ສະພາບໍ່ເຫັນດີໃຫ້ ຕ່າງຊາດ ຊື້ຂາຍ ທີ່ດິນ

ສຸພັດຕາ
2018-12-20
ອີແມວລ໌
ຄໍາເຫັນ
Share
ພິມ
ທັມມະຊາດເມືອງວັງວຽງ ເປັນພື້ນທີ່ດິນ ທີ່ນັກລົງທຶນຕ່າງຊາດຕ້ອງການ ຈັບຈອງເປັນເຈົ້າຂອງ
ທັມມະຊາດເມືອງວັງວຽງ ເປັນພື້ນທີ່ດິນ ທີ່ນັກລົງທຶນຕ່າງຊາດຕ້ອງການ ຈັບຈອງເປັນເຈົ້າຂອງ
RFA/SS

ສະມາຊິກສະພາແຫ່ງຊາດ ຈຳນວນ 29 ທ່ານ ບໍ່ເຫັນດີນຳ ຮ່າງກົດໝາຍ ທີ່ອະນຸຍາດໃຫ້ຄົນຕ່າງປະເທດ ມາຊື້-ຂາຍ ສິດນຳໃຊ້ທີ່ດິນ ຢູ່ ສປປລາວ ໃສ່ໃນຮ່າງກົດໝາຍ ໃນມາຕຣາ 96, ໃນນັ້ນເປັນຍ້ອນສະມາຊິກ ສະພາແຫ່ງຊາດ ເຫັນວ່າບໍ່ເໝາະສົມ ໂດຍສະເພາະ ແມ່ນ ການຂາຍກັມມະສິດທີ່ດິນ ໃຫ້ຄົນຕ່າງປະເທດ.

ຕໍ່ປະເດັນດ່ັງກ່າວນີ້ ເຈົ້າໜ້າທີ່ຂແນງທີ່ດິນກ່າວວ່າ ຄົນຕ່າງປະເທດບໍ່ສາມາດອອກຊື່ໃນໃບຕາດິນ ຫຼືຊື້-ຂາຍສິດນຳໃຊ້ທີ່ດິນ ຢູ່ ສປປລາວ ໄດ້ເພາະປະເທດລາວ ມີກົດໝາຍຢັ້ງຢືນແລ້ວ, ດ່ັງທ່ານກ່າວຕໍ່ວິທຍຸເອເຊັຍເສຣີ ໃນວັນທີ 20 ທັນວາ ນີ້ວ່າ:

“ໂຕນີ້ບໍ່ສາມາດນຳໃຊ້ໄດ້ເດີ້ ກົດໝາຍບໍ່ສາມາດ ບໍ່ໃຫ້ຄົນຕ່າງຊາດ ທີ່ເປັນເຊື້ອຊາດຕ່າງປະເທດ ບໍ່ແມ່ນຊາດລາວ ສາມາດອອກຊື່ໃນ ໃບຕາດິນໄດ້ ຍ້ອນກົດໝາຍກໍຢັ້ງຢືນໃຫ້ແລ້ວ ວ່າຊາວຕ່າງຊາດ ບໍ່ສາມາດອອກຊື່ ຊື້ທີ່ດິນຢູ່ລາວໄດ້ ຄົນຕ່າງຊາດ ກໍບໍ່ມີສິດ ອອກຊື່ ນຳໃຊ້ທີ່ດິນໄດ້.”

ທ່ານກ່າວຕື່ມວ່າ ເຖິງແມ່ນວ່າ ຄົນຕ່າງປະເທດ ບໍ່ສາມາດອອກຊື່ໃນໃບຕາດິນ ຫຼື ຊື້-ຂາຍ ສິດນຳໃຊ້ທີ່ດິນ ຢູ່ສປປລາວໄດ້, ແຕ່ຄົນຕ່າງ ປະເທດ ກໍຍັງສາມາດ ເຊົ່າຫຼືສັມປະທານທີ່ດິນ ໃນນາມທຸຣະກິຈ ຢູ່ສປປລາວໄດ້, ໂດຍມີຂໍ້ຕົກລົງຈຳນວນປີ ການເຊົ່າຫຼືສໍາປະທານ ທີ່ດິນ ຂຶ້ນຢູ່ກັບກົດຣະບຽບ ຕາມທີ່ກະຊວງຊັພຍາກອນທັມມະຊາດ ແລະສິ່ງແວດລ້ອມກຳນົດ, ດັ່ງທ່ານກ່າວວ່າ:

“ໂຕນີ້ ຄັນມາເຊົ່າໃນນາມບໍຣິສັດຫຼືໃນນາມຄ້າຂາຍ ໃຫ້ເຂົ້າມາພົວພັນຢູ່ກັບຜແນກຊັພຍາກອນທຳມະຊາດແລະສິ່ງແວດລ້ອມ ຍົກຕົວຢ່າງ ຈະມາເຮັດ ຕະຫຼາດ ທຸຣະກິດຕ່າງໆ ຍາວນານ ມາສ້າງຕະຫຼາດ ເປັນຕະຫຼາດ ເປັນອາຄານຂອງເຂົາເຈົ້າ 20 ປີ ຫຼັງຈາກ 20 ປີ ທຸກຢ່າງຈະເປັນຂອງຣັດ.”

ສຳລັບກົດໝາຍກ່ຽວກັບ ຄົນຕ່າງປະເທດມາ ຊື້-ຂາຍສິດນຳໃຊ້ທີ່ດິນ ຢູ່ສປປລາວ ຕາມມາຕຣາ 96 ນັ້ນ ຣະບຸວ່າ ອະນຸຍາດໃຫ້ບຸກຄົນ, ນິຕິບຸກຄົນ ແລະການຈັດຕັ້ງທັງພາຍໃນ ແລະຕ່າງປະເທດ ສາມາດຊື້-ຂາຍ ສິດນຳໃຊ້ທີ່ດິນ ພາຍໃນກຳນົດບໍ່ເກີນ 50 ປີ ແລະສາມາດ ຊື້ທີ່ດິນ ໄດ້ອີກ 1 ຄັ້ງ ແຕ່ບໍ່ໃຫ້ເກີນກຳນົດ 40 ປີໃນ ສປປລາວ ໄດ້.

ເມື່ອວັນທີ 18 ທັນວາ ຜ່ານມາ ສະມາຊິກສະພາແຫ່ງຊາດ ບໍ່ເຫັນດີໃຫ້ຄົນຕ່າງປະເທດ ມາຊື້-ຂາຍສິດນຳໃຊ້ທີ່ດິນ ຢູ່ສປປລາວ ຍ້ອນວ່າ ຕ້ອງການປົກປ້ອງສິດ ແລະຜົນປໂຍດ ຂອງປະຊາຊົນລາວ.

ຄໍາເຫັນ (1)
Share

(

What about monkey-Lao who invested US$ 500,000 and bought 200m2 of land? News made headlines among Lao communities living in the freeworld countries.Does it mean their money is GONE FOR GOOD ? And once again they were fooled by the Lao gorvernment. Let me give them a piece of advice, ONCE BURNED and TWICE SHY ! If they stick to this it's going to be fine because no one can trust commies.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 21, 2018 04:48 AM

ເຕັມຫນ້າ