ນາງໝວຍ ອາຈຖືກບັງຄັບ ໃຫ້ຮັບຜິດ: ສິດທິມະນຸດ

ອຸ່ນແກ້ວ ສຸກສະຫວັນ
2019-09-18
ອີແມວລ໌
ຄໍາເຫັນ
Share
ພິມ
ນາງ ຮວ່າຍເຮືອງ ໄຊຍະບູລີ ຫລື ນາງ ໝວຍ ທີ່ຖືກຈັບ ໃນວັນທີ 12 ກັນຍາ ໃນຂໍ້ຫາ ໂຄສະນາ ໃສ່ຮ້າຍ ສປປ ລາວ
ນາງ ຮວ່າຍເຮືອງ ໄຊຍະບູລີ ຫລື ນາງ ໝວຍ ທີ່ຖືກຈັບ ໃນວັນທີ 12 ກັນຍາ ໃນຂໍ້ຫາ ໂຄສະນາ ໃສ່ຮ້າຍ ສປປ ລາວ
ນັກຂ່າວພົລເມືອງ

ໜັງສືພິມວຽງຈັນທາມ ໄດ້ຣາຍງານ ໃນວັນທີ 17 ກັນຍາ ໂດຍອ້າງຄຳໃຫ້ສຳພາດ ຂອງ ທ່ານ ພັນໂທ ໄພຈິດ ໄຊຍະເດດ ຮອງຫ້ອງການ ປກສ ແຂວງຈຳປາສັກ ນາງ ຮວ່າຍ ເຮືອງ ໄຊຍະບູລີ ຫຼື ນາງ ໝວຍ ໄດ້ຮັບສາຣະພາບ ຕໍ່ການກະທຳທີ່ຜິດກົດໝາຍ ແລະ ຍັງໄດ້ຂໍ້ມູນ ທີ່ສຳຄັນຈາກຜູ້ກ່ຽວທີ່ມີການພົວພັນ ກັບບັນດາກຸ່ມຄົນບໍ່ດີ ທີ່ຢູ່ທັງພາຍໃນ ແລະຕ່າງປະເທດ. ເຈົ້າໜ້າທີ່ອົງການສິດທິມະນຸດ ທ່ານນຶ່ງຜູ້ທີ່ ບໍ່ປະສົງອອກຊື່ ໄດ້ກ່າວຕໍ່ເອເຊັຽເສຣີ ໃນວັນທີ 18 ກັນຍາ ວ່າ ເປັນການບັງຄັບຂົ່ມຂູ່ ໃຫ້ຜູ້ກ່ຽວ ຮັບສາຣະພາບ.

"ນາງ ໝວຍ ຄົງຈະຖືກບັງຄັບໃຫ້ສາຣະພາບ ຈາກເຈົ້າໜ້າທີ່ ນາງ ບໍ່ໄດ້ເຮັດຫຍັງຜິດ ເຈົ້າໜ້າທີ່ຕ້ອງການຂົ່ມຂູ່ ກຸ່ມເຂື່ອນໄຫວ ໃນ ເຄືອຂ່າຍ ອິນເຕີເນັດ ໃນລາວ ເພື່ອໃຫ້ຄົນອື່ນໆ ບໍ່ກ້າອອກຄຳຄິດ ແບບດຽວກັນກັບ ນາງ ໝວຍ."

ນອກຈາກນີ້ ຍານາງ ເຕືອນ ດີເທດ ຄນະກຳມະການສິດທິມະນຸດຂອງໄທ ໄດ້ຕັ້ງຂໍ້ສັງເກດວ່າ ອາດຈະມີການຂົ່ມຂູ່ ໃຫ້ຮັບສາຣະພາບ, ດັ່ງຍານາງ ກ່າວຕໍ່ເອເຊັຽເສຣີ ໃນວັນດຽວກັນນີ້ວ່າ:

"ລາວຖືກບັງຄັບໃຫ້ຕ້ອງເວົ້າ ຫລື ບໍ່, ອັນນີ້ ປະເດັນທີ 1 ເນາະ, ແລ້ວປະເດັນທີ 2 ເຂົາຖືກບັງຄັບໃຫ້ເວົ້າ ຫລື ບໍ່, ເຖິງວ່າຈະໄດ້ຍິນ ຈາກປາກ ຂອງເຂົາກໍຕາມ ເທົ່າທີ່ໄດ້ຮັບຮູ້ໃນລາວ ປະຊາຊົນບໍ່ສາມາດມີສິດ."

ນອກຈາກນີ້ ເຈົ້າໜ້າທີ່ອົງການຈັດຕັ້ງສາກົນທ່ານນຶ່ງ ຂອງລາວ ກໍໃຫ້ຄຳເຫັນວ່າ ນາງໝວຍ ບໍ່ໄດ້ຮັບຄວາມເປັນທັມ:

"ລາວຖືກວາງໂທດ ທີ່ວ່າເຮັດໃຫ້ຣັຖບານ ມີຄວາມອ່ອນເພັຍ ທີ່ວ່າມີການໂຄສະນາ ໃນກໍຣະນີນີ້ ແມ່ນບໍ່ມີໃຜດອກເວົ້າໂຄສະນາ ເພາະວ່າ ສິ່ງທີ່ເຂົາເວົ້າ ປະຊາຊົນເວົ້າມັນຄືສິ່ງທີ່ເກີດຂຶ້ນ ກັບເຂົາ ທີ່ເຂົາຮູ້ ເຂົາເຫັນ ແລ້ວກໍຣັຖບານນີ້ບໍ່ຢາກຟັງຄວາມຈິງ ຫັ້ນນ່າ."

ກ່ຽວກັບການຈັບກຸມ ນາງ ໝວຍ ແລະ ການຮັບສາຣະພາບ, ມີແຕ່ການກ່າວອ້າງ ຈາກເຈົ້າໜ້າທີ່ຕຳຣວດຝ່າຍດຽວ, ເຈົ້າໜ້າທີ່ອົງການ ສາກົນ ຫລາຍອົງການ ໃຫ້ຄຳເຫັນໄປທໍານອງດຽວກັນວ່າ ການສືບສວນສອບສວນ ບໍ່ເປັນໄປຕາມຂະບວນການຂອງ ກົດໝາຍ ຄື ນາງ ໝວຍ ຜູ່ທີ່ຕົກເປັນຜູ້ຕ້ອງຫາ ນັ້ນບໍ່ສາມາດເຂົ້າເຖິງ ຂະບວນການຍຸຕິທັມ, ຄື: ລາວບໍ່ມີທະນາຍຄວາມ ມາເປັນຕົວແທນສິດຜົນປະໂຫຍດ ຂອງລາວ.

ຄໍາເຫັນ (2)
Share

(

ອາດຈະ????


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 20, 2019 06:52 AM

(

ເລື້ອງນີ້ນັ້ນຄວາມຈິງ ມັນກໍບໍ່ໄກຈາກຄວາມຈິງໄປໄດ້ ທັ້ງໆທີ່ປະຊາຊົນ ເອົາຄວາມຈິງມາເວົ້າມາເປີດເຜີຍ ກໍຫາວ່າປະຊາຊົນເຮັດໄຫ້ ຜະເດັດການອ່ອນເພັຽ, ເປັນເປັ້ຽເປັນລ່ອຍໄປ ຄັນຖ້າເຈົ້າມີຄວາມຈິງໃຈ ແລະບໍລິສຸດຕໍ່ສັດຈະວາຈາ ແລະກົດໝາຍ ທີ່ເຈົ້າເຮັດອອກມາ ເຈົ້າຈະບໍ່ມີການອ່ອນເພັຽເປັ້ຽລ່ອຍດອກ ເຈົ້າແຮ່ງສິມີກໍາລັງໃຈ ແລະເຮື່ອແຮງຕໍ່ໄປ ແລະ ຄວນສິລົງມາກວດສອບ ຫຼືມາຊອກຫາຄວາມຈິງ ຫຼາຍກ່ວາ ສິໄປຈັບຜູ້ເວົ້າຄວາມຈິງ, ອັນຍີ້ມັນສະແດງໄຫ້ເຫັນ ຢ່າງແຈ້ງຂາວແລ້ວວ່າ ພວກເຈົ້າ ໄດ້ປົກປິດຄວາມຈິງ ທີ່ມັນເກີດຂື້ນຢູ່ໃນສປປລາວ ໃນທຸກໆກໍລະນີ ແລະສະແດງໄຫ້ເຫັນວ່າ ພວກກໍາອໍານາດ ແລະ ຜູກຂາດຂອງຜະເດັດການ ພັກດຽວແມ່ນທໍາທຸກຢ່າງ ເພື່ອປົກປິດ ແລະຮັກສາອໍານາດ ຂອງການເປັນພະເດັດການ ນັ້ນໄຫຢູ່ລອດນັ້ນເອັງ, ແລະມັນເຖີງເວລາແລ້ວ ອອກມາສາ ມາສາລະພາບຄວາມຈິງ ກັບການກະທໍາອັນທີ່ບໍ່ດີ ຂອງພວກທ່ານ ທີ່ເຮັດຕໍ່ປະຊາຊົນ ຜູ້ທຸກຍາກຄືຢ່າງປະຊາຊົນນີ້ ແລະເຮົາຈະໄດ້ຢູ່ຮ່ວມກັນ ບົນແຜ່ນດີນລາວ ທີ່ສົມບູນນີ້ໄປຕະລອດ ໂດຍປາສາຈາກ ການຕ້ອງຕິແລະກ່າວຫາ ຊຶ່ງກັນແລະກັນອີກຕໍ່ໄປ,ຖ້າບໍ່ດັ່ງນັ້ນບັນຫາເຊັ່ນນີ້ມັນຈະມີ ໄປຢ່າງບໍ່ຢຸດຢັ້ງເລີຍ, ຜູ້ນີ້ຖືກຈັບຜູ້ໜ້າກໍຢັງມີຢູ່ ແລະຢ່າໄຫ້ບັນຫານ້ອຍໆເຫຼົ່ານີ້ ລາມໄປເຖີງຂັ້ນທີ່ສຸດເລີຍຈະດີກ່ວາ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 20, 2019 06:52 AM

ເຕັມຫນ້າ