ນໍ້າຖ້ວມກະທັນຫັນຢູ່ ມ.ນານ 7 ບ້ານ ລອຍນະທີ

ໄຊຍາ
2019-07-30
ອີແມວລ໌
ຄໍາເຫັນ
Share
ພິມ
ສະພາບນໍ້າຖ້ວມ ຢູ່ເມືອງນານ ແຂວງຫຼວງພຣະບາງ ຊຶ່ງເກີດຂຶ້ນແບບ ກະທັນຫັນ ຊາວບ້ານບໍ່ໄດ້ຕັ້ງໂຕ
ສະພາບນໍ້າຖ້ວມ ຢູ່ເມືອງນານ ແຂວງຫຼວງພຣະບາງ ຊຶ່ງເກີດຂຶ້ນແບບ ກະທັນຫັນ ຊາວບ້ານບໍ່ໄດ້ຕັ້ງໂຕ
ຮູບພາບຈາກ : ນັກຂ່າວພົລເມືອງ

ເກີດເຫດນໍ້າໄຫລເຂົ້າຖ້ວມ 7 ບ້ານ ຂອງເມືອງນານ ແຂວງຫຼວງພຣະບາງ ຢ່າງກະທັນຫັນ ໂດຍບໍ່ມີການແຈ້ງເຕືອນມາກ່ອນ. ເນື່ອງຈາກ ຝົນຕົກໜັກ ຕັ້ງແຕ່ 03 ໂມງເຊົ້າ ຂອງ ວັນທີ 30 ກໍຣະກະດາ. ດັ່ງປະຊາຊົນຢູ່ໃນເຫດການ ໄດ້ກ່າວຕໍ່ RFA ໃນວັນທີ 30 ກໍຣະກະດາ ວ່າ; ຝົນຕົກບໍ່ແຮງ ແຕ່ຝົນຕົກລີນຕິດຕໍ່ກັນຫຼາຍວັນ ຈຶ່ງເກີດເຫດນໍ້າຖ້ວມ ເມືອງນານກະທັນຫັນ:

"ຂະເຈົ້າລົງຢູ່ວ່າເມືອງນານນໍ້າຖ້ວມ ກໍບໍ່ຕົກແຮງໃດ໋ ແຕ່ວ່າມັນລິນສາມມື້ແລ້ວ ແຕ່ວ່າມັນຕົກຢູ່ນ້ອຍນຶ່ງ ແຕ່ວ່າມື້ນີ້ມັນຢາກລິນຫຼາຍ ແຕ່ລະ ມື້ເທື່ອນ້ອຍດຽວ ຍັງບໍ່ຮູ້ຄືກັນອັນນີ້ນ່າ."

ຕໍ່ເຫດການດັ່ງກ່າວ ຍານາງ ຫົງຄຳ ເພັງສວັດ ຮອງເຈົ້າເມືອງນານ ແຂວງຫຼວງພຣະບາງ ໄດ້ແຈ້ງໃຫ້ຮູ້ ໃນວັນທີ 30 ກໍຣະກະດາວ່າມີ 7 ບ້ານ ທີ່ຕັ້ງຢູ່ແຄມ ລໍານໍ້ານານ ເຊັ່ນ: ບ້ານນາຝາຍ, ບ້ານປ່າໄຜ່, ບ້ານສີມຸງຄຸນ, ບ້ານສີບຸນເຮືອງ, ບ້ານນາເລົາ, ບ້ານໂພນຫີນ ແລະ ບ້ານນາເຄີນ ທັງໝົດແມ່ນຂຶ້ນກັບ ເມືອງນານ ແຂວງຫຼວງພຣະບາງ ທີ່ນໍ້າໄຫຼເຂົ້າຖ້ວມ ຢ່າງກະທັນຫັນ ເບື້ອງຕົ້ນເຄື່ອງຂອງ ຄົວເຮືອນ ຂອງປະຊາຊົນເສັຍຫາຍ 100% ແຕ່ຍັງບໍ່ສາມາດປະເມີນໄດ້ວ່າ ເສັຽຫາຍຫຼາຍຊໍ່າໃດ ແລະ ຍັງບໍ່ທັນພົບວ່າມີ ຜູ້ເສັຽຊີວິດ ແລະບາດເຈັບ ເທື່ອ.

ປັດຈຸບັນທາງການເລັ່ງອົພຍົບ ປະຊາຊົນໄປຢູ່ຈຸດປອດພັຍ ຊົ່ວຄາວກ່ອນ. ນອກຈາກນີ້ ຫ້ອງວ່າຫານເມືອງນານ ຍັງໄດ້ຣາຍງານໃນເບື້ອງ ຕົ້ນວ່າ ນໍ້າຖ້ວມເມືອງນານ ແຂວງຫຼວງພຣະບາງ ຄັ້ງນີ້ແມ່ນຮ້າຍແຮງ ກ່ອນທຸກປີ ເຮັດໃຫ້ເຮືອນຊານ ຂອງປະຊາຊົນ, ເສັ້ນທາງ, ຂົວ, ຊົລປະທານ, ນາ, ສວນ, ສັດລ້ຽງຈຳນວນຫຼາຍ ໄດ້ຮັບຄວາມເສັຽຫາຍ.

ຄໍາເຫັນ (3)
Share

(

Lucky Laos, the Chinese release the water and it starts to rain again at the same time. Consequently, some parts of northern Laos are under water. Hurray !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 31, 2019 09:04 AM

ສະຫວັນນະເຂດ

ຈາກ ລາວ

ເຮົາເຊື່ອວ່າ ຕອນພວກຄອມມະນີສ ຂ້າເຈົ້າຊິວິດລາວ ເຊົ້າຊິວິດລາວຄົງຊິຊາບແຊ່ງ ປະເທດລາວລາວ ໃຫ້ພົບແຕ່ຄວາມຫາຍຍະນະແນ່ນອນ ແບບດຽວກັບສີໂຄດຕະບອງສາບແສງ ເມືອງລາວຫັ້ນລະໄປ ເຄີຍອ່ານເຄີຍຟັງນິທານສີໂຄດຕະບອງບໍ່


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 31, 2019 09:04 AM

ຫຸ່ມ​ແພງ

ຈາກ ​ຫລວງ​ພະ​ບາງ

ໃຜໆກໍ່ຈົ່ມບໍ່ທັນແລ້ວ ເລື້ອງໄພແຫ້ງແລ້ງ ຂາດນ້ຳ ແຕ່ບໍ່ພໍເທົ່າ ຊ້ຳພັດມີນ້ຳທັ່ງລົງມາ ພັດພາ ເຮືອນຊານບ້ານຊ່ອງ ເສຍຫາຍຢ່າງຫນັກຫນ່ວງ. ໄພທຳມະຊາດ ເກີດຂຶ້ນຫລາຍ ໃນເວລານີ້ ປະເທດເຮົາ ບໍ່ເຄີຍພົບກະໄດ້ພົບ ສິ່ງທີ່ບໍ່ເຄີຍເກີດກະເກີດຂຶ້ນ ຍ້ອນມະນຸດເຮົາ ໄປທຳລາຍກໍ່ກວນ ທຳມະຊາດ. ການຕັດໄມ້ທຳລາຍປ່າ ກໍ່ເປັນຕົ້ນເຫດ ເຮັດໃຫ້ ນ້ຳຖ້ວມ ເພາະບໍ່ມີຮາກໄມ້ແລະຕົ້ນໄມ້ ດູດນ້ຳເອົາໄວ້, ເຮັດໃຫ້ດິນເຈື່ອນອີກ. ການສ້າງເຂື່ອນກໍເຮັດໃຫ້ ປະເທດລຸ່ມນ້ຳ ແຫ້ງແລ້ງ ແລະ ແຕ່ທາງເທິງ ພັດນ້ຳອັ່ງ ຈັກຊິເຮັດແນວໃດ ທຸກມື້ນີ້. ຜູ້ນຳແລະເຈົ້າພະນັກງານລັດ ທີ່ໄດ້ມີສ່ວນ ໃນການຕັດໄມ້ ແລະ ໄດ້ຜົນປະໂຫຍດ ຄວນມີຈິດສຳນຶກແລະຮັບຜິດຊອບ ຍ້ອນວ່າພວກທ່ານໄດ້ເງິນໄດ້ຄຳຈາກການຂາຍຊັບພະຍາກອນທຳມະຊາດ ທີ່ເປັນຂອງປະຊາຊົນ ໝົດທຸກຄົນ. ຜົນສຸດທ້າຍກໍແມ່ນປະຊາຊົນໄດ້ຮັບຄວາມເດືອນຮ້ອນຄືເກົ່າ. ບໍ່ມີຍຸກໃດສະໄຫມໃດ ຂີ້ຮ້າຍເທົ່າຍຸກນີ້ ບໍ່ມີຍຸກໃດສະໄໝໃດ ຄໍລັບເຊິນ ຄືຍຸກນີ້ ບໍ່ມີຕີນຊ້າງໃນຍຸກໃດສະໄຫມໃດ ໃຫຍ່ແລະຫນັກກ່ອນຍຸກນີ້ ໄດ້ຍິນແຕ່ເພິ່ນວ່າ ສະໄໝກ່ອນ ຕີນຊ້າງຢຽບປາກນົກ ແຕ່ສະໄຫມນີ້ ຕີນຊ້າງກະທືບ ໂຕນົກ ຈົນແປແລບແຊບ. ຢ່າງໃດກໍ່ຢາກໃຫ້ ລັດຖະບານ ນຳໂດຍທ່ານ ທອງລຸນ ທີ່ເປັນນາຍຍົກຂັວນໃຈ ປະຊາຊົນ ແກ້ໄຂບັນຫາ ໂດຍດ່ວນ.

Jul 30, 2019 11:55 PM

ເຕັມຫນ້າ