ສໍາພາດ ລາວໂພ້ນທະເລ: ເຂື່ອນແຕກ

ຈໍາປາທອງ
2018-08-15
ອີແມວລ໌
ຄໍາເຫັນ
Share
ພິມ
ທ່ານ ສົມຈິດ ສຸວັນນະຄີລີ ອະດີດນາຍທະຫານກອງທັບແຫ່ງ ພຣະຣາຊອານາຈັກລາວ ທີ່ເມືອງ ອໍາມາຣິລໂລ ຣັຖເທັດຊັດ ສະຫະຣັຖ ອາເມຣິກາ
ທ່ານ ສົມຈິດ ສຸວັນນະຄີລີ ອະດີດນາຍທະຫານກອງທັບແຫ່ງ ພຣະຣາຊອານາຈັກລາວ ທີ່ເມືອງ ອໍາມາຣິລໂລ ຣັຖເທັດຊັດ ສະຫະຣັຖ ອາເມຣິກາ
RFA

ບັນດາຄົນງານລາວໃນປະເທສໄທ ພາກັນຈັດການຊຸມນຸມ ຢູ່ຕໍ່ໜ້າສະຖານທູດ ສປປລາວ ທີ່ບາງກອກ ປະເທສໄທ ໃນມື້ວັນທີ 10 ສິງຫາ 2018 ໂດຍຮຽກຮ້ອງໃຫ້ຣັຖບາລ ສປປລາວ ຮັບຜິດຊອບຄວາມເສັຍຫາຍທຸກຢ່າງ ທີ່ເກີດຈາກເຫດການ ເຂື່ອນເຊປຽນ-ເຊນ້ຳນ້ອຍ ແຕກ, ນ້ຳຫຼາຍກວ່າ 5,000 ລ້ານແມັດກ້ອນ ໄຫຼທັ່ງເທລົງມາຖ້ວມ 13 ບ້ານ, ປະຊາຊົນເມືອງສນາມໄຊ ແຂວງອັດຕະປື ຫຼາຍກວ່າ 13,000 ຄົນໄດ້ຮັບຜົລກະທົບ ດັ່ງທີ່ບໍ່ເຄີຍມີມາກ່ອນໃນປະຫວັດສາດ ຂອງລາວ, ເຮັດໃຫ້ ປະຊາຊົນລຳບາກ ທຸກທໍຣະມານ ທັງທາງດ້ານຮ່າງກາຍ ແລະຈິດໃຈ ຢ່າງແສນສາຫັດ.

ຕາມຂ່າວຫລ້າສຸດຂອງທາງການລາວ ມາຮອດມື້ວັນທີ 14 ສິງຫາ 2018 ນີ້ ໄດ້ຄົ້ນພົບຜູ້ເສັຍຊີວິດ 34 ສົບ ແລະ ເສັຍຊີວິດຢູ່ໂຮງໝໍ 5 ຄົນ. ຜູ້ຕາງໜ້າຂະບວນຊຸມນຸມ ໄດ້ຍື່ນໜັງສືຮຽກຮ້ອງ ເຖິງນາຍົກຣັຖມົນຕຣີ ຜ່ານທາງສະຖານທູດ ສປປລາວ ທີ່ ບາງກອກ ປະເທສໄທ ໃນມື້ວັນທີ 10 ສິງຫາ ນີ້ ຊຶ່ງທ່ານໄດ້ກ່າວຕໍ່ວິທຍຸເອເຊັຍເສຣີ ຕອນນຶ່ງວ່າ:

"ໃຫ້ມີການ ຢຸດການ ສ້າງເຂື່ອນທີ່ກຳລັງສ້າງ ຫຼືວ່າສ້າງເກືອບແລ້ວເນາະ ໃຫ້ມີການຍຸຕິທຸກສີ່ງທຸກຢ່າງ ແລ້ວກໍຂໍຮຽກຮ້ອງໄປຍັງ ນາຍົກ ຣັຖມົນຕຣີ ໃຫ້ມີການຮັບຜິດຊອບ ເຣື່ອງເຂື່ອນແຕກ ກັບປະຊາຊົນເນາະ ໂດຍບໍ່ມີເງື່ອນໃຂທັງສິ້ນ ແລະ ພວກຂ້າພະເຈົ້າ ກະເປັນຫ່ວງ ເປັນໃຍນໍາພໍ່ແມ່ປະຊາຊົນ ທີ່ຖືກຜົລກະທົບໄພນໍ້າຖ້ວມຄັ້ງນີ້ ຂໍສະແດງຄວາມເສັຍໃຈ.

ກ່ຽວກັບ ການຊຸມນຸມຂອງບັນດາຄົນງານລາວ ທີ່ປະເທສໄທຄັ້ງນີ້ ວິທຍຸເອເຊັຍເສຣີ ໄດ້ສໍາພາດທ່ານ ສົມຈິດ ສຸວັນນະຄີລີ ອະດີດນາຍ ທະຫານກອງທັບແຫ່ງ ພຣະຣາຊອານາຈັກລາວ ທີ່ເມືອງ ອໍາມາຣິລໂລ ຣັຖເທັດຊັດ ສະຫະຣັຖອາເມຣິກາ ຜູ້ທີ່ຕິດຕາມ ສະພາບການ ໃນລາວ ຢ່າງໃກ້ຊິດຕລອດມາ ຊຶ່ງເບື້ອງຕົ້ນທ່ານໄດ້ກ່າວວ່າ ການຊຸມນຸມຮຽກຮ້ອງນັ້ນ ມີຄວາມສໍາຄັນຫລາຍ ແລະເປັນສິດທິຂອງ ພວກເຂົາເຈົ້າ ທີ່ຈະຮຽກຮ້ອງຂໍຄວາມເປັນທັມ:

ການສໍາພາດທ່ານ ສົມຈິດ ສຸວັນນະຄີລີ ອະດີດນາຍທະຫານກອງທັບ ແຫ່ງ ພຣະຣາຊອານາຈັກລາວ ທີ່ເມືອງ ອໍາມາຣິລໂລ ຣັຖເທັດຊັດ ສະຫະຣັຖອາເມຣິກາ ຜູ້ທີ່ຕິດຕາມ ສະພາບການໃນລາວຢ່າງໃກ້ຊິດ ຕລອດມານັ້ນ ມີຂຶ້ນໃນມື້ວັນທີ 12  ສິງຫາ 2018; ຂນະທີ່ ນາຍົກ ຣັຖມົນຕຣີ ສປປລາວ ໄດ້ກ່າວໃນຕົ້ນເດືອນນີ້ຕອນນຶ່ງວ່າ ສືບຕໍ່ເອົາໃຈໃສ່ເບິ່ງແຍ່ງຜູ້ປະສົບໄພໃຫ້ດີ ໂດຍສະເພາະດ້ານອາຫານການກິນ ນໍ້າດື່ມນ້ຳໃຊ້, ທາງດ້ານສຸຂະພາບ, ປ້ອງກັນບໍ່ໃຫ້ເກີດພະຍາດຣະບາດ ແລະໄດ້ຕັ້ງ ຄນະຮັບຜິດຊອບສືບສວນສອບສວນ ເຫດການເຂື່ອນ ເຊປປຽນ-ເຊນໍ້ານ້ອຍແຕກ ໃຫ້ມີຄວາມໂປ່ງໃສ ທັງຕໍ່ພາຍໃນແລະຕ່າງປະເທດ.

ເຕັມຫນ້າ