ຄົນງານລາວຢູ່ໄທ ຮຽກຮ້ອງ ປະຊາທິປະໄຕ ຢູ່ລາວ

ໄມຊູລີ
2018-09-17
ອີແມວລ໌
ຄໍາເຫັນ
Share
ພິມ
ແຮງງານລາວ ທີ່ເຮັດວຽກຢູ່ໄທ ຮຽກຮ້ອງ ໃຫ້ຣັຖບານລາວ ເປິດກວ້າງ ປະຊາທິປະຕັຍໃນລາວ
ແຮງງານລາວ ທີ່ເຮັດວຽກຢູ່ໄທ ຮຽກຮ້ອງ ໃຫ້ຣັຖບານລາວ ເປິດກວ້າງ ປະຊາທິປະຕັຍໃນລາວ
RFA

ວັນທີ 15 ກັນຍາ ຜ່ານມາເປັນວັນ ປະຊາທິປະຕັຍສາກົນ ໃນວັນດັ່ງກ່າວນີ້ ກຸ່ມແຮງງານລາວ ທີ່ເຮັດວຽກຢູ່ໄທ ໄດ້ຮຽກຮ້ອງໄປຍັງຣັຖບານ ລາວ ໃຫ້ເປິດກວ້າງ ປະຊາທິປະຕັຍໃນລາວ ໂດຍສະເພາະ ໃຫ້ປະຊາຊົນລາວ ສາມາດອອກ ຄວາມຄິດເຫັນ ຕໍ່ສາທາຣະນະ ເພາະຈະເຮັດ ໃຫ້ປະເທດ ພັທນາຂື້ນຕຶ່ມ ໃນຫລາຍດ້ານ, ດັ່ງ ຕົວແທນແຮງງານລາວ ໃນໄທ ທ່ານນຶ່ງ ກ່າວຕໍ່ວິທຍຸເອເຊັຍເສຣີ ໃນວັນທີ 16 ກັນຍາ ຜ່ານມາວ່າ:

“ພວກຂ້າພະເຈົ້າທີ່ໃຊ້ແຮງງານ ຢູ່ໄທນີ້ ກໍຢາກມາສະແດງອອກ ໃຫ້ທາງການລາວ ຮັບຮູ້ວ່າ ພວກເຮົາຮັກປະຊາທິປະໄຕ ຜົນຕອບແທນ ມັນກະຫຼາຍເນາະ ຄັນເວົ້າເຣື້ອງປະຊາທິປະໄຕນະ ນື່ງມາເຮັດໃຫ້ສາກົນ ຮັບຮູ້ວ່າປະເທດເຮົາ ປົກຄອງດ້ວຍ ປະຊາທິປະຕັຍ ການລົງທຶນ ລົງຮອນ ຂອງພໍ່ຄ້າຊາວຂາຍ ກໍສິຫລັ່ງໄຫລເຂົ້າມາ.”

ນອກຈາກນີ້ ກຸ່ມແຮງງານໃນໄທ ຍັງໄດ້ຮຽກຮ້ອງ ໃຫ້ທາງການລາວເປິດ ໂອກາດໃຫ້ປະຊາຊົນ ໄດ້ອອກຄວາມຄິດເຫັນ ຢ່າງເສຣີ ແລະ ບໍ່ຈັບຜູ້ທີ່ ສແດງຄວາມຄິດເຫັນ ໃນສາທາຣະນະ ຫຼືຜ່ານທາງສັງຄົມ ອອນລາຍ. ນອກຈາກນັ້ນ ກຸ່ມແຮງງານ ລາວ ທີ່ເຂົ້າຮ່ວມ ໃນການ ຊຸມນຸມຄັ້ງນີ້ ຍັງຕ້ອງການຢາກໃຫ້ ຣັຖບານລາວ ພິຈາຣະນາ ຄໍາຮຽກຮ້ອງ ຂອງພວກເຂົາເຈົ້າ ນໍາອີກ.

ໃນຖແລງການ ກຸ່ມແຮງງານໃນໄທ ໄດ້ເຮັດໜັງສື ຮຽກຮ້ອງຕໍ່ ຣັຖບານລາວ ຊື່ງຄໍາຮຽກຮ້ອງ ດັ່ງກ່າວ ມີ 10 ຂໍ້ ດັ່ງຕໍ່ໄປນີ້:

1. ຢາກໃຫ້ຣັຖບານລາວ ປົກຄອງດ້ວຍ ຣະບອບປະຊາທິປະຕັຍ

2. ຕ້ອງມີຫລາຍພັກການເມືອງ

3.ການເລືອກຕັ້ງ ຕ້ອງມີຄວາມໂປ່ງໃສ

4.ໃຫ້ປະຊາຊົນລາວ ມີສ່ວນຮ່ວມ ໃນການບໍຣິຫານປະເທດ

5.ໃຫ້ປະຊາຊົນລາວ ມີສິດເຂື່ອນໄຫວ ທາງດ້ານການເມືອງ

6 ຫ້າມຣັຖບານເຂົ້າແຊກແຊງ ໜ່ວຍງານອື່ນໆ ເປັນຕົ້ນ ເຣື້ອງຄະດີ ຄວາມ

7.ຫ້າມຣັຖບານລາວ ຣະເມິດ ສິດທິ ສ່ວນບຸກຄົນ

8.ຍຸຕິການຂຸດຄົ້ນບໍ່ແຮ່ ແລະ ຊັພຍາກອນທັມມະຊາດອື່່ນໆ ທີ່ເປັນສົມບັດຂອງຊາດ.

9. ຍຸຕິການໂຍກຍ້າຍ ປະຊາຊົນ ອອກຈາກ ທີ່ດິນ ແລ້ວ ເອົາດິນຂອງຣັຖ ໃຫ້ຄົນຕ່າງປະເທດ ເຂົ້າມາຢູ່ແທນ ແລະ

10.ໃຫ້ຍຸຕິການ ຕັດໄມ້ທໍາລາຍປ່າ ເພື່ອເອົາໄປເປັນ ປະໂຫຍດ ແກ່ຕົນເອງ.

ຄໍາເຫັນ (2)
Share

(

ການຮຽກຮ້ອງຂອງຂບວນຊາວໜູ່ມລາວນັ້ນ ມັນເປັນການກິດທີ່ຖືກຕ້ອງທີ່ພວກເຂົາຮຽກຮ້ອງມາ ຖ້າວ່າຜູ້ນໍາລາວ ມີແນວຄິດທີ່ຈະປົວແປງປະເທດຊາດຂອງລາວແທ້ໆນັ້ນ ບໍ່ຄວນຄິດວ່າເຂົາຕໍ່ຕ້ານພັກລັດແຕ່ຢ່າງໃດທ່ານຜູ້ນໍາ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 18, 2018 08:17 AM

(

Good initiatives but please be careful.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 18, 2018 08:16 AM

ເຕັມຫນ້າ