ຣັຖບານລາວຄວນຖືກກົດດັນ ຕື່ມອີກ

ໂພໄຊສວັດ
2015-03-11
ອີແມວລ໌
ຄໍາເຫັນ
Share
ພິມ
ຍານາງ Elaine Pearson ຜູ້ອຳນວຍການ ອົງການ ສິ້ງຊອມ ສິທທິມະນຸສ ອອສເຕຣເລັຽ
ຍານາງ Elaine Pearson ຜູ້ອຳນວຍການ ອົງການ ສິ້ງຊອມ ສິທທິມະນຸສ ອອສເຕຣເລັຽ
RFA

ຍານາງ Elaine Pearson ຜູ້ ອຳນວຍການ ອົງການ ສິ້ງຊອມ ສິທທິ ມະນຸສ ອອສເຕຣເລັຽ (Human Rights Watch Australia) ກ່າວວ່າ ຣັຖບານ ອອສເຕຣເລັຽ ຄວນ ກົດດັນ ຣັຖບານ ລາວ ໃຫ້ ຫລາຍຂຶ້ນ. ຍານາງ Pearson ກ່າວຕໍ່ ຜູ້ສື່ຂ່າວ RFA ໃນ ວັນທີ 10 ມິນາ 2015 ວ່າ ໃນ ການ ປຶກສາ ສົນທະນາ 2 ຝ່າຍ ຜ່ານມາ ຣັຖບານ ຄວນ ເປີດເຜີຍ ຂໍ້ຄວາມ ທີ່ ຕົກລົງ ກັນ ເພື່ອໃຫ້ ຊຸມຊົນ ໄດ້ ຮັບຮູ້. ຍານາງ Pearson ກ່າວວ່າ:

"ເພື່ອ ໃຫ້ການ ປຶກສາ ສົນທະນາ 2 ຝ່າຍ ຜ່ານມາ ມີ ປະສິທ ທິພາບ ຕ້ອງໄດ້ຈັດ ຣະດັບ ຂອບເຂດ ບໍ່ຄວນໃຫ້ ມີແຕ່ ສິລປະ ໃນ ການໃຊ້ ຂໍ້ຄວາມ ແບບເປົ່າໆ ບໍ່ມີ ແກ່ນສາຣ ຫລື ມີແຕ່ການ ປະຊຸມ ແບບງຽບໆ ໃນຫ້ອງ ປະຊຸມ ລັບໆ ກ່ຽວກັບ ບັນຫາ ສິທທິມະນຸສ ຊື່ໆ. ທີ່ຈິງ ແລ້ວ ພວກເຮົາ ຢາກໃຫ້ ຣັຖບານ ເປີດເຜີຍ ຕໍ່ ສາທາຣະນະຊົນ ກ່ຽວກັບ ວ່າໄດ້ ປຶກສາ ສົນທະນາ ກັນ ຫຍັງແດ່ ແລະ ແນໃສ່ ຄວາມ ຄືບໜ້າ ຈາກ ການປະຊຸມ ນີ້ ເພື່ອ ເຮັດໃຫ້ ກອງ ປະຊຸມ ນີ້ໄດ້ ໝາກ ໄດ້ຜົນ ມີ ປະສິທທິພາບ ຊຸກຍູ້ ກົດດັນ ໃຫ້ ຣັຖບານ ລາວ ປະຕິບັດ ດັດແປງ ແກ້ໄຂ ບັນຫາ ສິທທິ ມະນຸສ ທີ່ ຄ້າງຄາ ຍືດເຍື້ອ ຍາວນານ".

ນອກຈາກ ນັ້ນ ທາງ ອົງການ ສິ້ງຊອມ ສິທທິ ມະນຸສ ອອສເຕຣເລັຽ ຍັງໄດ້ ສເນີ ບັນຫາ ເພື່ອໃຫ້ ຣັຖບານ ນຳໄປ ກົດດັນ ທາງການ ລາວ ໃຫ້ ຫາທາງ ແກ້ໄຂ. ຍານາງ Pearson ກ່າວວ່າ:

"ອົງການ ສິ້ງຊອມ ສິທທິ ມະນຸສ ອອສເຕຣເລັຽ ໄດ້ ສເນີຂໍ້ມູນ ການຣະເມີດ ສິທທິ ມະນຸສ ໃນລາວ ກ່ອນ ກອງປະຊຸມ 2 ຝ່າຍ ອອສເຕຣເລັຽ-ລາວ. ພວກເຮົາ ກໍ ໄດ້ສເນີ ບັນຫາ 4 ຂໍ້. ຂໍ້ທີ 1 ແມ່ນ ການບັງ ຄັບ ໃຫ້ ຫາຍສາບສູນ, ແລ້ວ ຕໍ່ມາ ແມ່ນ ສິທທິ ໃນການ ປາກເວົ້າ ອອກ ຄວາມຄິດ ຄວາມເຫັນ, ສິທທິ ໃນການ ຈັດຕັ້ງ ເຂົ້າຮ່ວມ ກຸ່ມກ້ອນ ສະມາຄົມ, ສິທທິ ແຮງງານ ແລະ ອັນ ສຸດທ້າຍ ແມ່ນ ກ່ຽວກັບ ສູນກັກຂັງ ຄົນຕິດ ຢາເສບຕິດ".

ເຖິງຢ່າງໃດ ກໍດີ ອົງການ ສິ້ງຊອມ ສິທທິ ມະນຸສ ອອສເຕຣເລັຽ ຢືນຢັນ ວ່າ ຈະ ບໍ່ລົດລະ ຄວາມ ພຍາຍາມ ກຳກັບ ເອົາໃຈໃສ່ ນຳການ ກວດສອບ ຂອງ ຣັຖບານ ອອສເຕຣເລັຽ ໃຫ້ ຄວບຄຸມ ໃກ້ຊິດ ການ ນັບຖື ປະຕິບັດ ສິທທິ ມະນຸສ ໃນ ລາວ ຍ້ອນວ່າ ຣັຖບານ ອອສເຕຣເລັຽ ໃຫ້ທຶນ ຊ່ວຍເຫລືອ ສນັບສນູນ ຣັຖບານ ລາວ ໃນ ກິຈກັມ ດ້ານ ສິທທິ ມະນຸສ ຂອງລາວ.

ຄໍາເຫັນ (2)
Share

khon thaket

ຈາກ kham mouang

how dare you ai maidom!!! you've betrayed your own people. bastard .


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 18, 2015 02:23 PM

ຄ.ນະຄຳມ່ວນ

ຈາກ ທ່າແຂກ

ສຳລັບ ສປປລາວ ຕ້ອງກົດແລະດັນ ພ້ອມທັງ ຂູດເກົາເຜົາລ້າງ, ມ້າງຂັນທັງຫ້າ ແລະ ທາດທັງ 4 ຜີ ຄອມມູຍນິຕ ມັນຈຶ່ງເຊົາສິງໄດ້, ເວົ້າຊື່ໆ ມັນທັງດື້ແລະດຶງ ເພາະຄະຕິປະຈຳໃຈ ມັນແມ່ນ ບໍ່ຮູ້, ບໍ່ເຫັນ ແລະ ບໍ່ຈັກ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 15, 2015 01:33 PM

ເຕັມຫນ້າ