ຊາວບ້ານຍັງຖືກຍຶດທີ່ດິນ

2013-10-11
ອີແມວລ໌
ຄໍາເຫັນ
Share
ພິມ
ສນາມກ໊ອຟແຫ່ງນີ້ ເປັນຂອງຊາວຕ່າງຊາດ ຢູ່ແຂວງຫລວງພຣະບາງ ທີ່ທາງການສັ່ງໃຫ້ ຊາວບ້ານຍ້າຍອອກ ເພາະພື້ນທີ່ຖືກສັມປະທານ
ສນາມກ໊ອຟແຫ່ງນີ້ ເປັນຂອງຊາວຕ່າງຊາດ ຢູ່ແຂວງຫລວງພຣະບາງ ທີ່ທາງການສັ່ງໃຫ້ ຊາວບ້ານຍ້າຍອອກ ເພາະພື້ນທີ່ຖືກສັມປະທານ
Travellaos

 

ເຈົ້າຫນ້າທີ່ຈາກອົງການອາຫານ ແລະການກະເສດສາກົນ ທີ່ໄດ້ໄປເຮັດວຽກຢູ່ສປປລາວ ແລະໄດ້ຂຽນຂໍ້ຄວາມລົງໃນເຄືອຂ່າຍອິນເຕີແນັດ ວ່າມື້ນຶ່ງ ຫລັງຈາກນຶ່ງເດືອນ ທີ່ລາວໄດ້ໄປເຮັດວຽກ ຢູ່ແຂວງ ຫລວງພຣະບາງ ລາວຕື່ນນອນມາ ໃນຕອນເຊົ້າ ລາວໄດ້ຍິນສຽງຕົ້ນໝາກ ພ້າວລົ້ມ ຢູ່ຂ້າງບ້ານຂອງລາວ ເມື່ອລາວຍ່າງອອກໄປເບີ່ງ ເຈົ້າຂອງບ້ານທີ່ລາວເຊົ່າຢູ່ບອກວ່າ 2 ຄອບຄົວຢູ່ໃນທີ່ນັ້່ນຖືກຍຶດທີ່ດິນ ແລະ ຖືກບັງຄັບໃຫ້ໂຍກຍ້າຍ ຍ້ອນໂຄງການໃຫມ່ຂອງຣັຖບານ.

ນີ້ເປັນເທື່ອທຳອິດແຕ່ກໍບໍ່ແມ່ນເທື່ອສຸດທ້າຍ ທີ່ລາວເຫັນການຍຶດທີ່ດິນ ຂອງຊາວບ້ານຢູ່ລາວ ໂດຍທາງການລາວ ປາສຈາກການບອກກ່ອນ ລ່ວງຫນ້າ ການປ່າວ ເຕືອນຊຸມຊົນ ແລະສ່ວນຫລາຍແລ້ວ ແມ່ນກຸ່ມຊາວກະສິກອນ ຖືກໄລ່ອອກ ຈາກພື້ນທີ່ຂອງຕົນ ປະໃຫ້ຄອບຄົວ ຂະ ເຈົ້າອຶດຢາກ ຍ້ອນບໍ່ມີທີ່ດິນ ທຳມາຫາກິນລ້ຽງຄອບຄົວ ຫລັງຈາກຖືກບີບບັງຄັບໃຫ້ໂຍກຍ້າຍ.

ລາວເວົ້າອີກວ່າເປັນຫນ້າເສົ້າໃຈຊຸມຊົນຜູ້ທີ່ທຸກຍາກ ໃນປະເທດດ້ອຍພັທນາ ຖືກຍຶດທີ່ດິນ ບ່ອນທຳມາຫາກີນ ຂອງພວກຂະເຈົ້າມາແຕ່ດຶກ ດຳບັນ ດັ່ງກໍຣະນີທີ່ຫລວງພຣະບາງ ເມືອງມໍຣະດົກໂລກການຍຶດທີ່ດິນຊາວບ້ານ ເຮັດໃຫ້ຄອບຄົວ ຂອງຂະເຈົ້າລົ້ມທະລາຍ ລົບກວນການ ທຳມາຫາກິນ ແລະແຫລ່ງອາຫານ ທີ່ພວກຂະເຈົ້າມີ ມາແຕ່ດຶກດຳບັນ.

ພື້ນທີ່ດິນຊາວບ້ານສ່ວນໃຫຍ່ໃນເຂດຫລວງພຣະບາງ ປະຊາຊົນຈະໃຊ້ເປັນບ່ອນປູກຝັງເພື່ອສ້າງລາຍໄດ້ເສີມໃຫ້ແກ່ຄອບຄົວ ຖືກທາງການ ຍຶດໄປເພື່ອສ້າງເປັນໂຮງແຮມບ້ານພັກໃຫ້ແກ່ນັກທ່ອງທ່ຽວໂດຍອ້າງວ່າ ເປັນໂຄງການຣັຖບານ.

ຄໍາເຫັນ (3)
Share

ນັກຮຽນ ທ່າງອ່ນ

ຈາກ ວຽງຈັນ

ພວກພັກລັດ ຊິງແມ່ນ ພວກຂາຍຊາດ ດຽວນີ້ ພັກລັດ ໄດ້ຂາຍພູເຂົາຄວາຍ ໃຫ້ຄົນເສດຖີຈິນ ເປັນເງິນ ແປດລ້ານໂດລາ ດຽວນີ້ ເຈົ້າຂອງກຳລັງ ຍົກຍ້າຍບັນດາ ໝູ່ບ້ານ ອອກໄປຈາກ ສະຖານທີ່


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 14, 2013 11:16 AM

Douan Mala

ຈາກ Luangphabang, Laos

Lao gov have the right to bump ppl out off their land because the gov paid the land with high price and not bump them out with nothing.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 14, 2013 11:10 AM

ຜູ້ຝັກໄຝ່ຄວາມເປັນທັມ

ຈາກ ປະຊາທິໄຕ

ມັນເປັນໂຄງສ້າງ ການຜູກຂາດອຳນາຖ ແບບເບັດເສັດ ທຸກຄຳສັ່ງ ຕ້ອງເດັດຂາດ ໑໐໐% ( ໒+໒=໕ )


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 14, 2013 10:49 AM

ເຕັມຫນ້າ