ພະນັກງານອອກໃບຕາດິນ ຊ້ຳຊ້ອນ ຣະວັງໂທດໜັກ

ໄຊຍາ
2019-08-08
ອີແມວລ໌
ຄໍາເຫັນ
Share
ພິມ
ສະຖານີ ຣົດໂດຍສານ ໂຊກປະເສີດ ຕິດກັບພື້ນທີ່ດິນ ຂອງຊາວບ້ານພອນໄຊ ທີ່ຕ້ອງຍ້າຍອອກ ຊຶ່ງບໍຣິສັດ ດວງປະເສີດ ເປັນເຈົ້າຂອງ ທັງໝົດ
ສະຖານີ ຣົດໂດຍສານ ໂຊກປະເສີດ ຕິດກັບພື້ນທີ່ດິນ ຂອງຊາວບ້ານພອນໄຊ ທີ່ຕ້ອງຍ້າຍອອກ ຊຶ່ງບໍຣິສັດ ດວງປະເສີດ ເປັນເຈົ້າຂອງ ທັງໝົດ
RFA/NY

ທາງການລາວ ໄດ້ອອກແຈ້ງເຕືອນ ເຈົ້າໜ້າທີ່ ທີ່ດິນ ຖ້າຜູ້ໃດອອກໃບຕາດິນ ຊ້ຳຊ້ອນ ຈະຖືກລົງໂທດ ຢ່າງໜັກ ຍ້ອນວ່າ ປັດຈຸບັນ ມີການອອກໃບຕາດິນ ຊ້ຳຊ້ອນກັນ ໃນຫຼາຍແຂວງ ທີ່ສ້າງຄວາມສັບສົນ ໃຫ້ປະຊາຊົນ. ດັ່ງ ເຈົ້າໜ້າທີ່ ຜແນກຊັພຍາກອນ ທັມມະຊາດ ແລະ ສິ່ງແວດລ້ອມ ໄດ້ກ່າວຕໍ່ເອເຊັຽເສຣີ ໃນວັນທີ 6 ສິງຫາ ວ່າ:

"ອັນທີ່ມັນເກີດຂຶ້ນໄດ້ແນວໃດ ກໍຍ້ອນການຢັ້ງຢືນຂຶ້ນມາ ແຕ່ລະພາກສ່ວນເນາະ ເຮັດອອກເອກກະສານປອມແປງ ໂດຍທີ່ຜູ້ກ່ຽວບໍ່ຮູ້ຫຍັງ ຫັ້ນນ່າ ມີແຕ່ເປັນແລ່ນເອງ ໃຫ້ພາກສ່ວນອື່ນຢັ້ງຢືນໃຫ້ ເລີຍນ່າ ໂຕນັ້ນ ມັນກະເປັນບັນຫາ ອອກໃບຕາດິນຊ້ຳຊ້ອນ ເຂົາເອີ່ຍເນາະ."

ທ່ານໄດ້ກ່າວຕື່ມວ່າ ການແກ້ໄຂບັນຫາດັ່ງກ່າວ ຕ້ອງມີການກວດກາຄືນທັງໝົດ ໂດຍຫຼັກການໃນການອອກໃບຕາດິນທົ່ວໄປ ເຈົ້າໜ້າທີ່ ຈະຕ້ອງມີການກວດກາ ກ່ອນຈື່ງອອກໃບຕາດິນໃໝ່ໄດ້:

"ເພາະທົ່ວໄປການອອກໃບຕາດິນ ຢັ້ງຢືນຈາກຂັ້ນພື້ນຖານ ຈາກພະຍານຂ້າງຄຽງ ຈາກອຳນາດການປົກຄອງ ບ້ານຈັ່ງສາມາດອອກໄດ້ເດ້ ໃນທາງກົດໝາຍມັນຕ້ອງ ໄປສືບສວນ ຄືອອກໄດ້ແນວໃດ ແລ້ວ ເຂົາປະກອບເອກກະສານ ຍື່ນອອກເປັນຊື່ ທ່າວ ຂໍ ໄດ້ແນວໃດມີການ ຢັ້ງຢືນ ກັນແນວໃດ."

ຢ່າງໃດກໍຕາມ ອີງຕາມການຣາຍງານ ຂອງກອງປະຊຸມສະພາ ທ້ອງຖີ່ນ ນະຄອນຫຼວງວຽງຈັນ ໃນຣະຫວ່າງ ເດືອນກໍຣະກະດາ ທີ່ຜ່ານມາ ທ່ານ ບຸນທັມ ພຸທທະວົງ ຫົວໜ້າຜແນກຊັພຍາກອນ ທັມມະຊາດ ແລະ ສີ່ງແວດລ້ອມກ່າວວ່າ ໄດ້ກວດກາພົບເຫັນ ການອອກໃບຕາດິນ ຊໍ້າຊ້ອນຈຳນວນຫຼາຍ ຖ້າພົບເຫັນເຈົ້າໜ້າທີ່ ທີ່ດິນ ຄົນໃດອອກໃບຕາດິນ ຊໍ້າຊ້ອນຈະຖືກລົງໂທດ ຢ່າງໜັກຍ້ອນວ່າມັນຜິດ ກົດໝາຍ ສ້າງຄວາມຊັບສົນ ໃຫ້ກັບເຈົ້າຂອງທີ່ແທ້ຈິງ.

ເຕັມຫນ້າ