ບັນຫາຊາວຄຣິສຕຽນຖືກ ມ້າງເຮືອນ ຍັງສືບຕໍ່

ຈໍາປາທອງ
2020-02-27
ອີແມວລ໌
ຄໍາເຫັນ
Share
ພິມ
ບັນຫາຊາວຄຣິສຕຽນ ແຂວງຫລວງນໍ້າທາ 3 ຄອບຄົວ ທີ່ຖືກມ້າງເຮືອນ ແລະໄລ່ອອກ ຈາກບ້ານນັ້ນ ຍັງບໍ່ສາມາດ ຕົກລົງກັນໄດ້
ບັນຫາຊາວຄຣິສຕຽນ ແຂວງຫລວງນໍ້າທາ 3 ຄອບຄົວ ທີ່ຖືກມ້າງເຮືອນ ແລະໄລ່ອອກ ຈາກບ້ານນັ້ນ ຍັງບໍ່ສາມາດ ຕົກລົງກັນໄດ້
ຮູບພາບຈາກ : ນັກຂ່າວພົລເມືອງ

ເມື່ອວັນທີ 25 ກຸມພາ ນີ້ ເຈົ້າໜ້າທີ່ທາງການເມືອງລອງ ແຂວງຫລວງນໍ້າທາ ໄດ້ນັດຊາວ ຄຣິສຕຽນ ເຜົ່າອາຂ່າ 3 ຄອບຄົວ 14 ຄົນ ທີ່ ບໍ່ຍອມເຊື່ອຖືຜີ ຢູ່ບ້ານຕີນດອຍ ແລະນາຍບ້ານກັບຊາວບ້ານ ທີ່ໄປມ້າງເຮືອນຂອງຊາວຄຣິສຕຽນ 3 ຄອບຄົວນັ້ນມາ ໄກ່ເກັ່ຽກັນຢູ່ຫ້ອງ ການປົກຄອງ ເມືອງລອງ ເພື່ອແກ້ໄຂບັນຫາດັ່ງກ່າວ ແຕ່ບໍ່ສາມາດຕົກລົງກັນໄດ້, ດັ່ງເຈົ້າໜ້າທີ່ ທາງການເມືອງລອງ ກ່າວຕໍ່ວິທຍຸເອເຊັຽ ເສຣີ ໃນ ມື້ວັນທີ 27 ກຸມພາ ນີ້ວ່າ:

”ສອງຝ່າຍນີ້ຍັງແກ້ກັນບໍ່ເຂົ້າກັນເທື່ອເດີ ບໍ່່ສາມາດລົງລອຍກັນໄດ້ ທາງຊາວບ້ານຜູ້ຖືຜີນີ້ ບໍ່ຢາກໃຫ້ຢູ່ແຫລະ ທາງເມືອງກໍໄດ້ຂໍນໍ ຮ້ອງຂໍ ນະໂຍບາຍ ຕໍ່ສາມຄອບຄົວນີ້ ຍັງຈະໃຫ້ບ້ານເຂົານະໂຍບາຍ ອົດທົນສາ ໃຫ້ເຂົາຢູ່ຕໍ່.”

ທ່ານກ່າວຕື່ມວ່າ ຂໍ້ຂັດແຍ່ງ ຣະຫວ່າງສອງຝ່າຍທີ່ຍັງຕົກລົງກັນບໍ່ໄດ້ນັ້ນ ຍັງຈະໄດ້ນັດຫາລື ແລະໂອ້ລົມກັນຕື່ມອີກ ແຕ່ຍັງບໍ່ຮູ້ວ່າຈະມີຂຶ້ນ ເມື່ອໃດ ເພື່ອຫາຂໍ້ສລຸບ ແລະໃຫ້ຄວາມເປັນທັມ ແຕ່ຊາວຄຣິສຕຽນ ແລະ ຖ້າແກ້ໄຂກັນບໍ່ໄດ້ ກໍຈະມອບເຣຶ່ອງນີ້ ໃຫ້ທາງຂັ້ນແຂວງເປັນ ຜູ້ພິຈາຣະນາ ໃນຂັ້ນຕໍ່ໄປ.

ໃນຂນະດຽວກັນ ຊາວບ້ານທີ່ໄດ້ເຂົ້າຮ່ວມ ໃນການໄກ່ເກັ່ຽກັນນັ້ນ ເວົ້າຕໍ່ວິທຍຸເອເຊັຽເສຣີວ່າ ສາເຫດທີ່ທັງສອງຝ່າຍຄູ່ກໍຣະນີ ຍັງຕົກລົງກັນ ບໍ່ໄດ້ ແມ່ນຍ້ອນຝ່າຍອໍານາດ ການປົກຄອງບ້ານ ຢາກໃຫ້ຊາວຄຣິສຕຽນທັງ 3 ຄອບຄົວ ກັບມາເຊື່ອຖືຜີ ຄືເກົ່າ ແຕ່ຊາວຄຣິສຕຽນ ບໍ່ຍອມ ດັ່ງນັ້ນຈຶ່ງຈະມີການ ນັດຫາລືແກ້ໄຂກັນຕື່ມອີກ ດັ່ງທີ່ທ່ານກ່າວວ່າ:

”ໂຕລົມກັນວັນທີ 25 ຫັ້ນ ຖືວ່າຍັງບໍ່ທັນໄດ້ຕົກແຕກກັນເທື່ອວ່າຊັ້ນ ບໍ່ແມ່ນວ່າບໍ່ຕົກແຕກ ເພາະວ່າຝ່າຍອໍານາດການປົກຄອງ ຢາກເຮັດ ຕາມເຂົາ ຫັ້ນນໍ ຈັ່ງຊັ້ນພວກພີ່ນ້ອງ ເຮົາກະຢາກເຮັດຕາມຮີດຄອງ ພວກພີ່ນ້ອງເຮົາຫັ້ນ ຈັ່ງຊັ້ນແລ້ວສູ້ຄົນສູ້ບໍ່ຍອມ ເອີ້ນວ່າ ຢູ່ທາງນັ້ນ ແກ້ບໍ່ຕົກ ໃນເມື່ອແກ້ບໍ່ຕົກແລ້ວ ສະພາສິລົງ ໄປວ່ານັ້ນ ສະພາ ຂອງແຂວງຫັ້ນເດ.”

ຊາວຄຣິສຕຽນເຜົ່າອາຂ່າ 3 ຄອບຄົວເປັນປະຊາຊົນທີ່ໂຍກຍ້າຍ ມາຈາກຖິ່ນອື່ນເຂົ້າມາອາສັຍຢູ່ບ້ານຕີນດອຍ ແລະຍັງບໍ່ມີໃບສໍາມະໂນ ຄົວ. ແຕ່ກ່ອນພວກເຂົາເຈົ້າພາກັນເຊື່ອຖືຜີ ຄືກັນກັບຊາວບ້ານທົ່ວໄປ ແຕ່ຕໍ່ມາພາກັນຫັນໄປ ນັບຖືສາສນາ ຄຣິສຕຽນ ຍ້ອນເຊື່ອວ່າຈະ ເຮັດໃຫ້ພວກເຂົາເຈົ້າ ຫາຍຈາກການເຈັບປ່ວຍ, ບໍ່ໄດ້ຮ່ວມກິຈກັມ ເຊື່ອຖືຜີກັບຊາວບ້ານຄົນອື່ນໆ ເຮັດໃຫ້ອໍານາດ ການປົກຄອງບ້ານ ແລະຊາວບ້ານສ່ວນໃຫຍ່ບໍ່ພໍໃຈ ຈຶ່ງພາກັນໄປມ້າງເຮືອນ ຂອງຊາວຄຣິສຕຽນ 3 ຄອບຄົວ ຖິ້ມ ແລ້ວໄລ່ພວກເຂົາເຈົ້າ ອອກໄປຈາກ ເຂດບ້ານໄປຢູ່ແຄມນາຕີນບ້ານ ໃນມື້ວັນທີ 12 ກຸມພານີ້. ພວກເຂົາເຈົ້າ ປຸກຕູບນ້ອຍ ຢູ່ແບບຊົ່ວຄາວ ໃນຣະຫວ່າງລໍຖ້າໃຫ້ພາກສ່ວນ ທີ່ກ່ຽວຂ້ອງຂອງທາງການ ມາແກ້ໄຂບັນຫາໃຫ້.

ຄໍາເຫັນ (4)
Share

(

ທ່ານຂະນະພັກແຂວງທັງຫລາຍຄືບໍ່ເປີດຫູເປີດຕາເບິ່ງຢູ່ ທາງທະວີບອາເມລິກາໄຕ້ແດ່ ເປັນຕົ້ນແມ່ນປະເທດ Argentina ບ່ອນທີ່ມີຄົນລາວອາໄສຢູ່ ແລະລັດທະບານເຂົາເຈົ້າຄືບໍ່ເຫັນກີດກັນ ແລະຫວງຫ້າມບໍ່ໄຫ້ມີສາດສະໜາອື່ນໆຄືພວກທ່ານ , ຂ້ອຍກໍບໍ່ເຂົ້າໃຈວ່າພວກທ່ານ ເອົາຫັຍງມາຢັ່ງຈິດໃຈຂອງພວກທ່ານ ທີ່ມີຕໍ່ມະນຸດຮ່ວມໂລກດວຽກັນ, ເປັນຕົ້ນແມ່ນຮວ່ມຊາດລາວດວຽກັນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 04, 2020 09:31 AM

ລາວ

ຈາກ ຈາກພາກເໜືອ

ຂະນະພັກແຂວງແຮ່ງໂຕການຍັງຖືວ່າມົ້ງແມ້ວ CIA ສຫາລັດຍັງເປັນສັດຕູອັນສໍາຄັນຂອງພວກເພີ່ນຕະລອດການຢູ່ ແລ້ວຄົນລາວທີ່ອາໄສຢູ່ທົ່ວທຸກມຸມໂລກນີ້ ສິຄິດວ່າແນວໃດ ອົງຂະນະພັກແຂວງນີ້ລະ ທີ່ໄຊ້ອໍານາດບາດໄຫ່ຍ ຂົ່ມຂູ່ປະຊາຊົນມາຕະລອດ ຕາມທີ່ຂ້ອຍສັງເກັດມາບໍ່ເຊື່ອລອງໄປຖາມເບີ່ງ ວ່າຄະລືຫານຫັລງງາມນີ້ແມ່ນຂອງໄຜ ຄັນບໍ່ແມ່ນຄະລືຫາດຂອງເມັຽນ້ອຍຂອງ ຄະນະເມືອງຂະນະແຂວງກັນທັ້ງນັ້ນ ແລະມີຢູ່ທົ່ວປະເທດຂໍຢໍ້າອີກຕື່ມແດ່ ຄັນຖ້າບໍ່ສັງເກດແລະໄຕ່ຕອງເບີ່ງຄັກໆແລ້ວ ອາດຈະບໍ່ຮູ້ເລີຍວ່າແມ່ນຄະລືຫາດຂອງຜູ້ໄດ, ບາງຫລັງປຸກບໍ່ທັນແລ້ວເພາະກົດໝາຍຕ້ານການສໍ້ລາດ ມັນເລີ້ມເຄັ່ງຄັດໜ້ອຍນື່ງ, ບາງຫັລງປຸກແລ້ວແຕ່ບໍ່ມີຄົນຢູ່:


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 04, 2020 09:30 AM

ສີສົມພອນ ຄະນະພັກແຂວງ

ຈາກ ຫລວງນຳທາ

ປະກາດເຖິງ ປະຊາຊົນລາວ ທົວປະເທດ ເພື່ອຊາບ. ພັກລັດກໍ່ຄືນະໂຍບາຍຂອງ ສປປລາວ ຈະບໍ່ອານຸຍາດໃຫ້ມີສາສະໜາຄີຣເຊືອຖືຢູ່ສປປລາວໂດຍເດັດຂາດ. ພວກກະບົດຊາດມົ້ງ ແມ້ວທີ່ຮັບໃຊ້ສະຫະລັດ ຊີໄອເອໃນປາງສົງຄາມ ຫວຽດນາມນັ້ນກໍ່ຍັງເປັນອີກສັດຕູເລກໜືງ ທີ່ພັກລັດຈະຕ້ອງຈຳແນກໄປຕະລອດ ຈົນເມືອໃດຂູມບົມທີ່ສະຫະລັດຖີ້ມຢູ່ສປປລາວ ບໍ່ເຫັນມີ.ພວກເຊືອຖືຄີຣ the lao family who believed Christ would be remove from lao village to village with no shelter to live. The Lao PDR regime all level are much discriminate those people who believe christ. The Hmong hilltribe who served the CIA during the Vietnam war era will be much more hate forver>


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 03, 2020 10:50 AM

(

ຕົ້ນເຫດຂອງທຸກໆກໍລະນີ ຢູ່ໃນປະເທດລາວປະຈຸບັນນີ້ ບໍ່ແມ່ນແຕ່ກໍລະນີຄິລສຕຽນເທົ່ານັ້ນ ທຸກຢ່າງທຸກກໍລະນີທີ່ມັນເກີດຂື້ນທັງໝົດ, ຕົ້ນເຫດມ້ນກໍມາຈາກອໍານາດການປົກຄອງຂັ້ນບ້ານ, ຂັ້ນເມືອງ ແລະຂັ້ນແຂວງທັງໝົດ ເພາະພວກນີ້ໄຊ້ສິດໄຊ້ອໍານາດ, ບໍ່ຮຽນຮູ້, ບໍ່ໄດ້ສຶກສາຮໍ່າຮຽນກົດໝາຍຫັຍງທັງໝົດ ແລະ ກົດໝາຍຂອງພວກເພີ່ນ ແມ່ນເພີ່ດແຕ່ງເພີ່ນຄິດເອົາເອັງທັ້ງນັ້ນ ແລະ ບໍ່ຮູ້ວ່າອັນໃດຜິດອັນໃດຖືກ, ເພາະທາງສູນກາງແນວລາວສ້າງຊາດ ບໍ່ໄດ້ລົງເຜີຍແພ່ ກົດໝາຍໄຫ້ພວກນີ້ ໄດ້ຮູ້ ແລະເຂົ້າໃຈເລີຍ, ແລະພວກທີ່ມີອໍານາດຈໍາພວກນີ້ ຈຶ່ງບໍ່ໄດ້ສົນໃຈເລື້ອງກົດໝາຍອີກດ້ວຍ, ແມ້ແຕ່ອໍານາດການປົກຄອງ ສ່ວນຫລາຍຮອດອ່ານໜັງສື ກໍຢັງບໍ່ໄດ້ຊໍ້າ, ຂ້ອຍເຫັນມາແລ້ວຈຶ່ງເວົ້າເພາະຂ້ອຍ ຢູ່ນໍາພວກນີ້ມາໄດ້ 40 ກ່ວາປີແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 03, 2020 10:48 AM

ເຕັມຫນ້າ