ບັນຫາຊາຍແດນຣະຫວ່າງ ລາວ ກັມພູຊາ ຍັງຍືດເຍື້ອ

ສຸພັດຕາ
2018-01-05
ອີແມວລ໌
ຄໍາເຫັນ
Share
ພິມ
ການກໍ່ສ້າງ ໃນເຂດຊາຍແດນ ທີ່ທາງຝ່າຍລາວ ເວົ້າວ່າເປັນການສ້ອມແປງ ອາຄານເກົ່າ ທີ່ຊຸດໂຊມ ບໍ່ແມ່ນສ້າງຂຶ້ນໃໝ່, ແຕ່ຕ່າງຝ່າຍ ກໍມີຄໍາເຫັນ ທີ່ແຕກຕ່າງກັນ ຈຶ່ງເກີດມີຂໍ້ຂັດແຍ່ງກັນ
ການກໍ່ສ້າງ ໃນເຂດຊາຍແດນ ທີ່ທາງຝ່າຍລາວ ເວົ້າວ່າເປັນການສ້ອມແປງ ອາຄານເກົ່າ ທີ່ຊຸດໂຊມ ບໍ່ແມ່ນສ້າງຂຶ້ນໃໝ່, ແຕ່ຕ່າງຝ່າຍ ກໍມີຄໍາເຫັນ ທີ່ແຕກຕ່າງກັນ ຈຶ່ງເກີດມີຂໍ້ຂັດແຍ່ງກັນ
RFA

ກອງປະຊຸມ ຊາຍແດນລາວ-ກຳພູຊາ ທີ່ໄດ້ຈັດຂຶ້ນເມື່ອກາງເດືອນທັນວາ ປີກາຍ ບໍ່ສາມາດຕົກລົງກັນໄດ້ ຍ້ອນຝ່າຍກຳພູຊາ ບໍ່ຍອມຮັບ ເງື່ອນໄຂ ທີ່ຝ່າຍລາວສເນີ. ອີງຕາມຄວາມເວົ້າ ຂອງເຈົ້າໜ້າທີ່ຣະດັບສູງ ປກຊ-ປກສ ແຂວງຈຳປາສັກ ຜູ້ຂໍສງວນຊື່ ທ່ານນຶ່ງ ໄດ້ກ່າວຕໍ່ໍ່ ຜູ້ສື່ຂ່າວເອເຊັຽເສຣີ ເມື່ອບໍ່ດົນຜ່ານມາ, ເຈົ້າໜ້າທີ່ທ່ານນີ້ ກ່າວກ່ຽວກັບເຣື້ອງນີ້ ຕື່ມຕອນນຶ່ງວ່າ:

“ກອງປະຊຸມຣະຫວ່າງຈຳປາສັກ ກັບຊຽງແຕງ ຫັ້ນສຳເຣັດແລ້ວ, ເນື້ອໃນກອງປະຊຸມ ທີ່ຊິເອົາກັນຈັ່ງໃດ ລະຖືວ່າຍັງບໍ່ລົງລອຍກັນເທື່ອ. ຜົລການປະຊຸມຫັ້ນກະຍັງບໍ່ທັນໄດ້ຣະບຸຣະອຽດນ່າ ເພາະວ່າຖືວ່າບໍ່ມີແນວຕົກລົງກັນໄດ້, ເວົ້າກັນແນວນັ້ນໂລດ ບໍ່ມີແນວຕົກລົງກັນໄດ້. ພວກເຮົາຫັ້ນສເນີໃຫ້ ກຳພູຊາອອກຈາກຂອບເຂດຊາຍແດນເບື້ອງລະ 50 ແມັດ, ມັນກະຍັງບໍ່ອອກ."

ທ່ານກ່າວຕື່ມວ່າ ຝ່າຍລາວໄດ້ຍື່ນຂໍ້ສເນີ ໃຫ້ຝ່າຍກຳພູຊາ ພຽງ 2 ຂໍ້ ເພື່ອໃຫ້ຄນະກັມມະການ ປັກຫຼັກໝາຍຊາຍແດນ ເຂົ້າໄປກວດກາ ເຂດຫຼັກໝາຍ.

“ສເນີໃຫ້ຄນະກັມມະການປັກຫຼັກໝາຍ 2 ຝ່າຍລົງກວດກາ ບ່ອນທີ່ຝ່າຍກຳພູຊາປຸກຫຼັງເຮືອນ ຢູ່ຂອບເຂດຊາຍແດນປັກຫຼັກໝາຍ 36 ຮອດ 40 ລົງກວດກາວ່າໃຜເຂົ້າໄປ. 2 ລະເວົ້າເຣື້ອງບ່ອນວ່າ ກຳພູຊາເຮັດເຂື່ອນຕັນນ້ຳຫັ້ນ, ເຂື່ອນຕັນນ້ຳຢູ່ 38 ຢູ່ຫຼັກໝາຍ 38, ຫຼັກ 35 ຫາ 38, ກະຖືວ່າຢາກລົງໄປກວດກາເບິ່ງ. ບາດນີ້ນ້ຳຫັ້ນມັນຫຼາຍມັນລົ້ນມາທາງເຮົາພີ້ ທາງເຮົາລະນ້ຳຖ້ວມທາງລະໄປບໍ່ໄດ້ ໄປຍາກມາຍາກ ມັນກະເຮັດຕັນໃສ່ ມັນກະວ່າບໍ່ຍອມຮັບ. ສເນີໃຫ້ 2 ບັນຫານີ້ ມັນລະຍ່າງອອກຈາກ ກອງປະຊຸມເລີຍ ມັນບໍ່ຍອມຮັບ."

ຫຼ້າສຸດ, ເມື່ອວັນທີ 23 ຈົນເຖິງວັນທີ 26 ທັນວາ 2017 ທີ່ຜ່ານມາ, ຄນະກັມມະການຮັກສາຄວາມສງົບຮຽບຮ້ອຍ ຕາມຊາຍແດນທົ່ວໄປ ລາວ-ກຳພູຊາ ໄດ້ຮ່ວມປະຊຸມກັນ ທີ່ນະຄອນຫຼວງວຽງຈັນ, ກໍຍັງບໍ່ສາມາດ ຕົກລົງກັນໄດ້ ຕາມໍຂໍ້ສເນີ ຂອງຝ່າຍລາວ. ນາຍົກຣັຖມົນຕຣີ ຂອງສອງປະເທດ ໄດ້ຕົກລົງກັນເມື່ອປີກາຍ ວ່າ ລາວ ແລະ ກັມພູຊາ ຈະພຍາຍາມແກ້ໄຂ ຂໍ້ຂັດແຍ້ງ ຊາຍແດນ ໃນໄວໆນີ້.

ຄໍາເຫັນ (1)
Share

Lao

ຈາກ south border of Laos

Cambodian defense minister National Army
is not agree with Lao between the talk in Vientiane, The face of Cambodian Army is looked angry because the Lao need the cambodian to sign and agree to withdraw cambodian troop from the border of conflict. To day Cambodia has increased the military power more battalion to the border planing to take the action. Cambodian believed that the land mark was in Cambodian territory according to the French agreement in 1903. Cambodian is a kingdom, democratic and Lao is still a communism country.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 12, 2018 03:45 AM

ເຕັມຫນ້າ