ທາງການໄທເປີດຕູ້ສິນຄ້າ ທ່າເຮືອ ແຫຼມ ສະບັງ

ອຸ່ນແກ້ວ ສຸກສະຫວັນ
2015-01-28
ອີແມວລ໌
ຄໍາເຫັນ
Share
ພິມ
 ທາງການໄທເປີດຕູ້ສິນຄ້າ ທ່າເຮືອ ແຫຼມ ສະບັງ
ທາງການໄທເປີດຕູ້ສິນຄ້າ ທ່າເຮືອ ແຫຼມ ສະບັງ
Picture credit:The Nation news

ທາງການ ໄທ ໄດ້ ເປີດຕູ້ ສິນຄ້າ 6 ຕູ້ ໃນ ຈໍານວນ 30 ຕູ້ ຈາກ ປະເທດ ລາວ ທີ່ ສົ່ງຜ່ານ ທ່າເຮືອ ແຫລມ ສະບັງ ແຂວງ ຊົນບູລີ ປະເທດ ໄທ ໄດ້ພົບ ກະສອບ ປຸ໋ຍ ທີ່ ບັນຈຸ ໄມ້ທ່ອນ ກ້ວຍໄມ້ ປ່າ ເຫັດ ຫລິນຈື້ ບໍ່ກົງກັນ ກັບ ຣາຍການ ສິນຄ້າ ທີ່ ໄດ້ແຈ້ງ ເອົາໄວ້ ແລະ ຄາດວ່າ ເປັນ ໄມ້ກະຍຸງ ແຕ່ຕ້ອງລໍ ຜູ້ ຊ່ຽວຊານ ມາ ກວດສອບ. ອີງຕາມ ການຣາຍງານ ຂອງ ໜັງສືພິມ ຜູ້ຈັດການ ຂອງໄທ.

ໃນ ວັນທີ 27 ມົກກະຣາ ເຈົ້າໜ້າທີ່ ຂອງ ກະຊວງ ຍຸຕິທັມ ຂອງໄທ ແລະ ເຈົ້າໜ້າທີ່ ປ່າໄມ້ ແລະ ເຈົ້າໜ້າທີ່ ຈາກ ສະຖານທູດ ລາວ ປະຈຳ ບາງກອກ ມາຮ່ວມ ເປັນ ພິຍານ ໃນການ ເປີດຕູ້ ສິນຄ້າ ໃນ ຄັ້ງນີ້. ຜົນປະກົດ ວ່າ ພົບ ກະສອບ ປຸ໋ຍ ທີ່ ບັນຈຸ ທ່ອນໄມ້ ທີ່ ຄາດວ່າ ບໍ່ກົງກັບ ຣາຍການ ຢູ່ ເອກະສານ ທີ່ ແຈ້ງຕໍ່ ເຈົ້າໜ້າທີ່ ດ່ານ ພາສີ ຂອງໄທ ແລະ ພ້ອມທັງ ກັບເຈັ້ຽ ທີ່ ບັນຈຸ ກ້ວຍໄມ້ ປ່າ, ເຫັດ ຫລິນຈື້.

ເຈົ້າໜ້າທີ່ ໄທ ກ່າວວ່າ ຈາກການ ສະແດງ ໃນ ເບື້ອງຕົ້ນ ແມ່ນ ເຊື່ອວ່າ ຫລັກຖານ ທີ່ ສະແດງ ຕໍ່ ເຈົ້າໜ້າທີ່ ແມ່ນ ບໍ່ກົງກັນ ແລະ ພົບວ່າ ມີໄມ້ ຫລາຍກວ່າ ຣາຍການ ທີ່ ແຈ້ງ ເຂົ້າມາ. ການ ເປີດຕູ້ ຄອນເທນເນີ ເປີດໄດ້ ພຽງ 6 ຕູ້ ເທົ່ານັ້ນ, ແຕ່ຍັງ ບໍ່ທັນໄດ້ ເປີດ ທັງໝົດ 30 ຕູ້ ຕ້ອງມີການ ປຶກສາ ຫາລື ຈາກ ພາກສ່ວນ ທີ່ ກ່ຽວຂ້ອງ ແລ້ວ ຈະມີການ ແຈ້ງຕາມ ພາຍຫລັງ.

ເຈົ້າໜ້າທີ່ ຈາກ ກົມປ່າໄມ້ ຂອງໄທ ກ່າວວ່າ ຈະຕ້ອງມີ ການ ປະສານງານ ໄປຫາ ກະຊວງ ຍຸຕິທັມ ໃຫ້ມາຮ່ວມ ກວດສອບ ອີກ ຄັ້ງນຶ່ງ ຊຶ່ງ ກໍຣະນີ ດັ່ງກ່າວ ບໍ່ ສາມາດ ຕອບ ໄດ້ວ່າ ໄມ້ຢູ່ໃນ ຕູ້ ສິນຄ້າ ບາງ ຣາຍການ ບໍ່ກົງກັບ ທີ່ ແຈ້ງການ ຢູ່ ເອກສານ ແລະ ຫລາຍຄົນ ອາດຈະ ສົງໄສວ່າ ມີໄມ້ ກະຍຸງ ຊຸກເຊື່ອງ ຢູ່ໃນນັ້ນ ແຕ່ ຍ້ອນວ່າ ໄມ້ກະຍຸງ ກັບ ໄມ້ດູ່ ມີ ລັກສນະ ຄ້າຍ ຄືກັນ ສະນັ້ນ ຈຶ່ງ ຕ້ອງລໍຖ້າ ໃຫ້ ຜູ້ ຊ່ຽວຊານ ມາ ກວດສອບ ແລະ ຄາດວ່າ ຈະ ໃຊ້ເວລາ ໃນການ ກວດສອບ ອີກ ລະຍະ ນຶ່ງ.

ເຈົ້າໜ້າທີ່ ຍັງກ່າວ ຕື່ມ ອີກວ່າ ເບື້ອງຕົ້ນ ກໍມີ ການ ຕັ້ງຂໍ້ຫາ ວ່າ ການແຈ້ງ ແລະ ສະແດງ ສິນຄ້າ ບໍ່ກົງຕາມ ຄວາມ ເປັນຈິງ.

ຄໍາເຫັນ (1)
Share

ບູນຍັງ

ຈາກ ທ່າແຂກ

ເລື່ອງຂະບົດ ຂົດລ້ຽວ ບ້ຽວນ້ອຍແລະໃຫ່ຍ ມາຈາກ ສປປລາວ ແມ່ນດັງ ໄດ້ທຸກຢ່າງ ທີ່ຄົນທຳມະດາສາມັນ ຝັນໄປບໍ່ເຖິງ, ອັນນີ້ແລ້ວ ຄວາມສລາດສ່ອງໃສ ໄວໄຟ ໄດ້ເລື່ອງທ່ີ ພັກ-ລັດ ຂອງລາວແດງ ມອບເວນເຄນຖວາຍ ແຕ່ລະຢ່າງແທ້ໆ. ຈັງແມ່ນຫນ້າຫນາຕາ ດ້ານພານຫາ ແຕ່ກິເຫລດຕັນຫາ ປະເພດ ສັຕເດລະສານ ເປັນມານສັງຄົມ ທຸກຢ່າງນໍ້!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 29, 2015 05:42 PM

ເຕັມຫນ້າ