ທາງການລາວໂຕ້ຕອບ ຣາຍງານ ຂອງ ສປຊ

ມະນີຈັນ
2019-07-02
ອີແມວລ໌
ຄໍາເຫັນ
Share
ພິມ
ຄນະຜູ້ແທນຈາກ ສປປລາວ ຣາຍງານຕໍ່ສະຫະປະຊາຊາດ ໃນດ້ານຄວາມທຸກຍາກທີ່ສຸດ ແລະສິດທິມະນຸດ ຮວມທັງສະພາບການເປັນຢູ່ ຂອງປະຊາຊົນລາວ
ຄນະຜູ້ແທນຈາກ ສປປລາວ ຣາຍງານຕໍ່ສະຫະປະຊາຊາດ ໃນດ້ານຄວາມທຸກຍາກທີ່ສຸດ ແລະສິດທິມະນຸດ ຮວມທັງສະພາບການເປັນຢູ່ ຂອງປະຊາຊົນລາວ
Screen Captured UN video

ສາສດາຈານ Philip Alston ຜູ້ຣາຍງານພິເສດ ສະຫະປະຊາຊາດ ດ້ານຄວາມທຸກຍາກທີ່ສຸດ ແລະສິດທິມະນຸດ ຜູ້ທີ່ໄດ້ໄປເຫັນສະພາບ ຄວາມເປັນຈິງ ຕ່າງໆ ທັງຢູ່ພາກເໜືອ ແລະພາກໃຕ້ ຂອງປະເທດລາວ ເປັນເວລາ 11 ມື້ໃນທ້າຍເດືອນ ມິນາ ທີ່ຜ່ານມາໄດ້ຣາຍງານແບບ ສັງເຂບ ຕໍ່ກອງປະຊຸມສມັຍສາມັນ ຄັ້ງທີ 41 ຂອງ ສະພາສິດທິມະນຸດ ສະຫະປະຊາຊາດ ທີ່ນະຄອນ Geneva ປະເທດ Switzerland ໃນມື້ວັນທີ 28 ມິຖຸນາ 2019 ນີ້.

ໃນຣາຍງານນັ້ນ ທ່ານ Alston ໄດ້ກ່າວເຖິງຄໍາເຫັນ ຂອງທາງຣັຖບານ ສປປ ລາວ ທີ່ໄດ້ອອກຜ່ານ ຂ່າວສານປະເທດລາວ ກ່ອນໜ້ານີ້:

"In its recent comments, the Lao government has focused on the mission statement rather than my report… ໃນຄໍາເຫັນລ່າສຸດນີ້ ຣັຖບານ ສປປ ລາວ ໄດ້ເລັ່ງໃສ່ພາຣະກິດ ຂອງຂ້າພະເຈົ້າ ແທນທີ່ວ່າຈະເລັ່ງໃສ່ຣາຍງານຂອງ ຂ້າພະເຈົ້າ ຊຶ່ງມີ ທັງການໃຫ້ຣາຍລະອຽດ ກ່ຽວກັບຂໍ້ແນະນໍາ ດ້ວຍນັ້ນ. ໃນຣາຍງານຂອງທ່ານນັ້ນໄດ້ເວົ້າວ່າ ສປປລາວ ໄດ້ປະສົບຜົລສໍາເຣັດ ຢ່າງໜ້າ ປະທັບໃຈຫລາຍ ໃນການເຮັດໃຫ້ເສຖກິດ - ຮວມຍອດມູນຄ່າຜລິຕພັນ ພາຍໃນ ຫລື GDP ເຕີບໂຕ ໃນຣະຍະຫລາຍປີ ຜ່ານມາ. ແຕ່ທ່ານເຫັນວ່າ ການເຕີບໂຕນັ້ນ ບໍ່ໄດ້ຊ່ອຍ ໃຫ້ປະຊາຊົນສ່ວນໃຫຍ່ ພາຍໃນປະເທດ ຊຶ່ງມີຊີວິດການເປັນຢູ່ ທຸກຍາກນັ້ນ ດີຂຶ້ນໄດ້."

ພ້ອມດຽວກັນນັ້ນ ທ່ານກໍໄດ້ກ່າວເຖິງ ສະພາບສິດທິມະນຸດຢູ່ລາວ ວ່າ:

"the people’s revolutionary party is firmly in control of public dialogue. There is an assiduously maintained lack of transparency in most realms, a reluctance to permit criticism. The absence of meaningful complaints, the marginality of the judicial system, comprehensive government management of the media. ທ່ານກ່າວວ່າ ພັກປະຊາຊົນປະຕິວັດລາວ ຄວບຄຸມການປາກເວົ້າ ຂອງມວນຊົນຢ່າງເຄັ່ງຄັດ, ພຍາຍາມຮັກສາບໍ່ໃຫ້ມີ ຄວາມໂປ່ງໃສ ບໍ່ໃຫ້ມີຂ່າວທີ່ ເປັນອິສຣະ, ບໍ່ອະນຸຍາດໃຫ້ມີການຕໍານິຕິຕຽນ, ບໍ່ໃຫ້ປະຊາຊົນ ຮ້ອງຂໍຕໍ່ວ່າຢ່າງແທ້ຈິງ. ຣັຖບານຄຸ້ມຄອງຣະບົບຍຸຕິທັມ ແລະສື່ມວນຊົນ ແລະໂດຍພື້ນຖານແລ້ວ ແມ່ນບໍ່ໃຫ້ຄວາມສໍາຄັນ ໃນການເຄື່ອນໄຫວກິຈກັມຕ່າງໆ ຂອງພາກ ປະຊາສັງຄົມ."

ຂ່າວສານປະເທດລາວ ກະບອກສຽງຂອງຣັຖບານລາວ ຣາຍງານໃນມື້ວັນທີ 25 ມິຖຸນາ ທີ່ຜ່ານມານີ້ວ່າ ສປປ ລາວ ຜິດຫວັງຢ່າງຍິ່ງ ທີ່ ປາກົດວ່າຜູ້ຣາຍງານພິເສດ ສະຫະປະຊາຊາດ ດໍາເນີນການເກີນພາຣະໜ້າທີ່ ທີ່ສະພາສິດທິມະນຸດ ໄດ້ມອບໝາຍ ໃຫ້ໂດຍມີການກ່າວຫາ ຕ່າງໆນາໆແບບບໍ່ມີພື້ນຖານ ຮວມທັງວ່ານະໂຍບາຍສົ່ງເສີມ ການລົງທຶນຂອງຣັຖບານ ບໍ່ສອດຄ່ອງກັບຄວາມພຍາຍາມ ຫຼຸດຜ່ອນຄວາມ ທຸກຍາກໃນລາວ ໂດຍເຮັດໃຫ້ເກີດຜົລກະທົບ ທີ່ບໍ່ດີຕ່າງໆ ຕໍ່ປະຊາຊົນ.

ແລະໃນການອອກຄໍາເຫັນ ຕໍ່ບົດຣາຍງານ ຂອງທ່ານ Philip Alston ຕໍ່ສະພາສິດທິມະນຸດ ທີ່ນະຄອນ Geneva ໃນມື້ວັນທີ 28 ມິຖຸນານັ້ນ ທ່ານ ຄໍາອິນ ຄິດຈະເດດ (Kham-Inh Khitchadeth) ຫົວໜ້າຄນະຜູ້ແທນ ສປປ ລາວ ກໍໄດ້ກ່າວຍໍ້າຕື່ມອີກ ຕອນນຶ່ງວ່າ:

"we are deeply disappointed by the special rapporteur imbalance approach based on inaccurate and distort information.... ພວກຂ້າພະເຈົ້າ ຜິດຫວັງຢ່າງຍິ່ງ ຕໍ່ທັສນະ ທີ່ບໍ່ກໍ້າເກິ່ງ ຂອງຜູ້ຣາຍງານພິເສດ ສະຫະປະຊາຊາດ ດ້ານຄວາມທຸກຍາກ ທີ່ສຸດ ແລະ ສິດທິມະນຸດ. ນັ້ນເປັນພື້ນຖານຂໍ້ມູນ ທີ່ບໍ່ຖືກຕ້ອງ, ບິດເບືອນ ແລະບໍ່ສະທ້ອນເຖິງ ສະພາບຄວາມເປັນຈິງຢູ່ ສປປ ລາວ. ແລະວ່າ ສິ່ງທີ່ວ່ານັ້ນ ເປັນການກ່າວຫາ ບົນພື້ນຖານແຫລ່ງຂ່າວ ທີ່ບໍ່ໜ້າເຊື່ອຖື ແລະຂໍ້ມູນ ທີ່ເສກສັນ ປັ້ນແຕ່ງ ຊຶ່ງອົງການ ທີ່ບໍ່ຂຶ້ນກັບ ຣັຖບານ ສນອງໃຫ້."

ພ້ອມດຽວກັນນັ້ນ ຫົວໜ້າຄນະຜູ້ແທນ ສປປ ລາວ ກໍຍັງກ່າວທົບທວນ ຄືນເຖິງສະພາບເສຖກິດ ຂອງລາວ:

"ຕລອດຣະຍະ 43 ປີມານີ້ ສປປລາວ ໄດ້ມີຄວາມກ້າວໜ້າໃນການ ພັທນາເສຖກິດ ແລະຫລຸດຜ່ອນຄວາມທຸກຍາກ ຮວມທັງການປົກປ້ອງ ສິດທິມະນຸດ. ປະເທດລາວ ໄດ້ເລີ່ມຈາກພື້ນຖານຕໍ່າທີ່ສຸດ ແຕ່ກໍໄດ້ພຍາຍາມ ສູ້ຊົນກ້າວໄປຂ້າງໜ້າ ແລະ ກໍກໍາລັງຈະຫລຸດພົ້ນອອກຈາກ ຖານະຂອງການເປັນປະເທດດ້ອຍພັທນາ."

ຢ່າງໃດກໍຕາມ ຜ່ານການຢ້ຽມຢາມ ສປປລາວ ແຕ່ວັນທີ 18 ຫາ ວັນທີ 28 ມິນາ ຜ່ານມາ ຊຶ່ງທ່ານ Philip Alston ໄດ້ເຫັນສະພາບ ຄວາມເປັນຈິງ ຕ່າງໆຢູ່ ສປປລາວ ຮວມທັງຮູ້ເຖິງຊີວິດການເປັນຢູ່ ຂອງປະຊາຊົນລາວ ທັງຢູ່ແຂວງພາກເໜືອ ຄື ແຂວງຫົວພັນ ແລະ ແຂວງອັດຕະປື ພາກໃຕ້ຂອງລາວ ໂດຍສະເພາະ ຢູ່ເມືອງສນາມໄຊ ເປັນຊຶ່ງຂດທີ່ໄດ້ຮັບຜົລກະທົບ ຢ່າງໜັກໜ່ວງຈາກເຫດເຂື່ອນ ເຊປຽນ-ເຊນໍ້ານ້ອຍແຕກ ໃນມື້ວັນທີ 23 ກໍຣະກະດາ 2018 ອັນເຮັດໃຫ້ມີການ ສູນເສັຽທັງຊີວິດ ແລະຊັບສິນຂອງປະຊາຊົນແບບທີ່ ບໍ່ເຄີຍມີມາກ່ອນໃນລາວ.

ແລະໃນຖແລງຂ່າວລ່າສຸດຂອງ ທ່ານ Philip Alston ກ່ອນໜ້າການຣາຍງານ ຕໍ່ສະພາສິດທິມະນຸດ ທີ່ນະຄອນ Geneva ຊຶ່ງນາຍົກ ຣັຖມົນຕຣີ ສປປລາວ ທອງລຸນ ສີສຸລິດ ໄດ້ກ່າວໂດຍຮັບຮູ້ວ່າ ຂແຂງພະລັງງານຂອງລາວ ຈໍາຕ້ອງມີການທົບທວນ ຕີຣາຄາຄືນນັ້ນ ທ່ານ Philip Alston ເວົ້າວ່າ ການທົບທວນຄືນທີ່ມີຢູ່ນີ້ ແມ່ນແຄບເກີນໄປ ສົມຄວນຕ້ອງມີການຕີຣາຄາບົດບາດ ແລະອະນາຄົດຂອງຂແນງການ ດັ່ງກ່າວນັ້ນຄືນໃໝ່ ຢ່າງຮອບດ້ານ ຂອງມວນຊົນ.

ທ່ານເວົ້າວ່າ ທ່ານໄປຢ້ຽມຢາມປະຊາຊົນ ທີ່ຖືກໂຍກຍ້າຍ ພາຍຫລັງເກີດເຫດເຂື່ອນແຕກ ຊຶ່ງພວກເຂົາເຈົ້າ ມີຊີວິດຢູ່ຖ່າມກາງສະພາບ ທີ່ໜັກໜ່ວງ ແລະບໍ່ມີການຮັບປະກັນການມີຊີວິດ ຢູ່ຢ່າງມີກຽດສັກສີ ຊຶ່ງກົງກັນຂ້າມກັບຣາຍງານດອກໄມ້ ຂອງ ຣັຖບານລາວ.

ທ່ານ ມີຄວາມກັງວົນເປັນຢ່າງຍິ່ງ ນໍາຣາຍງານກ່ຽວກັບ ການສນັບສນູນຊ່ອຍເຫລືອ ທີ່ຍັງລ່າຊ້າຢູ່ຕໍ່ໄປ ແລະ ການນໍາເອົາທີ່ດິນ ໃຫ້ ບໍຣິສັດເຊົ່າ ແທນທີ່ຈະພວກທີ່ລອດຊີວິດມາໄດ້ນັ້ນ.

ແລະໃນການຖແລງຂ່າວ ເມື່ອວັນທີ 19 ມິຖຸນາ ຄືກ່ອນໜ້າການຣາຍງານຕໍ່ສະພາສິດທິມະນຸດ ທີ່ນະຄອນ Geneva ນັ້ນທ່ານ Philip Alston ກໍໄດ້ຮຽກຮ້ອງໃຫ້ມີການສົ່ງເສີມຄວາມໂປ່ງໃສ ໃນຄນະຣັຖບານ ສປປລາວ ແລະໃຫ້ເປີດກວ້າງ ແລະ ປະຕິບັດ ຕໍ່ພາກປະຊາ ສັງຄົມ ໃນຖານະເປັນຄູ່ຮ່ວມ ອັນຈະຊ່ອຍໃຫ້ມີການແກ້ໄຂບັນຫາ ການສໍ້ຣາດບັງຫລວງ ແລະຮັບປະກັນວ່າ ປະຊາຊົນລາວ ຈະບໍ່ປະສົບ ກັບຄວາມທຸກຍາກ ຍ້ອນການຂຸດຄົ້ນ ຊັພຍາກອນ ທັມມະຊາດອອກໄປ ແລະໃຫ້ພວກ ເຂົາເຈົ້າ ມີປາກມີສຽງ ໃນການແກ້ໄຂບັນຫາ ທ້າທາຍຕ່າງໆຂອງປະເທດ.

ສາສດາຈານ Philip Alston ຜູ້ຣາຍງານພິເສດ ສະຫະປະຊາຊາດ ກ່າວວ່າ ນະໂຍບາຍ ກົດຂີ່ຂົ່ມເຫັງ ຈະນຳໄປສູ່ການສູນເສັຽ ຢ່າງ ໃຫຍ່ຫລວງ ແລະເຮັດໃຫ້ຕົນເອງຜ່າຍແພ້, ແລະຣັຖບານກໍຄວນກໍາຈັດ ຂໍ້ຈໍາກັດທີ່ໜັກໜ່ວງ ຕໍ່ການເຄື່ອນໃຫວ ແລະ ກິຈກັມຕ່າງໆ ຂອງພາກປະຊາສັງຄົມ.

ແຕ່ເຖິງຢ່າງໃດກໍຕາມ ທ່ານ Philip Alston ກໍໄດ້ສັລເສີນ ຣັຖບານ ສປປ ລາວ ທີ່ໃຫ້ໂອກາດ ທ່ານຢ້ຽມຢາມລາວ 11 ມື້ ແລະທັງວ່າ ສິ່ງທີ່ທ່ານຊອກຮູ້ ຢູ່ລາວນັ້ນ ແມ່ນສອດຄ່ອງ ກັບພາຣະກິດ-ໜ້າທີ່ຂອງທ່ານ.

ການເດີນທາງຢ້ຽມຢາມລາວ ຂອງທ່ານ Philip Alston ຖືປັນການຢ້ຽມຢາມ ສປປລາວເປັນຄົນທີ 2 ຂອງຜູ້ຣາຍງານພິເສດ ສະຫະປະຊາຊາດ ໃນຮອບທົສວັດ ຊຶ່ງທ່ານເວົ້າວ່າ ນັ້ນເປັນສິ່ງສໍາຄັນ ແລະເປັນສິ່ງທີ່ດີ ທີ່ວ່າຣັຖບານລາວ ໄດ້ເພີ່ມການຕິດພົວພັນ ກັບກົນໄກສິດທິມະນຸດສາກົລ ຊຶ່ງພວກເພີ່ນຄວນໄດ້ຮັບ ການຍົກຍ້ອງໃນເຣື່ອງນີ້.

ຄໍາເຫັນ (4)
Share

(

ຄະນະຜູ້ແທນຂອງສປປລາວ ທີ່ໄປຮ່ວມກອງປະຊຸມທີ່ຈັດຂື້ນ ຢູ່ເຈັນນີວາວ່າງບໍ່ນານມານີ້, ທີ່ກ່ຽວກັບຄວາມທຸກຍາກທີ່ສຸດ ແລະສິດທິມະນຸດຢູ່ໃນລາວ, ແລະພວກເພີ່ນເວົ້າວ່າທ່ານ Fillip ເວົ້າບໍ່ມີຄວາມຈິງ, ເວົ້າບິດບຽນຂ່າວ ແລະວ່າເກັບຂ່າວ ມາຈາກບ່ອນອື່ນ ທີ່ສນອງໄຫ້ຕ່າງໆນາໆ, ທ່ານຜູ້ແທນສປປລາວ ຄົງຈະບໍ່ເຂົ້າໃຈຄໍາວ່າທຸກຍາກທີ່ສຸດ ແລະ ສິດທິມະນຸດຂອງສະຫະປະຊາຊາດ ມອບໝາຍໄຫ້ພວກທ່ານນໍາໄປະຕິບັດ, ສະນັ້ນທ່ານ Fillip ຈຶ່ງໄດ້ໄປເບີ່ງດ້ວຍຕົນເອງ ແລະເຫັນ ສພາບຕົວຈິງລາວຈຶ່ງເອົາມາເວົ້າ ຕາມທີ່ລາວໄປເຫັນມາ, ແລະຂອ້ຍຄິດວ່າທ່ານຜູ້ແທນສິບປີໄດຊາວປີໄດ ຄືສິບໍ່ລົງມາເບີ່ງດ້ວຍຕາຂອງທ່ານເອັງຄື ທ່ານ Fillip ເລີຍຕິນໍ້,ນີ້ແມ່ນຄວາມຈິງທັງໝົດ ທີ່ມັນເກີດຂື້ນຢູ່ສປປລາວ ໃນປະຈຸບັນ, ແລະພວກທ່ານຈະເອົາອີຫັຽງມາຕໍ່ວ່າອີກ ມັນກໍບໍ່ເກີດຜົນເພາະຄວາມຈິງມັນກໍຄືຄວາມຈຶງ,

[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 18, 2019 10:00 AM

ລາວ

ຈາກ ປາກຊັນ

ຜູ້ຕາງໜ້າລາວໄດ້ສະແດງເຖິງຄວາມກ້າວໜ້າ ແລະການລົງທືນຂອງລັດທະບານ ທີ່ແນໄສ່ບົນພື້ນຖານ ຂອງການແກ້ໄຂ ຂອງຄວາມທຸກຍາກ ຂອງປະຊາຊົນລາວ ແລະຕັ້ງໜ້າປະຕິບັດ ຕໍ່ສິດທິມະນຸດຢູ່ໃນລາວ ມາຕັ້ງແຕ່ຈຸດເລີ້ມຕົ້ນກໍຄື 43 ປີ ຈົນມາຮອດທຸກມື້ນີ້, ອັນນີ້ຂ້ອຍຄິດວ່າແມ່ນຄໍາເວົ້າ ທີ່ບິດເບືອນ ແລະຄໍາເວົ້າທີ່ກົງກັນຂ້າມ ກັບສະພາບຕົວຈຶງຂອງ ທ່ານ Fillip ເວົ້າມາ, ເພາະພວກເພີ່ນພາກັນເຮັດກັນສ້າງ ແລະພັດທະນາແຕ່ສິ່ງທີ່ໂລກເຂົາເຊົາເຮັດກັນແລ້ວ ແລະເຮັດແຕ່ສິ່ງ ທີ່ຈະເຮັດໄຫ້ປະຊາຊົນທຸກຊໍ້າຕື່ມອີກ, ທາງດ້ານສິດທິມະນຸດ ກໍຍັງຈໍາກັດທຸກດ້ານ.ແລ້ວສິເອົາຫັຽງມາເວົ້າອີກ ແລະຢ່າຄິດວ່າໂລກນີ້ເຂົາເຈົ້າບໍ່ໄດ້ມືນຕາເບິ່ງພວກທ່ານ,ເຂົາເຈົ້າຮູ້ໝົດວ່າເຈົ້າມີໄກ່,ມີເປັດມີງົວມີຄວາຍມີໝູມີເຂົ້າຈັກເມັດ ຢູ່ໃນບ້ານຂອງເຈົ້າ ເຊົາສາຢ່າຊອກຫາທາງມາຕົວະຕໍ່ໄປ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 18, 2019 09:51 AM

ລາວ/ລາວ

ຈາກ ບ້ານທົ່ງ

ຕາມທີ່ຂ້ອຍໄດ້ຍິນວ່າ ທາງຄະນະຜູ້ຕາງໜ້າ ຫຼືຜູ້ແທນຂອງສປປລາວ ສະແດງຄວາມບໍ່ພໍໃຈ ແລະຜິດຫັວງເປັນຢ່າງຍິ່ງ ຕໍ່ການຖະແຫຼງຂ່າວຂອງຜູ້ກວດກາ ຂອງສຫປຊາດ ທີ່ເອົາຄວາມຈິງມາເວົ້າໄຫ້ໂລກໄດ້ຮັບຮູ້ ແລະໄດ້ເຂົ້າໃຈນັ້ນ, ແລະຜູ້ຕາງໜ້າຂອງ ສປປລາວ ກ່າວຫາວ່າສຫປຊາດອອກຂ່າວບິດເບືອນ ແລະຂ່າວບໍ່ມີຄວາມຈິງ; ຂ້ອຍຢາກໄຫ້ ທ່ານຄໍາອີນ ຄິດຈະເດັດ ພິຈາລະນາເບິ່ງຄັກໆກ່ອນວ່າທ່ານ Fillip ອອກຂ່າວນັ້ນມັນມີຄວາມຈິງໜ້ອຍຫຼາຍປານໄດ,ຫຼືວ່າ,ຖ້າທ່ານຄໍາອີນ ນັ້ນມີຈິຕະນິສັຍ ສົມເປັນຕົວແທນລະດັບປະເທດແລ້ວ ບໍ່ຄວນອອກມາສແດງຄວາມຜິດຫັວງ ຫຼືເສັຽໃຈຕໍ່ໜ້າກອງປະຊູມ ເລີຍລໍຖ້າກັບບ້ານແລ້ວ ຈັ່ງຄ່ອຍອອກມາຕອບໂຕ້ທາງຊື່ມວນຊົນ ຫຼືທາງໂທລະທັດຢູ່ບ້ານຕາມທີຫຼັງກໍໄດ້


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 18, 2019 09:49 AM

(

Dear UN, why do care so much about Laos ? The Lao party-state will never accept any report that tells the truth. The world must ban Laos altogether. Laos is a dying state that has become de facto a Chinese-Vietnamese-Thai condominium. If the regime wants it that way so why bother ? Let them RIP.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 03, 2019 06:10 AM

ເຕັມຫນ້າ