ຜູ້ຕາງໜ້າລາວກ່າວປາໃສ ຢູ່ ສປຊ

ໄຊຍາ
2019-09-30
ອີແມວລ໌
ຄໍາເຫັນ
Share
ພິມ
ທ່ານ ສະເຫຼີມໄຊ ກົມມະສິດ ຣັຖມົນຕຣີ ກະຊວງການຕ່າງປະເທດ ສປປ ລາວ ໄດ້ກ່າວຄໍາປາໃສ ຕໍ່ກອງປະຊຸມ ສະມັດຊາໃຫຍ່ ສະຫະປະຊາຊາດ ຄັ້ງທີ 74 ຢູ່ ນະຄອນນິວຢັອກ ສະຫະຣັຖອtເມຣິກາ ວັນທີ 28 ກັນຍາ 2019
ທ່ານ ສະເຫຼີມໄຊ ກົມມະສິດ ຣັຖມົນຕຣີ ກະຊວງການຕ່າງປະເທດ ສປປ ລາວ ໄດ້ກ່າວຄໍາປາໃສ ຕໍ່ກອງປະຊຸມ ສະມັດຊາໃຫຍ່ ສະຫະປະຊາຊາດ ຄັ້ງທີ 74 ຢູ່ ນະຄອນນິວຢັອກ ສະຫະຣັຖອtເມຣິກາ ວັນທີ 28 ກັນຍາ 2019
Screen Captured : UN Web TV

ທ່ານ ສະເຫຼີມໄຊ ກົມມະສິດ ຣັຖມົນຕຣີ ກະຊວງການຕ່າງປະເທດ ສປປ ລາວ ໄດ້ກ່າວປາໃສ ຕໍ່ກອງປະຊຸມສະມັດຊາໃຫຍ່ ສະຫະ -ປະຊາຊາດ ຄັ້ງທີ 74 ຢູ່ນະຄອນນິວຢັອກ ສະຫະຣັຖອະເມຣິກາ ໃນວັນທີ 28 ກັນຍາ 2019 ນີ້. ໃນນັ້ນທ່ານໄດ້ເວົ້າ ເຖິງຫຼາຍບັນຫາ ເປັນຕົ້ນແມ່ນໄພນໍ້າຖ້ວມ ຢູ່ ສປປລາວ ຊຶ່ງທ່ານກ່າວຕອນນຶ່ງວ່າ:

"During the past 2 months we experiencing unexpected heavy rainfall as a result of...  ໃນໄລຍະ 2 ເດືອນ ຜ່ານມານີ້ ປະເທດຂອງພວກຂ້າພະເຈົ້າ ໄດ້ປະເຊີນກັບຝົນຕົກໜັກ ແບບບໍ່ຄາດຄິດມາກ່ອນ ຍ້ອນພາຍຸຄຸໂດ ຊຶ່ງໄດ້ເຮັດໃຫ້ ເກີດນໍ້າຖ້ວມ ເກືອບວ່າທຸກແຂວງ ຂອງລາວ ໄດ້ສ້າງຄວາມເສັຽຫາຍໃຫ້ແກ່ ໂຄງຮ່າງພື້ນຖານກະສີກັມ ແລະ ຊີວິດການເປັນຢູ່ຂອງ ປະຊາຊົນ ຊຶ່ງໄດ້ ໃຊ້ເງິນເຖິງຫລາຍລ້ານໂດລາ ເພື່ອຟື້ນຟູເຂດທີ່ໄດ້ຮັບ ຜົນກະທົບ."

ເມື່ອເວົ້າເຖິງນະໂຍບາຍການຕ່າງປະເທດ ຂອງສປປລາວ ທ່ານ ກໍໄດ້ເວົ້າເຖິງບາງບັນຫາສໍາຄັນ ຮວມທັງການແກ້ໄຂຂໍ້ຂັດແຍ່ງ ຣະຫວ່າງ ປາແລສຕາຍ ແລະ ອິສຣາແອນ ຊຶ່ງ ສປປລາວ ອີກເທື່ອນຶ່ງໄດ້ຍໍ້າເຖິງການສນັບສນູນ ໃຫ້ມີການແກ້ໄຂໂດຍ ສັນຕິວິທີ ຕາມມະຕິ ຂອງ ສະພາຄວາມໝັ້ນຄົງ ຂອງສະຫະປະຊາຊາດ.

ແລະເມື່ອເວົ້າເຖິງປະເທດຄິວບາ ທ່ານກໍໄດ້ກ່າວສນັບສນູນ ໃຫ້ມີການຍົກເລີກການລົງໂທດຕໍ່ຄີວບາ:

"My delegation once again calls on the lifting of the embargo of the Republic of Cuba, ຄນະຜູ້ແທນຂອງພວກເຮົາ ອີກເທື່ອນຶ່ງ ຮຽກຮ້ອງໃຫ້ມີການຍົກເລີກລົງໂທດ ຕໍ່ສາທາຣະນະຣັດຄິວບາ ຊຶ່ງເປັນປະເທດອະທິປະໄຕ ເພື່ອໃຫ້ປະຊາຊົນ ມີອິສຣະພາບ ໃນການພົວພັນທາງດ້ານເສຖກິດການຄ້າ ກັບປະເທດອື່ນໆ ຕາມກົດໝາຍສາກົລ."

ໃນຕອນທ້າຍຂອງຄໍາປາໃສ ທ່ານ ສະເຫລີມໄຊ ກົມມະສິດຣັຖມົນຕຣີກະຊວງການຕ່າງປະເທດ ໄດ້ເວົ້າເຖິງການຂໍເຂົ້າເປັນ ສະມາຊິກ ສະພາ ເສຖກິດ-ສັງຄົມ ຂອງສະຫະປະຊາຊາດ:

"Mr. President before I end my remarks, allow me to seize this opportunity to announce the the Lao PDR, ທ່ານກ່າວວ່າ ສປປລາວ ຂໍຖືໂອກາດນີ້ປະກາດວ່າ ສປປລາວ ໄດ້ຕັດສິນໃຈສເນີເຂົ້າເປັນສະມາຊິກ ສະພາເສຖກິດ-ສັງຄົມ ຂອງສະຫະ {ປະຊາຊາດ ໃນປີ 2023 ຫາ 2025."

ມັນເປັນເທື່ອທໍາອິດທີ່ ສປປລາວ ສເນີເຂົ້າເປັນສະມາຊິກສະພາ ທີ່ສໍາຄັນຂອງອົງການສະຫະປະຊາຊາດ ຊຶ່ງການສນັບສນູນ ຂອງສະມາຊິກ ສະຫະປະຊາຊາດທຸກ ປະເທດ ແມ່ນມີຄຸນຄ່າສູງ.

ຄໍາເຫັນ (2)
Share

(

ເຖິງຈະກ່າວ ຫຼືປາໄສປານໃດ ກໍແລ້ວແຕ່ຂ້ອຂຄິດວ່າ ພວກເພີ່ນຄົງຈະບໍ່ເຂົ້າໃຈຄວາມໝາຍ ຂອງກອງປະຊູມໄປເລິກກ່ວານັ້ນດອກນໍ້, ເພາະເພີ່ນໄປດຶງເອົາເລື້ອງ ( Palestine and Cuba)ອອກມາ ຟັງແລ້ວມັນຄືສະແດງວ່າໂຕເອັງ ຮູ້ຈັກບັນຫາ ຂອງຄົນອື່ນຫຼາຍກ່າວ ບັນຫາຂອງໂຕເອັງ, ນີ້ມັນຄົນລະເລື້ອງກັນເລີຍ, ໂອ້ຍຈັ່ງແມ່ນຄັກຜູ້ນໍາຂອງຂ້ອຍ ສິແມ່ນໃຜກໍແລ້ວແຕ່ ທີ່ໄປຮ່ວມກອງປະຊຸມສຫປຊ ແຕ່ລະເທື່ອ ແລະແຕ່ລະຄົນໄປຮ່ວມ ແມ່ນອັບອາຍແທ້ໆນີ້ລະ ເພີ່ນເອີ້ນວ່າ ໃບປະກາດສະນິຍະບັດ ປອມແປງ, ແລະດ້ອຍພັດທະນາດ້ານແນວຄິດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 02, 2019 08:32 AM

(

ຕາມເບິ່ງການກ່າວຄໍາປາໃສ ຢູ່ໃນກອງປະຊຸມ ຂອງສຫະປະຊາຊາດແລ້ວ ປາກົດວ່າບໍ່ມີປະເທດໃດເລີຍ ທີ່ຈະຂໍຮ້ອງຂໍເງິນຊ່ວຍເຫຼືອ ຄືກັບນາຍຂອງປະເທດຂອ້ຍເລີຍ, ມາຕີລາຄາ ແລະພິຈາລະນາເບີ່ງ ຕັ້ງຫຼາຍຮອບແລ້ວ ແມ່ນການກ່າວຄໍາປາໃສ ຂໍເງິນຊ່ວຍເຫຼືອໂດຍກົງ ໂດຍບໍ່ມີຂໍ້ສົງໄສອັນອື່ນເລີຍ, ໂອ້ຍອາຍເພີ່ນແທນປະເທດຂ້ອຍເດັ, ໝົດຄວາມສິເວົ້າແລ້ວບາດນີ້ນາ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 02, 2019 08:30 AM

ເຕັມຫນ້າ