ລາວຄຣິສຕຽນຫາຍສາບສູນຢູ່ ວຽງຈັນ

ສິດນີ
2016-09-15
ອີແມວລ໌
ຄໍາເຫັນ
Share
ພິມ
ນະຄອນຫລວງວຽງຈັນ
ນະຄອນຫລວງວຽງຈັນ
RFA

ທ້າວ ແສງດາວ ບໍ່ຮູ້ນາມສະກຸນ ຊື່ງເປັນຄົນລາວ ທີ່ນັບຖືສາສນາ ຄຣິສຕຽນ ໃນ ນະຄອນຫຼວງ ວຽງຈັນ ໄດ້ ຫາຍສາບສູນໄປ ແບບບໍ່ຮູ້ ຮ່ອງຮອຍ, ຄາດວ່າ ໃນວັນທີ 29 ສິງຫາ ຜ່ານມາ ຊຶ່ງ ບັນດາ ຫມູ່ ຊາວຄຣິສຕຽນ ດ້ວຍກັນ ບອກວ່າ ມີຄວາມ ເປັນໄປໄດ້ ທີ່ຜູ້ກ່ຽວ ຈະຖືກ ເຈົ້າຫນ້າທີ່ລາວ ກັກຕົວ ແຕ່ບໍ່ຮູ້ ໃນຂໍ້ກ່າວຫາ ຫຍັງແທ້ ແລະ ຖືກກັກຂັງ ຢູ່ໃສ.

ຊາວຄຣິສຕຽນລາວ ທີ່ ໂບດ ຄຣິສຕຽນ ຢູ່ ນະຄອນຫຼວງ ວຽງຈັນ ນາງນຶ່ງ ກ່າວຕໍ່ ເອເຊັຽ ເສຣີ ໃນວັນທີ 15 ກັນຍາ ນີ້ວ່າ ຕາມປົກກະຕິ ແລ້ວ ທ້າວແສງດາວ ໄດ້ມາໂບດ ແຫ່ງນີ້ ເພື່ອທຳພີທີ ໃຫວ້ພະ ສວດມົນ ເປັນປະຈຳ ແຕ່ລະຍະຫລັງໆ ມານີ້ ປາກົດວ່າ ບໍ່ເຫັນລາວ ມາໂບດເລີຍ, ຊຶ່ງເປັນເຣື້ອງ ຜິດ ປົກກະຕິ ນາງເວົ້າວ່າ:

"ລາວເປັນສະມາຊິກ ທົ່ວໄປ ຂອງໂບດ ເຂົ້າມາໂບດ ທຸກອາທິດ ແຕ່ບໍ່ແມ່ນ ພະນັກງານ ຮັບໃຊ້ໂບດ ແບບເຕັມເວລາ ຊຶ່ງ ເປັນໄປໄດ້ ວ່າລາວ ຖືກ ເຈົ້າຫນ້າທີ່ ກັກຕົວໃວ້ ແຕ່ພວກນາງ ຍັງບໍ່ແນ່ໃຈ".

ນາງກ່າວຕື່ມວ່າ ທຸກມື້ນີ້ ຊາວຄຣິສຕຽນລາວ ຢູ່ໃນໂບດ ແຫ່ງນີ້ ກໍພາກັນ ສວດມົນ ພາວະນາ ຂໍພອນໃຫ້ ທ້າວ ແສງດາວ ປອດພັຍ ແລະ ກັບມາໂບດ ອີກໃຫມ່ ແຕ່ນາງ ບໍ່ສາມາດ ເວົ້າ ຣາຍລະອຽດ ຫຼາຍກວ່ານີ້ ຍ້ອນ ຈະບໍ່ປອດພັຍ.

ທ່ານ PATRICK KLEIN ເຈົ້າຫນ້າທີ່ ອົງການ ສາສນາ VISION BEYOND BORDERS ທີ່ມີ ສຳນັກງານ ໃຫຍ່ຢູ່ ສະຫະຣັດ ອະເມຣິກາ ໃຫ້ຂໍ້ມູນ ເພີ້ມຕື່ມວ່າ ການທີ່ ທ້າວແສງດາວ ຫາຍສາບສູນ ໄປນັ້ນ ເປັນຜົລ ມາຈາກ ການເຮັດວຽກ ກ່ຽວກັບ ສາສນາ ຄຣິສຕຽນ ຂອງລາວ ແລະ ທາງອົງການ ພວກເຮົາ ກໍໄດ້ຍິນ ມາວ່າ, ຜ່ານມາ ມີຊາວຄຣິສຕຽນ ໃນລາວ  ຈຳນວນນຶ່ງ ຖືກ ເຈົ້າຫນ້າທີ່ ຄຸມຂັງ ຮວມທັງ ໃນເດືອນ ມິນາ ປີນີ້ ມີຄົນ ອະເມຣິກັນ ສອງຄົນ ຖືກຂັງຄຸກ ໃນລາວ ຍ້ອນເຜີຍແຜ່ ຄຳພີ ສາສນາ ຄຣິສຕຽນ ໃຫ້ຊາວບ້ານ.

ຄໍາເຫັນ (1)
Share

ຄ.ນະຄຳມ່ວນ

ຈາກ ທ່າແຂກ

ການນຳພາແລະການຄຸ່ມຄອງຢູ່ ສປປລາວ ແມ່ນພວກເພິ່ນ ໃຊ້ລະບອບແບບບໍ່ມີລະບົບ, ບໍ່ວ່າສາສນາໄດພວກເພິ່ນຖືເບົາ ທັງນັ້ນ, ພຸດທະສາສນາກໍ່ຕ້ອງໃຫ້ສອດຄ່ອງ ກັບຄວາມຕ້ອງການ ຂອງລະບອບຈຶ່ງຈະໃຊ້ໄດ້, ສາສນາຄຣິສຕຽນແມ່ນແລ້ວ ເພາະຖືວ່າເປັນນັກປຸກລະດົມ ແລະ ນັກສືບສອດແນມພວກຕາເວັນຕົກ ບໍ່ໃຫ້ແຜ່ຂະຢາຍໄດ້ໂດຍເດັດຂາດ, ຈະລົບກວນທຸກວິທີທາງ ບໍ່ໃຫ້ເຕີບໃຫຍ່ຂຢາຍໂຕໄດ້, ຫາກມີຈຸດປະສົງຈະສືບຕໍ່ຕ້ອງ ໃຫ້ລະວັງທຸກວິທີທາງ, ຢ່າປະມາດໂດຍເດັດຂາດ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 25, 2016 01:36 PM

ເຕັມຫນ້າ