ສາກົນຮຽກຮ້ອງໃຫ້ ສປຊ ກົດດັນ ຜູ້ນໍາລາວ

ສິດນີ
2017-08-01
ອີແມວລ໌
ຄໍາເຫັນ
Share
ພິມ
ສະຫະພັນສາກົລ ເພື່ອສິດທິມະນຸດ ແລະ ຂະບວນການ ລາວ ເພື່ອ ສິດທິມະນຸດ ອອກຖແລງການຮ່ວມ ຮຽກຮ້ອງໃຫ້ ສະຫະປະຊາຊາດ ກົດດັນ ຣັຖບານລາວ
ສະຫະພັນສາກົລ ເພື່ອສິດທິມະນຸດ ແລະ ຂະບວນການ ລາວ ເພື່ອ ສິດທິມະນຸດ ອອກຖແລງການຮ່ວມ ຮຽກຮ້ອງໃຫ້ ສະຫະປະຊາຊາດ ກົດດັນ ຣັຖບານລາວ
Public Domain

ສະຫາພັນສາກົນ ເພື່ອ ສິດທິມະນຸດ ຫລື FIDH ຮ່ວມດ້ວຍ ຂະບວນການ ລາວ ເພື່ອ ສິດທິມະນຸດ LMHR ໄດ້ອອກ ຖແລງການຮ່ວມ ຮຽກຮ້ອງ ໃຫ້ສະຫະປະຊາຊາດ ກົດກັນ ຣັຖບານລາວ ໃຫ້ແກ້ໄຂບັນຫາ ສິດທິມະນຸດ ທີ່ຍັງຄ້າງຄາ ຢູ່ໃນລາວ ກ່ອນການທົບທວນ ດ້ານ ສິດທິມະນຸດ ຂອງ ອົງການ ສະຫະປະຊາຊາດ ໃນປີນີ້.

ຂໍ້ຄວາມໃນຖແລງການດັ່ງກ່າວ ຣະບຸວ່າ ຣັຖບານລາວ ຕ້ອງໄດ້ທົບທວນ ແລະແກ້ໄຂ ສະພາບການ ດ້ານ ສິດທິມະນຸດ ຂອງຕົນຢ່າງ ຈີງຈັງ ແລະເລັ່ງລັດ ບາດກ້າວໄປ ໃນທາງທີ່ຖືກຕ້ອງ ເພື່ອສະແດງໃຫ້ອົງການ ສະຫະປະຊາຊາດ ເຫັນວ່າ ສປປລາວ ຈິງຈັງໃນການ ປະຕິບັດ ຕໍ່ຄຳຮຽກຮ້ອງຂອງສາກົນ ໃນບັນດາດັ່ງກ່າວ ດັ່ງທ່ານ Andrea Giorgetta ຜູ້ອຳນວຍການ ສະຫະພັນສາກົນ ເພື່ອສິດທິ ມະນຸດ ປະຈຳຂົງເຂດ ເອເຊັຽ ກ່າວຕໍ່ເອເຊັຽ ໃນຕອນນຶ່ງວ່າ:

"ທ່ານວ່າ ພວກທ່ານເປັນຫ່ວງກ່ຽວກັບ ການຂາດຄວາມໂປ່ງໃສ ຄວາມຮັບຜິດຊອບ ແລະ ຄວາມຫລົ້ມແຫລວ ໃນການປະຕິບັດ ຕໍ່ກົດ ເກນຂອງ ສະຫະປະຊາຊາດ ທາງດ້ານ ສິດທິມະນຸດ ແລະວ່າພວກທ່ານ ເປັນຫ່ວງກ່ຽວກັບ ການຈັບກຸມບຸກຄົນທີ່ ສະແດງອອກ ໃນ ເຄືອຂ່າຍ ອິນເຕີແນັດ ທຸກຮູບແບບ ໃນລາວ".

ຖແລງການຍັງຣະບຸຕໍ່ໄປວ່າ ບັນຫາ ທີ່ຫນ້າເປັນຫ່ວງ ກ່ຽວກັບ ສິດທິມະນຸດ ໃນລາວ ທີ່ຍັງບໍ່ຖືກແກ້ໄຂ ໃນນັ້ນຮ່ວມດ້ວຍ ການຂາດ ການບັງຄັບໃຊ້ ກົດເກນ ກ່ຽວກັບ ສິດທິມະນຸດ ສາກົນ, ການລົງໂທດ ຜູ້ຕ້ອງຫາ ບໍ່ສົມກັບຄະດີ ແລະ ບໍ່ຜ່ານຂະບວນການ ຍຸຕິທັມ, ການທຳຮ້າຍ ຮ່າງກາຍນັກໂທດ, ການຈັບກຸມຄຸມຂັງ ຜູ້ວິພາກວິຈານຣັຖບານ ໃນເຄືອຂ່າຍອີນເຕີແນັດ, ການບີບບັງຄັບໃຫ້ຫາຍສາບສູນ, ຂາດການສືບສວນ, ສະພາບການ ໃນທີ່ກັກຂັງ ຫລື ໃນຄຸກ ຂາດມາຕຖານ ສາກົນ,

ການຕັດສີນຄະດີ ຂອງສານທີ່ບໍ່ຍຸຕິທັມ ບໍ່ເຄົາຮົບນັບຖື ສິດທິມະນຸດ ສິດທິ ການປາກເວົ້າ ສິດທິ ການສະແດງອອກ ສິດທິ ການຊຸມນຸມ ແບບສັນຕິ ແລະສິດທິ ອົງການຈັດຕັ້ງ ທາງສັງຄົມ ແມ່ນບໍ່ມີເລີຍ ຮ່ວມທັງສິດທິ ຖືສາສນາ ຂອງຊົນກຸ່ມນ້ອຍ ໃນລາວ. ສິດທິ ດັ່ງກ່າວ ທັງຫມົດນີ້ ທາງການລາວ ຕ້ອງໄດ້ແກ້ໄຂ ກ່ອນ ການທົບທວນ ດ້ານ ສິດທິ ມະນຸດ ຂອງອົງການ ສະຫະປະຊາຊາດ ດ້ານ ສິດທິມະນຸດ ໃນປີນີ້.

ຄໍາເຫັນ (2)
Share

ຄ.ນະຄຳມວ່ນ

ຈາກ ທ່າແຂກ

ສາກົນຈະຮຽກຮ້ອງ ໃຫ້ສະຫະປະຊາຊາດ ກົດດັນພວກຜູ້ນຳ ສປປລາວແນວໄດກໍ່ຕາມ, ພວກເຂົາບໍ່ເຄີຍສົນດອກ, ເພາະຄົນຈຳພວກນີ້ມັນມາຈາກມະນູດຕ່າງດາວ, ພວກດັ່ງກ່າວນີ້ ເຂົາບໍ່ມັກຄວາມດີ ຊູຊີນຳແຕ່ຄວາມບໍ່ຊອບ ຈຶ່ງປະກອບທຸລະກິດ ຂອງຕົນນັ້ນໄປຕໍ່ເລື້ອຍ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 02, 2017 01:43 PM

(

Free World countries don't give Laos whatever assistance it needs. A penny spent to help it is a waste of money. These monsters will never change, just let them die of misery.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 01, 2017 01:45 PM

ເຕັມຫນ້າ