາດນ້ອຍໃນລາວ ມີຫລາຍແຫ່ງບໍ່ໄດ້ມາຕຖານ ເຮັດໃຫ້ເຂື່ອນ ເກີດຄວາມເສັຽຫາຍ ສົ່ງຜົລກະທົບຕໍ່ຊາວບ້ານ, ດັ່ງເຂື່ອນນໍ້າອ້າວທີ່ ແຂວງຊຽງຂວາງ ແຕກ ແລະກຳແພງເຂື່ອນເຊກະໝານ 1 ຢູ່ແຂວງເຊກອງ ຫ່ານອອກຈົນຕ້ອງ ໄດ້ຢຸດການຜລິດ.

ໃນມື້ວັນທີ 25 ພຶສພາ ຜ່ານມາ ກະຊວງພລັງງານ ແລະບໍ່ແຮ່ ຮ່ວມກັບທະນາຄານໂລກ ໄດ້ຕົກລົງກັນຈະສເນີ ໃຫ້ສະພາແຫ່ງຊາດ ອອກ ນິຕິກັມ ຫ້າມແຂວງ ແລະທ້ອງຖິ່ນ ສ້າງເຂື່ອນຂນາດນ້ອຍ 100 ເມກາວັດ ລົງມາ.

ຄໍາເຫັນ (1)
Share

(

Hey, why stop ? Go ahead boys if not you won't be the battery of ASEAN. Brainless regime, I pity you especially your people.I don't know what they did to deserve you as their government.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 01, 2018 04:32 AM

ເຕັມຫນ້າ