ຮ​ຮ ບ້ານກໍເພັນ ຕ້ອງການ ນໍ້າກ໊ອກ, ວິດຖ່າຍ

ຶອຸ່ນແກ້ວ ສຸກສະຫວັນ
2019-11-06
ອີແມວລ໌
ຄໍາເຫັນ
Share
ພິມ
ໂຮງຮຽນໃນເຂດຊົນນະບົດ ສປປ ລາວ
ໂຮງຮຽນໃນເຂດຊົນນະບົດ ສປປ ລາວ
RFA/PN

ໂຮງຮຽນ ບ້ານກໍເພັນ ເມືອງສິງ ແຂວງຫຼວງນໍ້າທາ ຕ້ອງການງົບປະມານ ຈາກທາງການລາວ ເພື່ອສ້າງນໍ້າກ໊ອກ ແລະ ວິດຖ່າຍ ໃຫ້ເດັກນ້ອຍນັກຮຽນ ແຕ່ຊັ້ນອານຸບານ ຮອດຊັ້ນ ປໍ 5, ອີງຕາມຄໍາເວົ້າ ຂອງນາຍຄຣູ ບ້ານກໍເພັນ ຕໍ່ວິທຍຸ ເອເຊັຽ ເສຣີ ໃນວັນທີ 1 ພຶສຈິກາ ນີ້:

“ຕ້ອງການ ຫຼາຍກໍ ຫ້ອງການ ກໍຍັງບໍ່ມີ ຫ້ອງນໍ້າເປັນຫຍັງ ກໍຍັງບໍ່ມີ ນໍ້າກິນ ນໍ້າກ໊ອກນັ້ນ ຢາກໄດ້ຫ້ອງນໍ້າກະຢາກໄດ້ ໂຮງຮຽນ ກໍຢາກໄດ້ ຂະເຈົ້າປຸກຢູ່ນີ້ ນິ່ຊໍາຊາຊື່ໆນີ້ ອໍມີແຕ່ໃຫ້ ນັກຮຽນ ຄອບຄຸມຕົນເອງ ບຸກຄົນ ທຸກໃຜຄົນເອົາມາກະງົບ ບໍ່ມີຈັກເທື່ອ ກະຍັງບໍ່ຕອບມາເທື່ອນີ້.”

ນອກຈາກນີ້, ເດັກນ້ອຍນັກຮຽນຍັງຂາດ ເຄື່ອງນຸ່ງຊຸດນັກຮຽນ, ປື້ມສໍ ແລະ ເກີບໃສ່, ແລະ ປັດຈຸບັນ ກໍເລີ້ມເຂົ້າສູ່ ຣະດູໜາວແລ້ວ ເດັກນ້ອຍນັກຮຽນ ໃນໂຮງຮຽນແຫ່ງນີ້ ຍັງຕ້ອງການເສື້ອ ກັນໜາວ. ດັ່ງທີ່ທ່ານກ່າວວ່າ:

“ອໍ ກະຕ້ອງການຢູ່ ເປັນອັນນ່າ ອຸປກອນ ຍັງບໍ່ຄົບ ກະລັງໜາວ ຫຸ້ຍເສື້ອກັນໜາວ ຈະບໍ່ມີ ກະບໍ່ມີຫັ່ນແລ້ວ ຂາດຫຼາຍແລ່ວ ຖ້້າມີຜູ້ບໍຣິຈາກ ກະຂໍໄດ້ບໍ່.”

ໂຮງຮຽນບ້ານກໍເພັນ ເມືອງສິງ ແຂວງຫຼວງນໍ້າທາ ມີຫ້ອງຮຽນພຽງສອງຫ້ອງ, ເປັນຫ້ອງ ນ້ອຍໆ ແອ້ມ ແລະ ມຸງດ້ວຍຫຍ້າຄາ ເສີມສັງກະສີ ພໍຊໍາຊາໄປຊື່ໆ ຫ້ອງຮຽນບໍ່ພຽງພໍ ສໍາລັບນັກຮຽນເກືອບ 80 ຄົນ. ໃນປີນີ້ ທາງໂຮງຮຽນ ບໍ່ມີອາຫານກາງເວັນ ສຳລັບເດັກນ້ອຍ ນັກຮຽນ, ຍ້ອນບໍ່ມີ ງົບປະມານ ແລະ ບໍ່ມີໂຄງການໃດ ເຂົ້າມາຊ່ອຍເຫຼືອ.

ຄໍາເຫັນ (1)
Share

ສີ​ທອງ

ເປັນຕາອິດູຕົນ ລູກຫລານເຮົານີ້ເດ້ ຄິດວ່າລຸ້ນພໍ່ແມ່ ທຸກຍາກກະບໍ່ເປັນຫຍັງ ເພາະວ່າ ເປັນລະຍະທີ່ປະເທດຊາດເຮົາ ຫາກກໍ່ປົດປ່ອຍໃໝ່ ແລະ ຫວັງວ່າ ລຸ້ນລູກຫລາຍຄົງຈະດີຂຶ້ນ ຍ້ອນເຊື່ອໝັ້ນ ການນຳພາຂອງພັກລັດ. ແຕ່ການເວລາຜ່ານໄປ ໄດ້ 40 ກວ່າປີແລ້ວ ຊຶ່ງບໍ່ພຽງແຕ່ ບໍ່ດີຂຶ້ນ ຊ້ຳບໍ່ໜຳ ປະເທດຊາດຍິ່ງຕົກຕ່ຳລົງໄປໜ້າ. ສະແດງໃຫ້ຮູ້ວ່າ ການປະຕິວັດ ບໍ່ໄດ້ເລື້ອງ ລະບອບສັງຄົມນິຍົມ ຍັງຫ່າງໄກ ຈາກຄົນລາວຫລາຍ. ມາເບິ່ງຄັກໆແລ້ວ ລະບອບອັນນີ້ ເປັນລະບອບ ສ້າງຮັ່ງຄູນມີໃຫ້ແຕ່ ຜູ້ນຳ ສະໜອງອຳນາດໃຫ້ແກ່ ຜູ້ນຳ ແລະ ພັກພວກ ພ້ອມຍາດຕິພີ່ນ້ອງ. ຖ້າຫາກວ່າ ປະເທດລາວ ຍັງສືບຕໍ່ນະໂຍບາຍນີ້ ໄປຂ້າງໜ້າ ປະຊາຊົນລາວ ຜູ້ທຸກຍາກ ເດັກນ້ອຍຜູ້ດ້ອຍໂອກາດ ກໍຍິ່ງຈະມີຊີວິດ ຕົກຕ່ຳໄປຂ້າງໜ້າ. ທຸກມື້ນີ້ ມີແຕ່ນັ່ງພະວັນນາ ແລະ ຄອງຄອຍ ໃຫ້ມີຜູ້ນຳທີ່ ຊື່ສັດ ແລະ ເຮັດວຽກການນຳ ຢ່າງຈິງຈັງ ປາສະຈາກ ການເຫັນແກ່ໂຕ ແລ ສໍ້ໂກງເງິນຄຳປະເທດຊາດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 07, 2019 05:45 AM

ເຕັມຫນ້າ