ບໍຣິສັດວຽດນາມບິດເບືອນ ສັນຍາ

2013-11-15
ອີແມວລ໌
ຄໍາເຫັນ
Share
ພິມ
ຣົດດຸດຂຸດດິນ ຂອງບໍຣິສັດ ວຽດນາມ ຄົນຂັບວຽດນາມ ກໍາລັງບຸກເບີກ ພື້ນທີ່ປ່າໄມ້ ໃນກໍາພູຊາ ຊື່ງໃນແຂວງ ອັດຕະປື ກໍຕົກຢູ່ໃນ ສະພາບດຽວກັນ (2013)
ຣົດດຸດຂຸດດິນ ຂອງບໍຣິສັດ ວຽດນາມ ຄົນຂັບວຽດນາມ ກໍາລັງບຸກເບີກ ພື້ນທີ່ປ່າໄມ້ ໃນກໍາພູຊາ ຊື່ງໃນແຂວງ ອັດຕະປື ກໍຕົກຢູ່ໃນ ສະພາບດຽວກັນ (2013)
Global witness

 

ອົງການສືບສວນສິ່ງແວດລ້ອມ Global Witness ສໍານັກງານໃຫຍ່ຢູ່ກຸງລອນດອນປະເທດອັງກິດອອກຖແລງການ ໃນວັນທີ່ 14 ພຶສຈິກາ ຮຽກຮ້ອງໃຫ້ທະນາຄານຕ່າງປະເທດຢຸດໃຫ້ການສນັບສນູນການເງິນ ແກ່ບໍຣິສັດປູກຢາງພາຣາຮ່ວງອານເຢັຽລາຍຂອງວຽດນາມເມື່ອເຫັນວ່າ ບໍຣິສັດບໍ່ປະຕິບັດພາຣະກິຈຂອງຕົນ ໃຫ້ເປັນໄປຕາມສັນຍາ ກ່ຽວກັບເຣື້ອງທີ່ດິນ ຂອງປະຊາຊົນໃນລາວ ແລະ ກໍາພູຊາ.

ຖແລງການເວົ້າວ່າບໍຣິສັດ ຮ່ວງອານເຢັຽລາຍ ບໍ່ປະຕິບັດຕາມສັນຍາ ໃນການແກ້ໄຂສິ່ງແວດລ້ອມ ແລະລ່ວງລະເມີດສິດທິມະນຸດ ໃນນິຄົມ ປູກຕົ້ນຢາງໃນລາວແລະກໍາພູຊາ. Global Witness ຖແລງວ່າບໍຣິສັດ ຮ່ວງອານເຢັຽລາຍ ເຮັດໃຫ້ນັກລົງທຶນຕ່າງປະເທດຮ່ວມທັງ ທະນາ ຄານ Deutch Bank ແລະບໍຣິສັດການເງິນສາກົນຕົກຢູ່ໃນຄວາມສ່ຽງ ຈຶ່ງໄດ້ແນະນໍາໃຫ້ນັກລົງທຶນຕ່າງປະເທດຕັດບໍຣິສັດ ຮ່ວງອານເຢັຽ ລາຍ ອອກຈາກການເປັນລູກຄ້າໃນການກູ້ຢືມເງິນຈາກທະນາຄານ.

ລາຍງານວ່າ:ເມື່ອເດືອນ ພຶສພາ 2013 ນີ້ ການສືບສວນຂອງອົງການ Global Witness ເປີດເຜີຽວ່າ ບໍຣິສັດນີ້ໄດ້ທໍາລາຍ ສິ່ງແວດລ້ອມ ສັງຄົມ ແລະປ່າໄມ້ຢູ່ໃນເຂດ ສັມປະທານ ຂອງບໍຣິສັດ ໃນລາວ ແລະ ກໍາພູຊາ ຮ່ວມທັງຍຶດເອົາທີ່ດິນ ຂອງປະຊາຊົນໃນທ້ອງຖິ່ນ ຮວມທັງ ບຸກລຸກປ່າໄມ້ ດິນໄຮ່ ດິນນາ ຂອງປະຊາຊົນຢ່າງກວ້າງຂວາງ ເຖິງແມ່ນວ່າ ບໍຣິສັດ ຮ່ວງອານເຢັຽລາຍ ໄດ້ສັນຍາວ່າ ຈະແກ້ໄຂບັນຫາ ດັ່ງກ່າວ ແຕ່ກໍບໍ່ໄດ້ ປະຕິບັດເລີຽ.

ຄໍາເຫັນ (1)
Share

Lao ppl

ຈາກ Laos

Lao ppl ... stand up and chase Choummaly Sayasone Viet's chase dog out off Laos right now, if so to late to rescue Laos.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 15, 2013 06:02 PM

ເຕັມຫນ້າ