ໂຮງໝໍຢູ່ລາວຂາດອຸປກອນ

ສົມເນ
2016-02-01
ອີແມວລ໌
ຄໍາເຫັນ
Share
ພິມ
ໂຮງໝໍ ມະໂຫສົດ ທີ່ ນະຄອນຫລວງ ວຽງຈັນ
ໂຮງໝໍ ມະໂຫສົດ ທີ່ ນະຄອນຫລວງ ວຽງຈັນ
Lanxang

ໂຮງຫມໍ ຢູ່ ສປປ ລາວ ຂາດເຄື່ອງມື ການແພດ ທີ່ ທັນສະໄຫມ ແລະ ການ ບໍຣິການ ຊັກຊ້າ ເຮັດໃຫ້ ປະຊາຊົນ ຈຳນວນນຶ່ງ ຕ້ອງໄປ ປິ່ນປົວ ຢູ່ ປະເທດໄທ ເຖິງແມ່ນວ່າ ທ່ານຫມໍລາວ ມີຄວາມຮູ້ ຄວາມສາມາດ ກໍຕາມ. ປະຊາຊົນ ຢູ່ແຂວງ ຈຳປາສັກ ກ່າວຕໍ່ ເອເຊັຽ ເສຣີ ໃນ ວັນທີ 29 ມົກກະຣາ ນີ້ວ່າ ໄດ້ຂ້າມ ໄປປິ່ນປົວ ຢູ່ໂຮງຫມໍ ແຂວງ ອຸບົນ ຣາຊທານີ ປະເທດໄທ ຍ້ອນວ່າ ໂຮງຫມໍ ແຂວງ ຈຳປາສັກ ບໍ່ມີ ເຄື່ອງມືແພດ ຮັກສາ ໂຣຄ:

“ຜູ້ປິ່ນປົວ ເຂົາມີ ຄວາມສາມາດ ຢູ່ ແຕ່ວ່າ ເຄື່ອງມື ບໍ່ທັນສະໄຫມ, ເປັນຕົ້ນ ແມ່ນເຄື່ອງມື ເປັນຢາ ເປັນຫຍັງ ບໍ່ທັນສະໄຫມ ແຕ່ວ່າ ແພດຫມໍ ຮຽນຮູ້ ຢູ່. ກໍລຳບາກ ພໍຄວນ ກັບບ້ານ ບໍ່ໄດ້ ກໍຈຳເປັນ ໄດ້ນອນ ຄືນນຶ່ງ ຫຼື ສອງຄືນ”.

ທ່ານ ກ່າວວ່າ ການໄປ ປິ່ນປົວ ຢູ່ໂຮງຫມໍ ແຂວງ ອຸບົນ ຣາຊທານີ ກໍມີຄວາມ ຫຍຸ້ງຍາກ ຄືກັນ ຍ້ອນມີ ຄົນເຈັບຫຼາຍ ຕ້ອງໄດ້ຖ້າ ດົນ, ຫຼືບາງຄັ້ງ ຕ້ອງໄດ້ ນອນຄ້າງຄືນ ຢູ່ໄທ ເຖິງຢ່າງໃດ ກໍຕ້ອງໄດ້ໄປ ເພາະ ເຈັບເປັນ ໂຣຄ ທີ່ໂຮງຫມໍ ແຂວງ ຈຳປາສັກ ບໍ່ມີ ເຄື່ອງມື ຮັກສາ.

ຊາວ ນະຄອນຫຼວງ ວຽງຈັນ ກ່າວກ່ຽວກັບ ເຣື້ອງນີ້ວ່າ ໂຮງຫມໍ ຂອງຣັຖ ຢູ່ ນະຄອນຫຼວງ ວຽງຈັນ ກໍມີບັນຫາ ເຣື້ອງການ ບໍຣິການ ບຸຄລາກອນ ບໍ່ພຽງພໍ ທີ່ຈະ ຮອງຮັບ ຄົນເຈັບ ຈຳນວນ ຫຼາຍໄດ້:

“ເອົາຄວາມຈິງ ເລີຍເນາະ ບໍ່ແມ່ນວ່າ ດູຖູກ ບ້ານເຮົາດອກ ແຕ່ວ່າ ເສັຽຢູ່ຢ່າງດຽວ ຄື ການບໍຣິການ ຊັກຊ້າ, ກໍຊິແມ່ນ ແນວໆ ນັ້ນແຫຼະ”.

ປະຊາຊົນ ທ່ານນີ້ ເວົ້າວ່າ ປັຈຈຸບັນ ທ່ານເລືອກໄປ ໃຊ້ ບໍຣິການ ໂຮງຫມໍ ຢູ່ແຂວງ ອຸດອນ ທານີ ປະເທດໄທ ເພາະ ສະດວກ ສະບາຍ ກວ່າ, ເຖິງແມ່ນວ່າ ຕ້ອງເສັຽຄ່າໃຊ້ຈ່າຍ ໃນການ ເດີນທາງ ກໍຕາມ.

ຄໍາເຫັນ (1)
Share

Rousamee

ຈາກ IOWA USA

I would like to show every one in the United State that the Laos Nurse or Laos Doctor who worked in the Laos Hospital in around the Laos country very bad to speak to the patient who has stay in the Hospital and making angry face to the patient or even the Hospital too bad smell in the patient room we hoped the patient room never clean up since build hospital to present and no central air conditioning in the patient room. Every thing no regulate, I look the patient was a quity clime for the Nurse and Doctor. Think the Nurse and Doctor in Laos must be train more and more to take care their patient in Laos.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 02, 2016 02:23 PM

ເຕັມຫນ້າ