ເຈົ້າໜ້າທີ່ ຣັຖບານ ແລະ ອົງການ ຮັກສາ ສິ່ງແວດລ້ອມ ສາກົນ ສເນີໃຫ້ ຣັຖບານລາວ ພິຈາຣະນາຄືນໃໝ່ ໃນໂຄງການ ສ້າງເຂື່ອນ ຊະນະຄາມ.
ປະເທດລາວ ວາງແຜນ ທີ່ຈະກາຍເປັນ “ໝໍ້ໄຟ ແຫ່ງ ເອເຊັຽຕາເວັນອອກ ສ່ຽງໃຕ້” ໂດຍການ ສ້າງເຂື່ອນໄຟຟ້າພະລັງ ນໍ້າ 7 ແຫ່ງ ຢູ່ແມ່ນໍ້າຂອງ, ແລະ ສ້າງເຂື່ອນໃສ່ ແມ່ນໍ້າ ສາຂາ, ເພື່ອ ຜລິດ ແລະ ສົ່ງອອກ ກະແສໄຟຟ້າ ໄປສູ່ປະເທດ ເພື່ອນບ້ານ.
ແຕ່ໂຄງການຂນາດໃຫຍ່ ໄດ້ຍົກຍ້າຍ ປະຊາຊົນລາວ ຫຼາຍພັນຄົນນັ້ນ ບໍ່ມີໃຜໄດ້ໃຊ້ໄຟຟ້າ ໃນລາຄາຖືກ, ໃນຂນະທີ່ບັນດາປະເທດ ລຸ່ມແມ່ນໍ້າຂອງ - ໄທຍ, ກຳພູຊາ, ແລະ ວຽດນາມ ຕ້ອງປະສົບກັບ ຄວາມແຫ້ງແລ້ງ, ການຫຼຸດລົງ ຂອງປາ ແລະ ການທຳລາຍ ສິ່ງແວດລ້ອມ ອື່ນໆ ຕໍ່ລະບົບນິເວດ ທີ່ສຳຄັນ.
