ຂົວ ລາວ-ພະມ້າ ກໍາລັງກໍ່ສ້າງ

2013-06-04
ອີແມວລ໌
ຄໍາເຫັນ
Share
ພິມ
ວັນເປີດພິທີ ວາງສີລາເລີກ ການກໍ່ສ້າງ ຊົວມິຕພາບ ລາວ-ພະມ້າ ວັນທີ 16 ກຸມພາ 2013
ວັນເປີດພິທີ ວາງສີລາເລີກ ການກໍ່ສ້າງ ຊົວມິຕພາບ ລາວ-ພະມ້າ ວັນທີ 16 ກຸມພາ 2013
LPDR

 

ຂົວ ມິຕພາບ ລາວ-ພະມ້າ ສ້າງໄປແລ້ວ 14% ແລະ ຈະມີການ ໂຍກຍ້າຍ ຊາວບ້ານ ອອກຈາກ ພື້ນທີ່ ໃນເວລາ ອັນໃກ້ນີ້.

ປັດຈຸບັນ ໂຄງການ ກໍ່ສ້າງ ຂົວ ມິຕພາບ ຂ້າມນໍ້າຂອງ ລາວ-ພະມ້າ ທີ່ໄດ້ເລີ່ມ ກໍ່ສ້າງເມື່ອ ເດືອນ ກຸມພາ 2013 ນັ້ນ ສໍາເຣັດໄປແລ້ວ 14% ແລະ ຈະມີການ ໂຍກຍ້າຍ ປະຊາຊົນ ອອກຈາກພື້ນທີ່ ແຕ່ຍັງ ບໍ່ຮູ້ວ່າ ຍາມໃດເທື່ອ.  ດັ່ງ ເຈົ້າໜ້າທີ່ ກະຊວງ ໂຍທາທິການ ແລະ ຂົນສົ່ງ ເວົ້າວ່າ:

"ມາທຽບ ໃສ່ນີ້ ກໍປະມານ 13-14% ຕອນນີ້ ກໍາລັງ ສິເຈາະຢູ່ ສິເຈາະ ເຂັມຢູ່ ເຂັມທີ 5 ທາງຊາວບ້ານ ຮັບຮູ້ແລ້ວວ່າ ໃນຕໍ່ໜ້າ ຈະມີ ແຜນໂຍກຍ້າຍ ຊາວບ້ານ ອອກຈາກ ສ່ວນຂົວໄປ".

ທ່ານເວົ້າ ຕໍ່ໄປວ່າ ປັດຈຸບັນ ການກໍ່ສ້າງ ດໍາເນີນໄປ ໂດຍປາສຈາກ ອຸປະສັກ ແຕ່ສໍາລັບ ຣະຍະ ຣະດູຝົນນີ້ ຈະຕ້ອງໄດ້ ເອົາໃຈໃສ່ ເປັນພິເສດ. ຂົວ ມິຕພາບ ລາວ-ພະມ້າ ຝັ່ງລາວ ຕັ້ງຢູ່ເຂດ ບ້ານ ຫ້ວຍຄໍາ, ຕອນເໜືອ ຂອງບ້ານ ຫ້ວຍກອກ, ເມືອງລອງ, ແຂວງ ຫລວງນໍ້າທາ ຂຶ້ນໄປ 15 ກິໂລແມັດ. ຝັ່ງພະມ້າ ແມ່ນຢູ່ເມືອງ ທ່າຂີ້ເຫລັກ ຣັຖຊານ. ງົບປະມານ ກໍ່ສ້າງ 18 ລ້ານໂດລາ, ມີຄວາມຍາວ 691 ແມັດ, ກວ້າງ 10.9 ແມັດ. ຄາດວ່າ ຈະໃຊ້ເວລາ ກໍ່ສ້າງ 30 ເດືອນ ແລະ ຈະເປີດໃຊ້ ໃນປີ 2015.

ເຈົ້າໜ້າທີ່ ເວົ້າຕື່ມ ອີກວ່າ ສໍາລັບ ເບື້ອງລາວ ຈະມີການ ໂຍກຍ້າຍ ປະຊາຊົນ ປະມານ 60 ຫລັງຄາເຮືອນ, ໄປຢູ່ ບ້ານຈັດສັນໃໝ່ ຊຶ່ງຫ່າງຈາກ ບ້ານເດີມ ປະມານ 3 ກິໂລແມັດ.

ເຕັມຫນ້າ