ຊາວລາວບໍ່ໝັ້ນໃຈໃນ ຣະບົບ ຍຸຕິທັມ

ອຸ່ນແກ້ວ ສຸກສະຫວັນ
2019-08-23
ອີແມວລ໌
ຄໍາເຫັນ
Share
ພິມ
ກະຊວງຍຸຕິທັມ ສປປ ລາວ
ກະຊວງຍຸຕິທັມ ສປປ ລາວ
Public Domain / Ministry of Justice, Lao PDR

ເປັນຄັ້ງທຳອິດ ທີ່ເກີດເຫດການຄາຕກັມ ເຈົ້າໜ້າທີ່ໄອຍະການ ຢູ່ແຂວງຄຳມ່ວນ ເມື່ອບໍ່ດົນມານີ້, ແຕ່ ຄຳຖາມໃຫຍ່ ສຳລັບສັງຄົມ ກໍຄື ເປັນຫຍັງເຈົ້າໜ້າທີ່ ໄອຍະການ ທ່ານ ນີ້ ຈຶ່ງຖືກຄາຕກັມ ແລະ ເຈົ້າໜ້າທີ່ໄອຍະການ ໄປມີຜົນປະໂຫຍດ ຂໍ້ຂັດແຍ່ງ ສ່ວນຕົວຫຍັງກັບໃຜ.

ປະຊາຊົນລາວ ຍັງບໍ່ມີຄວາມເຊື່ອໝັ້ນ ຕໍ່ເຈົ້າໜ້າທີ່ໄອຍະການ ແລະ ຣະບົບຍຸຕິທັມຂອງລາວ ເຖິງວ່າຣັຖບານ ຈະປະກາດຈະພັທນາ ປະເທດຊາດ ໃຫ້ເປັນຣັຖແຫ່ງກົດໝາຍ ໃນປີ 2020 ກໍຕາມ. ຂ້າພະເຈົ້າໄດ້ສຳພາດ ພະນັກງານບຳນານ ສອງ ທ່ານ ກ່ຽວກັບ ເລື້ອງນີ້, ໃຫ້ທ່ານໄປຟັງ ຄຳເຫັນຂອງ ພະນັກງານບຳນານ ທ່ານ ທຳອິດເບິ່ງ.

ພະນັກງານບຳນານທັງສອງທານ ໃຫ້ຄຳເຫັນວ່າ ໂດຍ ເຂົາເຈົ້າບໍ່ມີຄວາມເຊື່ອໝັ້ນ ຕໍ່ຂະບວນການຍຸຕິທັມ ຂອງລາວ ຍ້ອນວ່າຖ້າຢາກ ຊນະຄະດີ, ຕ້ອງມີເງິນ. ນອກຈາກນີ້ ພະນັກງານຂັ້ນສູງ ຂອງສະພາແຫ່ງຊາດ ກໍເຄີຍໃຫ້ຄຳເຫັນເລື້ອງການສວຍໃຊ້ ອຳນາດ ຂອງ ເຈົ້າໜ້າທີ ໄອຍະການ ເພື່ອເອົາຜົນປະໂຫຍດເຂົ້າຕົນເອງ.

ຍາງນາງ ປານີ ຢ່າທໍ່ຕູ້ ປະທານສະພາແຫ່ງຊາດ ໄດ້ກ່າວເອົາໄວ້ ຢູ່ໃນກອງປະຊຸມວຽກງານ ໄອຍະການ ທົ່ວປະເທດ ປະຈຳປີ 2018 ວ່າໃຫ້ອົງການໄອຍະການ ປະຊາຊົນເພີ້ມທະວີ ຕິດຕາມກວດກາການສວຍໃຊ້ສິດ ແລະ ໜ້າຕຳແໜ່ງ ຂອງເຈົ້າໜ້າທີ່ ພະນັກງານ ທີ່ມັນ ແຕະຕ້ອງເຖີງສິດ ແລະ ຜົນປະໂຫຍດອັນຊອບທັມ ຂອງປະຊາຊົນ ເຊັ່ນ:

ການກັກຕົວ ບໍ່ຖືກຕ້ອງ, ການບີບຄັ້ນເອົາຄໍາໃຫ້ການ ແລະ ຄໍາສະຣະພາບ ດ້ວຍການທຸບຕີ ທໍຣະມານ ຫຼື ການກະທໍາອື່ນໆ ຂອງ ພະນັກງານທີ່ເປັນ ການລະເມີດສິດອັນຊອບທັມ ດ້ວຍກົດໝາຍ ຂອງປະຊາຊົນ ເຊັ່ນ: ສວຍໃຊ້ໜ້າທີ່ຕໍາແໜ່ງ ຂອງຕົນ ເພື່ອບັງຄັບ ນາບຂູ່ເອົາທີ່ດິນ ຂອງ ປະຊາຊົນ, ເພື່ອຜົນປະໂຫຍດ ສ່ວນຕົວຂອງຕົນ.

ຄໍາເຫັນ (2)
Share

????

ຈາກ ???

ເປັນຫນ້າເສົ້າໃຈ ທີ່ຜູ້ພິທັກຄວາມຍຸດຕິທໍາ ໃຫ້ແກ່ຜູ້ຄົນ ພັດມາຖືກຈົບຊີິວິດລົງ ດ້ວຍໜ້າອາໜາດ. ການໃຫ້ຄວາມຍຸດຕິທໍາ ການຕັດສິນ ໃຫ້ສອງຝ່າຍ ແນ່ນອນ ຈະບໍ່ເຮັດໃຫ້ຝ່າຍໃດຝ່າຍນຶ່ງ ເພິ່ງພໍໃຈໄດ້ ແຕ່ຜູ້ພິທັກຄວາມຍຸດຕິທໍາ ຖືກສ້ຽມສອນ ໃຫ້ຄວາມເປັນທໍາແກ່ ທຸກກໍ້າທຸກຝ່າຍ ໄດ້ມີທາງອອກທີ່ດີ. ເປັນເລື້ອງທີ່ຜິດຫວັງ ສໍາລັບຄອບຄົວ ລູກໆແລະຍາດພີ່ນ້ອງ ທີ່ມາໄດ້ຍິນນັກຂ່າວທີ່ມີຄວາມລໍາອຽງ ມາຊໍ້າເຕີມຜູ້ເສຍຊີວິດ ທີ່ບໍ່ມີມືຶ້ຮັບຮູ້ໄດ້ ເພາະຕາຍໄປແລ້ວ ແຕ່ມັນມາຊໍ້າເຕີມຄອບຄົວ ທີ່ຍັງມີຊີວິດຢູ່. ໜ້າເສຍໃຈ ທີ່ນັກຂ່າວເອົາຄົນກັນເອງ ມາເວົ້າໃສ່ຮ້າຍປ້າຍສີ ໂດຍບໍ່ມີຫລັກຖານ ຜູ້ຕາຍກໍຕາຍໄປແລ້ວ ແຕ່ກໍຍັງດີ ທີ່ພວກມືສັງຫານ ຖືກຈັບໄດ້ ຊຶ່ງຫວັງວ່າ ຄົງບໍ່ແມ່ນພວກດຽວກັນກັບນັກຂ່າວ ທີ່ຄອຍໃຊ້ຮ້າຍປ້າຍສີ ຄົນອື່ນ.
ເພິ່ນໃສ່ຮ້າຍຜູ້ຕາຍວ່າ ທໍາມະດານີ້ ຖ້າເຈົ້າຫາກມີສິນທໍານີ້ ໂອ້ຍອັນນີ້ ຂ້າພະເຈົ້ານີ້ເຊື່ອ ... ຜູ້ໃດມີສິນທໍານີ້ ບໍ່ຕາຍງ່າຍດອກ ຜູ້ໃດມັນບໍ່ມີສິນທໍາ ມັນທໍລະຍົດຕໍ່ປະຊາຊົນຕໍ່ຊາດນັ້ນແຫລະ ມັນຈຶ່ງຕາຍໄວຫັ້ນນາ ອັນນີ້ ມັນຈຶ່ງເກີດຂຶ້ນເລື້ອງນີ້ນີ້ນ່າ.
ພວກເຮົາ ທີ່ເປັນຍາດພີ່ນ້ອງ ຈະບໍ່ເວົ້າຫຍັງຫລາຍ ແຕ່ຖ້າຜູ້ໃດເວົ້າແມ່ນກໍໃຫ້ດີໄປ ແຕ່ຖ້າເວົ້າບໍ່ແມ່ນຂໍໃຫ້ສິ່ງເຫລົ່ານີ້ເກີດຂຶ້ນນໍາເຂົາເອງເທີ້ນ



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 29, 2019 05:33 AM

(

You cannot trust in something that doesn't exist in your country.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 29, 2019 05:26 AM

ເຕັມຫນ້າ