ຊາວບ້ານນາຕໍໃຫຍ່ຂາດ ນໍ້າໃຊ້

ມະນີຈັນ
2017-03-26
ອີແມວລ໌
ຄໍາເຫັນ
Share
ພິມ
ຄຸ້ມບ້ານໃໝ່ ຂອງຊາວບ້ານ ບ້ານຫ້ວຍສູຍ ທີ່ຕ້ອງໄດ້ໂຍກຍ້າຍ ອອກຈາກພື້ນທີ່ ການກໍ່ສ້າງ ເຂື່ອນ ໄຊຍະບູຣີ
ຄຸ້ມບ້ານໃໝ່ ຂອງຊາວບ້ານ ບ້ານຫ້ວຍສູຍ ທີ່ຕ້ອງໄດ້ໂຍກຍ້າຍ ອອກຈາກພື້ນທີ່ ການກໍ່ສ້າງ ເຂື່ອນ ໄຊຍະບູຣີ
Courtesy of international river

ປະຊາຊົນທີ່ຖືກໂຍກຍ້າຍ ໄປຢູ່ບ້ານນາຕໍໃຫຍ່ ເມືອງໄຊຍະບູຣີ ແຂວງໄຊຍະບູຣີ ຊຶ່ງເປັນ ບ້ານຈັດສັນ ຂອງໂຄງການ ເຂື່ອນ ໄຊຍະບູຣີ ປະສົບກັບ ບັນຫາ ການຂາດແຄນ ນໍ້າໃຊ້ ຫລັງຈາກທີ່ ທາງໂຄງການ ເຮັດທໍ່ສົ່ງ ນໍ້າປະປາ ນັ້ນແຕກ ແລະ ຍັງບໍ່ມາ ສ້ອມແປງ. ຕາມ ຄໍາເວົ້າ ຂອງ ປະຊາຊົນ ຕໍ່ RFA ໃນວັນທີ 23 ມິນາ 2017 ນີ້:

"ຕອນຂັ້ນຕົ້ນນີ້ ກໍພໍໃຊ້ນໍ້າປະປາ ເພາະວ່າ ຂະເຈົ້າ ມາສ້າງຂົວຂ້າມ ໃຫ້ແລ້ວກໍວ່າ ຣົດຂະເຈົ້າໄປ ຈົກທີ່ທໍ່ມັນນະ ພໍຂາດແລ້ວ ຂະເຈົ້າ ຍັງບໍ່ມາ ສ້ອມແປງໃຫ້ ເພິ່ນຍັງບໍ່ໄດ້ ມາສ້ອມແປງ ໃຫ້ຄືນເທື່ອ ໄດ້ຮອດເກືອບ ປີແລ້ວ".

ປັດຈຸບັນ ປະຊາຊົນກວ່າ 78 ຄອບຄົວໃນ ບ້ານນາຕໍໃຫຍ່ ແມ່ນອາສັຍ ນໍ້າລິນ ທີ່ທາງໂຄງການ ເຂື່ອນ ໄດ້ຕໍ່ທໍ່ນໍ້າ ມາໃຫ້ໃຊ້ ຊົ່ວຄາວ. ແຕ່ໃນ ຣະດູແລ້ງ ນີ້ກໍປະສົບ ບັນຫາ ນໍ້າບໍ່ພໍໃຊ້ ໂດຍສະເພາະ ໃນຕອນກາງເວັນ ທີ່ມີການໃຊ້ນໍ້າ ພ້ອມໆກັນຫຼາຍ. ດັ່ງທີ່ ປະຊາຊົນ ເວົ້າວ່າ:

"ເພາະວ່າໃຊ້ນໍ້າລິນ ກໍບໍ່ໄດ້ເສັຽເງິນ ທີ່ຂະເຈົ້າໄປ ກໍມາໃຫ້ນະ ກໍຄືຢູ່ແຕ່ວ່າ ຍາມແລ້ງ ກໍບໍ່ຢາກ ພໍໃຊ້ ປານໃດ ນໍ້າກິນນໍ້າໃຊ້ ບໍ່ຢາກພໍ ຍາມແລ້ງ ນໍ້າກໍແຫ້ງ".

ທ່ານກ່າວຕື່ມວ່າ ທາງໂຄງການ ໄດ້ໂອ້ລົມກັບປະຊາຊົນ ເຣື່ອງການສ້ອມແປງ ທໍ່ນໍ້ານັ້ນຫຼາຍເທື່ອແລ້ວ ແຕ່ກໍຍັງບໍ່ມີ ຄວາມຄືບໜ້າ ແລະ ທາງໂຄງການ ເຂື່ອນນີ້ ຈະເລີ່ມ ຍຸຕິການ ຊ່ວຍເຫລືອ ປະຊາຊົນ ໃນທ້າຍເດືອນ ເມສາ ທີ່ຈະເຖິງນີ້.

ໂຄງການ ເຂື່ອນ ໄຊຍະບູຣີ ເປັນເຂື່ອນ ແຫ່ງທໍາອິດ ຂອງລາວ ທີ່ສ້າງໃສ່ ແມ່ນໍ້າຂອງ ຂນາດ 1260 ເມັກກາວັດ ກໍ່ສ້າງໂດຍ ບໍຣິສັດ ຊ.ການຊ່າງ ຂອງໄທ ແລະຄາດວ່າ ຈະສາມາດຜລິດ ກະແສໄຟຟ້າ ໃຊ້ໄດ້ພາຍໃນປີ 2019. ໄຟຟ້າທີ່ຜລິດໄດ້ 95 ສ່ວນຮ້ອຍ ຈະຂາຍ ໃຫ້ ໄທ.

ເຕັມຫນ້າ