ໂຄງການຣົຖໄຟ ລາວ-ວຽດ

2014-01-30
ອີແມວລ໌
ຄໍາເຫັນ
Share
ພິມ
ໂຄງການຣົຖໄຟ ຄວາມໄວສູງ ລາວ-ວຽດ ຍັງບໍ່ແນ່ນອນ
ໂຄງການຣົຖໄຟ ຄວາມໄວສູງ ລາວ-ວຽດ ຍັງບໍ່ແນ່ນອນ
RFA

 

ເຈົ້າຫນ້າທີ່ລາວ ທ່ານນື່ງເວົ້າວ່າ ໂຄງການຣົຖໄຟຄວາມໄວສູງລາວ-ວຽດ ຣະຫວ່າງ ແຂວງສວັນນະເຂດ ຫາຊາຍແດນລາວບາວ ວຽດນາມ ທີ່ມີກຳນົດເດີມ ຈະສ້າງໃນ ເດືອນມົກຣາ 2014 ນັ້ນໄດ້ເລື່ອນເວລາ ເປັນເດືອນກຸມພາ ແຕ່ກໍຍັງບໍ່ແນ່ນອນ ເທື່ອເພາະທາງບໍຣິສັດ ຍັງລໍຖ້າທຶນຢູ່.

"ເວົ້າຕໍ່ຫນ້າວ່າ ເດືອນສອງຊີ່ເລີ້ມ ແຕ່ວ່າຈັກແນວໃດ ຄືວ່າຍັງມິດຢູ່ ບໍ່ແນ່ນອນດອກ ຕາມເບີ່ງນີ້ ເພາະວ່າຂະເຈົ້າຍັງຊອກຫາ ແຫລ່ງທືນຢູ່ ຫລືວ່າແນວໃດກໍບໍ່ເຂົ້າໃຈ ຄືກັນ".

ທ່ານກ່າວຕຶ່ມວ່າ ຫລັງຈາກໄດ້ມີພິທີວາງສີລາລຶກ ຢູ່ເມືອງອຸທູມພອນ ແຂວງສວັນນະເຂດ ວ່າງປີທີ່ຜ່ານມາ ກໍຍັງບໍ່ເຫັນຜູ້ຕ່າງຫນ້າ ບໍຣິສັດ GIANT CONSOLIDATED ເດີນທາງມາພົບປະ ກັບເຈົ້າຫນ້າທີ່ ລາວຫລືເດີນທາງມາແຂວງ ສວັນນະເຂດ ແຕ່ຢ່າງໃດ ຊື່ງໃນເວລານີ້ ການເຄື່ອນໄຫວຕ່າງໆ ກໍປາກົດວ່າມິດງຽບໄປ ຫລາຍຄົນຄິດວ່າ ອາດເປັນເພາະວ່າທາງບໍຣິສັດຍັງບໍ່ໄດ້ຮັບທຶນໃນການກໍ່ສ້າງ ກໍເປັນໄດ້.

ທີ່ຜ່ານມາ ບໍຣິສັດ ມາເລເຊັຽ ໄດ້ເປີດເຜີຍຂໍ້ມູນ ກ່ຽວກັບການສ້າງເສັ້ນ ທາງຣົຖໄຟ ຄວາມໄວສູງ ດັ່ງກ່າວ ຮ່ວມທັງສະຖານີທີ່ຈະສ້າງແລະ ການສຶກສາຜົລກະທົບ ຕໍ່ ປະຊາຊົນ ແລະ ສີ່ງແວດລ້ອມ ເປັນທີ່ຮຽບຮ້ອຍ ແຕ່ຍັງມີບັນຫາ ທາງດ້ານແຮງງານ ທີ່ຈະໃຊ້ໃນການກໍ່ສ້າງ ບໍ່ ສາມາດ ກຳນົດໄດ້ວ່າ ຈະຈ້າງແຮງງານລາວ ຈາກແຂວງ ສວັນນະເຂດ ຫລື ເອົາເຂົ້າມາຈາກ ຕ່າງປະເທດ.

ເຕັມຫນ້າ