ບ້ານໂພນສະອາດຂາດ ນໍ້າໃຊ້

ໄມຊູລີ
2017-03-28
ອີແມວລ໌
ຄໍາເຫັນ
Share
ພິມ
ນໍ້າໄຫລຈາກພູ ຕາມ ທັມມະຊາດ ຊາວບ້ານ ກໍນໍາມາໃຊ້
ນໍ້າໄຫລຈາກພູ ຕາມ ທັມມະຊາດ ຊາວບ້ານ ກໍນໍາມາໃຊ້
RFA

ຊາວບ້ານປະມານ 60 ປາຍຄົວເຮືອນ ຢູ່ຄຸ້ມບ້ານໜອງໄຊຕາວ, ບ້ານໂພນສະອາດ ເຂດເທສບານ ເມືອງມະຫາໄຊ ແຂວງຄໍາມ່ວນ ໄດ້ຮັບ ຜົນກະທົບ ຍ້ອນບໍ່ມີນໍ້າ ພໍໃຊ້ພໍກິນ ໂດຍສະເພາະ ໃນຊ່ວງຣະດູແລ້ງ ເນື່ອງຈາກປັຈຈຸບັນ ຊາວບ້ານຄຸ້ມ ໜອງໄຊຕາວ ຍັງຕັກນໍ້າສ້າງ ມາກິນແລະໃຊ້. ດັ່ງຊາວບ້ານໂພນສະອາດ ໄດ້ກ່າວຕໍ່ ວິທຍຸ ເອເຊັຽເສຣີ ໃນວັນທີ 24 ມິນາ ນີ້ວ່າ:

“ສະເພາະບ້ານໂພນສະອາດນີ້ ກໍແມ່ນວ່າ ບ້ານນ້ອຍຂຶ້ນກັບບ້ານໃຫຍ່ ກໍບໍ່ມີເນາະ ຄື, ທ່າກຸ້ງຄ້ອງ ກໍເປັນບ້ານນຶ່ງ ກະກິນນໍ້າສ້າງ ນໍ້າສ້າງ ບາງເທື່ອກໍແຫ້ງ ບ້ານທ່າກຸ້ງຄ້ອງ ດຽວນີ້ມັນຍຸບ ຂຶ້ນກັບບ້ານໂພນສະອາດ ບ້ານນີ້ມີ 571 ຄອບຄົວ ສະເພາະຄຸ້ມ ໜອງໄຊຕາວ ກິນນໍ້າ- ສ້າງ ຄູ່ເຮືອນ”.

ປັຈຈຸບັນ ຄຸ້ມໜອງໄຊຕາວ ຍຸບແລ້ວ ເຂົ້າມາຮ່ວມກັບ ບ້ານໂພນສະອາດແລ້ວ 571 ຄົວເຮືອນ ຫ່າງຈາກ ເທດສບານ ເມືອງມະຫາໄຊ ປະມານ 2-3 ຫລັກ ແຕ່ຄຸ້ມໜອງໄຊຕາວ ຍັງບໍ່ທັນມີ ນໍ້າປະປາໃຊ້ ເທື່ອ ທີ່ຜ່ານມາ ຊາວບ້ານ ເຄີຍຂໍນໍ້າປະປາ ໄປຫາ ທາງເທສບານ ເມືອງມະຫາໄຊ ແຕໍ່ຍັງບໍ່ໄດ້້ ຄໍາຕອບເທື່ອ, ໃນທຸກໆປີ ເມື່ອເຖິງຣະດູຮ້ອນ ຊາວບ້ານ ຈະໄດ້ຮັບຜົນກະທົບ ຈາກພັຍແຫ້ງແລ້ງ ຫລາຍ ທີ່ສຸດ.

ຊາວບ້ານໂພນສະອາດ ຜູ້ນີ້ກ່າວຕຶ່ມວ່າ ຢູ່ເທສບານເມືອງມະຫາໄຊ ຍັງມີອີກຫລາຍບ້ານ ທີ່ບໍ່ມີນໍ້າປະປາໃຊ້ເທື່ອ ເປັນຕົ້ນວ່າບ້ານນາຂຽວ ແລະບ້ານນາກອກ ທຸກມື້ນີ້ ຍັງນໍາໃຊ້ ນໍ້າສ້າງກັນຢູ່ ແຕ່ນໍ້າສ້າງ ບໍ່ແຫ້ງຄື ຄຸ້ມໜອງໄຊຕາວ.

ເຕັມຫນ້າ