ຄວາມເຫັນທັງໝົດສຳລັບ ຈ.ມ ຈາກຜູ້ຟັງ 08/24/19

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ຄວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ​ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.







ພະນັກງານຄູ ຈາກ ຊົນນະບົດ :

ຢາກໃຫ້ ວິດທະຍຸ ອອກຂ່າວຊ່ອຍເຫລືອ ຄູອາສາແດ່ ຢ່າງເປັນທໍາແດ່ ເພາະວ່າ ທາງການກໍາລັງແກ້ໄຂບັນຫາຄູອາສາ ເຊັ່ນ 1 ສັບຊ້ອນຄູອາສາສະໝັກ ທີ່ຢູ່ມາດົນແລ້ວ ໃຫ້ເຂົ້າເປັນລັດຖະກອນຄູ ໃຫ້ຖືກຕ້ອງຕາມວິຊາການທີ່ຮຽນມາ ແລະ ຖືກຕ້ອງຕາມລະບຽບການທຸກຢ່າງ ຕາມໂກຕ້າ ທີ່ໄດ້ຮັບການແບ່ງປັນ ຈາກກະຊວງສຶກສາທິການ. 2 ສໍາລັບຄູອາສາສະໝັກ ທີ່ຢູ່ມາດົນ ແຕ່ບໍ່ໄດ້ຮັບການບັນຈຸເຂົ້າເປັນລັດຖະກອນຄູ ແລະ ບໍ່ມີທາງເລືອກແລ້ວ ຈະໄດ້ລະດົມ ໃຫ້ບໍາລຸວິຊາຊີບໃດໜື່ງ ຕາມທີ່ກະຊວງສຶກສາທິການ ແລະ ກິລາຈັດຂຶ້ນ; ຫລັງຈາກ ບໍາລຸງສໍາເລັດແມ່ນ ໃຫ້ອອກໄປປະກອບອາຊີບ ຕາມທີ່ໄດ້ບໍສາລຸງມາ. 3 ລະດົມຄູອາສາສະໝັກ ໃຫ້ອອກເລີຍ ຍ້ອນບໍ່ມີໂກຕ້າ ແລະ ວິຊາທີ່ຮຽນມາ ກໍບໍ່ຢູ່ໃນເປົ້າໝາຍ ໃນການຮັບເຂົ້າໄປ ລັດຖະກອນຄູ. ສໍາລັບຂໍ້ໜຶ່ງ ກະພໍໄດ້ຢູ່ ແຕ່ຂໍ້ທີສອງນີ້ ຈະໃຫ້ຄູໄປຮຽນອາຊີບອື່ນ ມັນກໍເສຍເວລາ ແລະ ເຮົາ ກໍໄດ້ຕັດສິນໃຈເລືອກວິຊານີ້ມາດົນແລ້ວ ແຕ່ຢາກມາປ່ຽນວິຊາອາຊີບເຮົານີ້ ມັນບັງຄັບກັນໂພດ. ຂໍ້ທີສາມນີ້ ແຫ່ງຮັບບໍ່ໄດ້ ຊິມາລະດົມກັນອອກລ້າໆນີ້. ບັນດາຜູ້ນໍາຫລາຍໆຄົນ ກະເຄີຍເປັນຄູມາ ກະຄືວ່າ ບໍ່ມີວິທີທີ່ແກ້ໄຂບັນຫາທີ່ດີແດ່ບໍ່.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 04, 2019 07:42 AM

    Reply to this comment

ປະຊາຊົນ ຈາກ ຝາກເຖິງຕໍາຫລວດ :

ຢາກໃຫ້ຕໍາຫລວດຕິດຕາມສືບຫາ ຜູ້ຂັບລົດຈັກ ລ້ຽວຕັດຫນ້າອີກລົດຈັກຄັນນຶ່ງ ເຮັດໃຫ້ຜູ້ຂັບຈັກມາທາງຫລັງ ຕໍາເອົາ ລົ້ມລົງ ຈົນບໍ່ໄດ້ສະຕິ ແລ້ວຕາຍ ໃນເວລາ 3 ມື້ຕໍ່ມາ. ເຈົ້າຂອງຜູ້ຂັບລົດຈັກລ້ຽວຕັດຫນ້ານັ້ນ ໄດ້ຫລົບຫນີ. ແລະ ຄວນຊອກຫາ ລົດກະບະສີຂາວ ທີ່ເຫັນເຫດການ ນັ້ນມາໃຫ້ເຫດການ ເພາະເຂົາເຈົ້າອາດຈະຈື່ເບີລົດຈັກນັ້ນໄດ້. ເຫດການເກີດຂຶ້ນ ໃນວັນທີ 10 ສິງຫາ ແລະ ວັນທີ 13 ຜູ້ຂັບລົດຈັກ ໄດ້ເສຍຊີວິດ. ຄົນລາວທຸກມື້ນີ້ ຄືໄຮ້ນນໍ້າໃຈແທ້ ຕໍາແລ້ວຫນີ ສ່ວນລົດໃຫຍ່ ທີ່ເຫັນເຫດການ ກໍເມີນເສີຍ. ຄິດວ່າ ຄົນລາວເຮົາ ຄວນໄດ້ຝຶບອົບຮົມ ໃຫ້ມີນໍ້າໃຈຫລາຍໆ. ສ່ວນຕໍາຫລວດ ກໍຢາກໃຫ້ນໍາເອົາ ຜູ້ມີສ່ວນໃນຄະດີນີ້ ມາສືບສວນ ແລະ ເປີດເຜີຍໃຫ້ສັງຄົມຮູ້ແດ່ ເພາະມິດງຽບຫລາຍ. ຕໍາຫລວດ ຄວນສະແດງຫນ້າທີ່ຮັບຜິດຊອບໃຫ້ປະຊາຊົນເຊື່ອຫມັ້ນໃນພາລະຫນ້າທີ່ແດ່ເດີ. ຢາກໃຫ້ທ່ານທອງລຸນ ເຫັນຄລິດທີ່ທາງສັງຄົມອ່ອນລາຍໄດ້ເຜີຍແຜ່ເດ້ ຈຶ່ງຈະຮູ້ວ່າ ຄົນລາວໃນປະຈຸບັັນ ເປັນແນວໃດ. ເປັນແບບນີ້ ສັງຄົມຈະມີຄວາມສຸກໄດ້ແນວໃດ. ເຖິງຢ່າງໃດ ກໍຂໍຝາກຄວາມເຫັນໄວ້ເທົ່ານີ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 29, 2019 05:34 AM

    Reply to this comment

ຄົນລາວ ຈາກ ອອກຄວາມເຫັນ :

ບໍ່ແນ່ໃຈວ່າ ທາງ ວິທະຍຸແຫ່ງນີ້ ມີນະໂຍບາຍແນວໃດ ທີ່ຈະເຜີຍແຜ່ຄວາມເຫັນ ຂອງຄົນຟັງຄົນອ່ານ ເພາະວ່າ ສົ່ງຄວາມເຫັນມາ ປະກົດວ່າ ບໍ່ເຫັນເອົາອອກທາງເວັບໄຊ ຕາມທີ່ໄດ້ປະກາດເລີຍ. ຊ່ວຍບອກແດ່ ເພາະວ່າ ບໍ່ຢາກຄວາມເຫັນນັ້ນ ກາຍໄປເປັນເວລາດົນນານ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 29, 2019 05:31 AM

    Reply to this comment

( :

ທັງໆທີ່ຂໍ້ຄວາມກໍບໍ່ໄດ້ໃຊ້ຄໍາເວົ້າທີ່ຫລໍ່ແຫລມ ແລະ ຢາບຄາຍແນວໃດ ກໍບໍ່ເຫັນອອກປານນີ້


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 29, 2019 05:25 AM

    Reply to this comment

ຄືນຫາເນື້ອເຣື້ອງ

ເຕັມຫນ້າ