ໄທຍ ມີໄຟຟ້າເຫຼືອໃຊ້

ຈໍາປາທອງ
2020-05-29
ອີແມວລ໌
ຄໍາເຫັນ
Share
ພິມ
ເຂື່ອນໄຊຍະບູຣີ ທີ່ມີເປົ້າໝາຍ ຈໍາໜ່າຍຂາຍໄຟຟ້າ ໃຫ້ປະເທດໄທ
ເຂື່ອນໄຊຍະບູຣີ ທີ່ມີເປົ້າໝາຍ ຈໍາໜ່າຍຂາຍໄຟຟ້າ ໃຫ້ປະເທດໄທ
RFA

ປະເທດໄທຍ ມີໄຟຟ້າສຳຮອງຫລາຍເກີນຄວາມຕ້ອງການ. ປັດຈຸບັນ ໄທຍ ໃຊ້ໄຟຟ້າທັງໝົດ ທົ່ວປະເທດ ພຽງແຕ່ 28,630 ເມກາວັດ ຕໍ່ມື້ ແຕ່ມີໄຟຟ້າສຳຮອງ ທັງໝົດເຖິງ 45,590 ເມກາວັດ; ແປວ່າ ໄທຍ ມີໄຟຟ້າ ສໍາລອງຫຼາຍກວ່າຄວາມຕ້ອງການ ເຖິງ 16,590 ເມກາວັດ.

ນອກຈາກຈໍານວນໄຟຟ້າ ທີ່ ໄທຍ ຜລິດໄດ້ເອງ ແລະ ຊື້ຈາກຕ່າງປະເທດ ເປັນຕົ້ນຈາກ ສປປລາວ ແລ້ວ, ປະເທດໄທຍ ຍັງມີໂຮງງານໄຟຟ້າ ທີ່ຜລິດເອງໃຊ້ເອງ ແລະ ໄຟຟ້າແສງອາທິດ ທີ່ຜລິດຈາກຫລັງຄາເຮືອນ ຂອງປະຊາຊົນນຳອີກ ຮວມທັງໝົດ ໄທຍ ອາຈມີໄຟຟ້າຫຼາຍກວ່າ 55 ພັນເມກາວັດ ຊຶ່ງເປັນປະຣິມານທີ່ຫລາຍກວ່າ ຄວາມຕ້ອງການ ເກືອບສອງເທົ່າ.

ໃນເມື່ອມີໄຟຟ້າຫລາຍເກີນໄປ ຣັຖບານໄທຍ ແລະ ປະຊາຊົນໄທຍ ກໍຈຳເປັນຕ້ອງຈ່າຍຄ່າໄຟຟ້າ ທີ່ເຫລືອໃຊ້ນັ້ນ ຍ້ອນດັ່ງນັ້ນ ຣາຄາໄຟຟ້າ ຢູ່ໄທຍ ຈຶ່ງແພງ.

ໜັງສືພິມຜູ້ຈັດການອອນລາຍຂອງໄທຍ ຣາຍງານ ແລະອະທິບາຍວ່າ ຣັຖບານໄທຍ ຕ້ອງຈ່າຍຄ່າໄຟຟ້າທີ່ຕົນຊື້ມາ ທັງໝົດຈາກບໍຣິສັດຜລິດ ໄຟຟ້າເອກກະຊົນ ແລະຕ່າງປະເທດ ເປັນປະຈຳ ເຖິງຈະໃຊ້ໄຟ ໜ້ອຍກໍຕາມ. ຄວາມຈິງແລ້ວ ເງິນທີ່ຣັຖບານຈ່າຍຄ່າໄຟຟ້ານັ້ນ ກໍຄືເງິນ ເກັບມາຈາກການໃຊ້ໄຟຟ້າ ຂອງປະຊາຊົນ ໃນທົ່ວປະເທດ ສເລັ່ຽແລ້ວ ຣັຖບານໄທຍຈ່າຍຄ່າໄຟຟ້າ ທີ່ບໍ່ໄດ້ໃຊ້ເຖິງ ເດືອນລະ 200,000 ລ້ານບາດ.

ດັ່ງນັ້ນ ສະມາຄົມອົງການພິທັກຣັຖທັມນູນໄທຍ ຈຶ່ງຮຽກຮ້ອງໃຫ້ ຄະນະກັມມະການພະລັງງານ ແລະ ກະຊວງພະລັງງານຂອງໄທຍ ຟ້າວ ແກ້ໄຂບັນຫາດັ່ງກ່າວຢ່າງຮີບດ່ວນ ເປັນ ຕົ້ນໃຫ້ຍົກເລີກສັນຍາຊື້ຂາຍ ໄຟຟ້າ ຈາກໂຮງໄຟຟ້າເອກກະຊົນ ແລະ ຈາກ ສປປລາວ.

ເຕັມຫນ້າ