ເຂື່ອນວຽດນາມເຮັດໃຫ້ 10 ບ້ານ ລໍາບາກ

ອຸ່ນແກ້ວ ສຸກສະຫວັນ
2019-09-19
ອີແມວລ໌
ຄໍາເຫັນ
Share
ພິມ
ວຽດນາມ ປ່ອຍນໍ້າ ອອກຈາກເຂື່ອນ ສົ່ງຜົລກະທົບ ຕໍ່ ປະຊາຊົນ ກວ່າ 20 ບ້ານ ຢູ່ເມືອງເຊໂປນ ແຂວງສວັນນະເຂດ ຣາຍລະອຽດ ເຊີນຕິດຕາມ ຮັບຟັງຂ່າວ ວິທຍຸເອເຊັຽເສຣີ.
ວຽດນາມ ປ່ອຍນໍ້າ ອອກຈາກເຂື່ອນ ສົ່ງຜົລກະທົບ ຕໍ່ ປະຊາຊົນ ກວ່າ 20 ບ້ານ ຢູ່ເມືອງເຊໂປນ ແຂວງສວັນນະເຂດ ຣາຍລະອຽດ ເຊີນຕິດຕາມ ຮັບຟັງຂ່າວ ວິທຍຸເອເຊັຽເສຣີ.
RFA

ປະຊາຊົນ 10 ບ້ານ ຢູ່ເມືອງ ເຊໂປນ ແຂວງສະຫວັນນະເຂດ ທີ່ຖືກນ້ຳຖ້ວມບ້ານເຮືອນ ແລະ ເນື້ອທີ່ນາ ໄດ້ຮັບຄວາມເສັຍຫາຍ ຍ້ອນ ເຂື່ອນວຽດນາມ ປ່ອຍນ້ຳລົງມາ ກຳລັງລໍຖ້າການຊ່ວຍເຫລືອ ເລື້ອງສະບຽງອາຫານ. ປະຊາຊົນຜູ້ທີ່ໄດ້ຮັບ ຜົນກະທົບ ໄດ້ກ່າວຕໍ່ເອເຊັຽເສຣີ ໃນວັນທີ 19 ກັນຍາ ວ່າ:

"ມັນຖ້ວມເພິ່ນກໍບໍ່ມີແນວທາງແກ້ໄຂນະ ຢ່າງໜ້ອຍກໍມາຊ່ວຍຢຽວຢາເລັກນ້ອຍ ເວົ້າຈັ່ງໃດມັນກໍບໍ່ມີການແກ້ໄຂ ມີແຕ່ເພິ່ນເວົ້າວ່າ ບໍ່ມີງົບ ບໍ່ມີງົບ ພວກຢູ່ຕາມແມ່ນ້ຳໃຫຍ່ນະ ມັນໄດ້ຮັບຜົນກະທົບ."

ອຸທຸກກະພັຍນ້ຳຖ້ວມ ຢູ່ເຂດດັ່ງກ່າວ ເກີດຂຶ້ນໃນວັນທີ 4 ກັນຍາ ຫລັງຈາກເຂື່ອນວຽດນາມ ຢູ່ເຂດລາວບາວ ເມືອງກະເຊັນ ປ່ອຍນ້ຳລົງມາ ສົ່ງຜົນເຮັດໃຫ້ລະດັບນ້ຳ ໃນແມ່ນ້ຳເຊໂປນສູງຂຶ້ນເພີ້ມເປັນ 2 ແມັດ ເຮັດໃຫ້ຖ້ວມບ້ານເຮືອນ ແລະ ເນື້ອທີ່ນາຂອງ ປະຊາຊົນ 10 ບ້ານ. ເຈົ້າໜ້າທີ່ທາງການແຂວງສະຫວັນນະເຂດ ຕ້ອງໄດ້ອົພຍົບ ປະຊາຊົນໄປຢູ່ພື້ນທີ່ສູງ ຈົນຮອດ ວັນທີ 12 ກັນຍາ ຣະດັບນ້ຳຈຶ່ງລົດລົງ.

ເຈົ້າໜ້າທີ່ປົກຄອງເມືອງເຊໂປນ ໄດ້ກ່າວວ່າ ຕອນນີ້ວ່າ ກຳລັງມີການລົງເກັບກຳຂໍ້ມູນ ເພື່ອສົ່ງໃຫ້ທາງການແຂວງ ອະນຸມັດງົບປະມານ ຊ່ວຍເຫລືອ ປະຊາຊົນຜູ້ທີ່ໄດ້ຮັບຜົນກະທົບ.

"ປະເມີນກັນໄປເບື້ອງຕົ້ນນີ້ ຊຸມເຮົາຍັງເວົ້າກັນບໍ່ໄດ້ ທຳມະດາເກັບກຳຂໍ້ມູນ ຂັ້ນເມືອງ ຂັ້ນແຂວງ ກໍຍັງສະຫລຸບບໍ່ໄດ້ ຜົນເສັຍຫາຍ ມີແຕ່ວ່າ ຖືກນ້ຳຖ້ວມໄປຊື່ໆ ສ່ວນຜົລປູກສວຍກ້ວຍ ສວນມັນ ເປັນສັດລ້ຽງ ໜອງປາ ໄປແນວນັ້ນນະຫລາຍເຕີບແຫລະ."

ໃນວັນທີ 3 ກັນຍາ ທີ່ຜ່ານມາ ທາງການເມືອງກະເຊັນ ປະເທດວຽດນາມ ໄດ້ອອກແຈ້ງການດ່ວນເຖິງ ທາງການປົກຄອງເມືອງເຊໂປນ ວ່າ ຈະມີການປ່ອຍນ້ຳ ອອກຈາກເຂື່ອນ ເມືອງກະເຊັນ ລົງມາ.

ຄໍາເຫັນ (2)
Share

Love Lao

ຈາກ Lao

ຍ້ອນ ຟັງຄວາມແກວ ເສຍແນວເຂົ້າປູກ, ແກວຕົດ, ຂີ້ກໍ່ວ່າຫອມໄປຫມົດ, ບັດປະຊາຊົນຊາດໂຕເອງແທ້ໆ ຕໍານິແດ່ ພັດວ່າຂາຍຊາດ, ພວກປະຕິການຄົນບໍ່ດີ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 24, 2019 07:29 AM

(

ສຸດທ້າຍທີ່ໄປທີ່ມາຂອງນໍ້າ ເພີ່ນກໍໄດ້ເປີດອອກມາແລ້ວວ່າ ສສວຽດນາມ ໄດ້ປ່ອຍເຂື່ອນຂອງເຂົາ ແລະ ເຂົາກໍໄດ້ເຕືອນລ່ວງໜ້າກ່ອນ, ແລະສສລາວ ເດ ຄືບໍ່ໄດ້ຍິນຂ່າວຫຼືເຕືອນກ່ອນວ່າ ຈະປ່ອຍນໍ້າເຂື່ອນ ຂອງເພີ່ນ ໄຫ້ພີ່ນ້ອງປະຊາຊົນໄດ້ຮັບຮູ້, ນັບແຕ່ມື້ນໍ້າຖ້ວມຈົນຮອດມື້ນໍ້ບົກແຫ້ງລົງ ບໍ່ເຄີຍໄດ້ຍິນຄໍາຕອບເລີຍວ່າ ທີ່ໄປທີ່ມາຂອງນໍ້ານັ້ນມັນມາແຕ່ໃສ, ແລະການລະດົມການຊ່ວຍເຫຼືອ ກໍຫາສິເຫັນເພີ່ນເອົາລົງມາອອກຂ່າວ ຫຼັງຈາກຜູ້ຍິງແຂວງຈໍາປາສັກ ຜູ້ທີ່ລາວຕອ້ງການຄວາມຊ່ວຍເຫຼືອ ແລະເອົາລົງເຝັສແລະລາວກໍຖືກຈັບ ໃນຂໍ້ຫາຕໍ່ຕ້ານພັກຕ້ານລັດ ແລະເຮັດໄຫ້ລັດເປັນເປັ້ຽເປັນລ່ອຍ,ຕາມທີ່ຜູ້ຍິງຄົນນັ້ນເອົາລົງຂ່າວນັ້ນ ມັນແມ່ນຄວາມຈຶງໝົດ, ຄືເວລານໍ້າຖ້ວມກະທັນຫັນ ພາຍໃນສອງສາມມື້ທໍາອິດ ແມ່ນບໍ່ເຫັນພາກສ່ວນໃດ ລົງມາສ່ວຍເຫຼືອເລີຍ ແລະອີກສອງສາມມື້ຕໍ່ມາ ກໍຍັງບໍ່ເຫັນອີກຢູ່ດີ ເຫັນກໍມີສ່ວນທີ່ໜ້ອຍເກີນໄປ ແລະບໍ່ຮູ້ວ່າພາກສ່ວນໃດ, ຖ້າເຫັນກໍເຫັນແຕ່ຊາວບ້ານ ຫຼື ປະຊາຊົນຜູ້ທີ່ມີຈິດເມດຕາ ໄດ້ນໍາອາຫານ ແລະນໍ້ດື່ມໄສ່ເຮືອມາຍື້ຍື່ນໄຫ້ ເທົ່ານັ້ນ, ຂອບໃຈຫຼາຍໆເດີ້ພີ່ນ້ອງລາວເຮົາ ຢ່າສູຖີ້ມກັນເດີ ຮັກກັນເອົາໄວ້ ແລະມີມື້ໄດມື້ນຶ່ງພວກເຮົາປະຊາຊົນລາວ ທຸກຄົນທີ່ມີສາຍເລືອດລາວແທ້ໆ ຈະໄດ້ເຂົ້າໃຈຊຶ່ງກັນແລະກັນຫຼາຍຂື້ນກ່ວາເກົ່າ, ສູ້ໆໆໆເດີ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 20, 2019 06:56 AM

ເຕັມຫນ້າ