ຕໍາຣວດຈັບຄົນຈີນ ພ້ອມຢາບ້າ

ມະນີຈັນ
2019-06-28
ອີແມວລ໌
ຄໍາເຫັນ
Share
ພິມ
ເຈົ້າໜ້າທີ່ຕໍາຣວດ ປ້ອງກັນຄວາມສງົບ ເມືອງຕົ້ນເຜິ້ງ ແຂວງບໍ່ແກ້ວ ຈັບທ້າວ ມົວຊິງຟາງ ອາຍຸ 28 ປີສັນຊາດຈີນ ພ້ອມຢາບ້າ 3 ພັນ 540 ເມັດ, ຝິ່ນດິບ 6 ກິໂລ,
ເຈົ້າໜ້າທີ່ຕໍາຣວດ ປ້ອງກັນຄວາມສງົບ ເມືອງຕົ້ນເຜິ້ງ ແຂວງບໍ່ແກ້ວ ຈັບທ້າວ ມົວຊິງຟາງ ອາຍຸ 28 ປີສັນຊາດຈີນ ພ້ອມຢາບ້າ 3 ພັນ 540 ເມັດ, ຝິ່ນດິບ 6 ກິໂລ,
ຮູບພາບຈາກ : ນັກຂ່າວພົລເມືອງ

ເຈົ້າໜ້າທີ່ຕໍາຣວດ ປ້ອງກັນຄວາມສງົບ ເມືອງຕົ້ນເຜິ້ງ ແຂວງບໍ່ແກ້ວ ຈັບທ້າວ ມົວຊິງຟາງ ອາຍຸ 28 ປີສັນຊາດຈີນ ພ້ອມຢາບ້າ 3 ພັນ 540 ເມັດ, ຝິ່ນດິບ 6 ກິໂລ, ສານປະສົມຜລິດຢາເສບຕິດ ອີກຈໍານວນຫຼາຍ ພ້ອມທັງປືນແລະລູກປືນ ນໍາອີກ ໃນມື້ວັນທີ 25 ມິຖຸນານີ້. ການຈັບນັ້ນມີຂຶ້ນ ພາຍຫລັງທີ່ທ້າວ ມົວຊິງຟາງ ມາເຊົ່າຫ້ອງແຖວຢູ່ບ້ານ ດອນມູນ ໄດ້ 2-3 ເດືອນ -ຕາມຄໍາເວົ້າ ຂອງເຈົ້າໜ້າທີ່ ປກສ ເມືອງຕົ້ນເຜິ້ງ:

"ຄົນຈີນ ມັກມາເຊົ່າຢູ່ ຢູ່່ທີ່ບ້ານພັກຫ້ອງແຖວ ຢູ່ເຂດເມືອງຕົ້ນເຜິ້ງ ມາຮອດມື້ນັ້ນ ລະແມ່ນເຈົ້າໜ້າທີ່ ລົງກວດກາຄົນຕ່າງປະເທດ ທີ່ມາ ເຄື່ອນໄຫວບໍ່ຖືກຕ້ອງ ຖືກບ່ອນເປົ້າໝາຍ ທີ່ຄົນຈີນ ທີ່ເຄື່ອນໃຫວ ຜລິດຢາເສບຕິດ ໃນບັນດາຫ້ອງແຖວ ບ້ານພັກ ໃນມື້ກ່ອນນັ້ນ.”

ທ່ານເວົ້າວ່າ ເຈົ້າໜ້າທີ່ໄດ້ກັກຕົວ ທ້າວ ມົວຊິງຟາງໄວ້ເພື່ອສືບສວນສອບສວນ ຂຍາຍຜົລຕໍ່ໄປ. ແລະວ່າຫ້ອງເຊົ່າຂອງເຂົາ ຢູ່ໃກ້ໂຮງ ກາຊີໂນພຽງປະມານ 1 ກິໂລແມັຕ ຊຶ່ງຄາດວ່າ ຈະມີກຸ່ມແກ້ງອີກຫຼາຍຄົນ ທີ່ຍັງບໍ່ສາມາດຈັບຕົວໄດ້.

ຈາກການສອບສວນເບື້ອງຕົ້ນ ຂອງເຈົ້າໜ້າທີ່ ທ້າວມົວຊິງຟາງ ໄດ້ໃຫ້ການວ່າຢາເສບຕິດຈໍານວນດັ່ງກ່າວ ຈະຖືກນໍາສົ່ງໄປຂາຍໃຫ້ລູກຄ້າ ຂອງໂຮງກາຊີໂນ Kings Roman ຂອງຈີນ ທີ່ຕັ້ງຢູ່ດອນຊາວນັ້ນ:

“ເຣື່ອງການນໍາສົ່ງນີ້ ພວກເຮົາກໍຮູ້ ວ່ານໍາສົ່ງໃຫ້ໃຜ ເພາະວ່າລູກຄ້າເຂົາເຈົ້ານີ໋ ຢູ່ພາຍໃນຄາສິໂນຫັ້ນ ຕອນນີ້ນີ໊ ບໍ່ມີການປະກັນໂຕເທື່ອ ເນາະ ຍັງສືບສວນຂຍາຍຜົລຕື່ມເນາະ ເພາະວ່າ ຍັງມີຜູ້ຕ້ອງຫາກຸ່ມແກ໊ງ ທີ່ຢູ່ໃນເຄືອຂ່າຍພວກເຂົາ ຍັງມີຫຼາຍ ຈໍານວນຢູ່ ພາຍໃນ ຄາສິໂນ.”

ທ່ານເວົ້າວ່າ ທ້າວ ທົວຊິງຟາງ ຖືກຕັ້ງຂໍ້ຫາຄ້າຢາເສບຕິດ ຊຶ່ງຂນະນີ້ຍັງບໍ່ຮູ້ວ່າ ຈະມີຄະດີອື່ນຕື່ມຫຼືບໍ່ ໃນຂນະທີ່ກອງພິສູດສານເສບຕິດ ກໍາລັງກວດຢາເສບຕິດດັ່ງກ່າວນັ້ນຢູ່.

ທີ່ຜ່ານມາ ຄົນຈີນ ທີ່ເຂົ້າມາຢູ່ລາວ ໄດ້ກໍ່ອາສຍາກັມຫຼາຍຢ່າງ ເປັນຕົ້ນ ເມື່ອປີກາຍ ນັກທຸຣະກິຈຈີນ 2 ຄົນ ລົງມືຄາຕກັມ ທ້າວ ສີຈາວເຜິງ ນັກທຸຣະກິຈຈີນ ສັນຊາດລາວ ຢູ່ບ້ານພັກ ຂອງຜູ້ກ່ຽວເອງ ໃນນະຄອນຫຼວງວຽງຈັນ ຍ້ອນບັນຫາ ຂັດແຍ່ງທາງທຸຣະກິຈ. ແລະເມື່ອເດືອນ ພຶສພາ ທີ່ຜ່ານມາ ຄົນຈີນ 2 ຄົນ ໄດ້ກໍ່ເຫດ ທຸບແວ່ນຣົດຂອງປະຊາຊົນ ລັກເອົາຊັບສິນມີຄ່າໄປ ຢູ່ເຂດສູນການຄ້າ ວິວມອລ ໃນນະຄອນຫຼວງວຽງຈັນ.

ຄໍາເຫັນ (2)
Share

bounta

ຈາກ vientiane capiltal

Sure< we believed that the near future when the Chinese railroad through vientiane capital and the people of china would increasingly to Laos, the drunk illegal trafficking, robberies cases, and the selling young women to china from Laos will be up to shaking of lao people. Now the bigest drunk seller is in the Bokeo casino district the dealership is the owner and the staffs of Casino .


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 10, 2019 05:43 AM

ທຳມະວົງ

ຈາກ ຕົ້ນເຜີ້ງ

ການຈັບກັກຂັງ ຄົນຄ້າຂາຍຢາບ້າຄົນຈີນ ເທືອນີ້ ຈະບໍ່ເປັນການສຳເລັດຜົນແຕ່ປະການໃດ, ລັດຖະບານສປປລາວ ໄດ້ເຊັນສັນຍາແບບມິດຕະພາບກັບ ສປຈິນ, ໂດຽຈະອານູຍາດໃຫ້ຊາວຈິນ ຫລັງໄຫລເຂົ້າມາລາວ ແບບສະດວກ ໂດຽສະເພາະ ຊາວຫວຽດນາມ ທີ່ເປັນກະດູດສັນຫລັງຂອງ ສປປ ລາວ ຍັງຖືກຈຳກັດຢູ່. ອານາຄົດໄປແນ່ນອນ ສປປລາວ ຈະກາຍເປັນບອ່ນຂະຫຍາຍຢາເສບຕິດ ທີ່ຍີ່ງໃຫຍ່ໃນເອເຊຍ, ເພາະ ສປປ ລາວ ບໍ່ມີຄວາມສຳມາດພໍທີ່ຈະຮັກສາໄດ້ ຄວາມສະຫງົບໃນດ້ານ ການຈໍລະຈອນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 03, 2019 06:09 AM

ເຕັມຫນ້າ