ການເງິນຈຸລພາກຕໍ່ເວລາ ຊໍາຣະໜີ້

ໄຊຍາ
2020-05-20
ອີແມວລ໌
ຄໍາເຫັນ
Share
ພິມ
ທະນະຄານ ແຫ່ງ ສປປລາວ
ທະນະຄານ ແຫ່ງ ສປປລາວ
Citizen Journalist

ສະຖາບັນການເງີນຈຸລພາກຫລາຍແຫ່ງ ຍົກເວັ້ນການຊໍາຣະຕົ້ນທືນ ແລະດອກເບັ້ຍ ເປັນເວລາ 03 ເດືອນ ນັບແຕ່ງວດເດືອນມີນາ ແລະ ພຶສພາ ໃຫ້ລູກຄ້າເງິນກູ້ຢືມ ແລະ ວິສາຫະກິດ ທີ່ໄດ້ຮັບຜົລກະທົບ ໃນໄລຍະຄວບຄຸມພຍາດໂຄວິດ-19. ໂດຍອີງໃສ່ແຈ້ງ ການຂອງ ທະນາຄານກາງ, ດັ່ງເຈົ້າໜ້າທີ່ສຳນັກງານໃຫຍ່ ຂອງ ສະຖາບັນການເງິນຈຸລພາກ ທີ່ຮັບເງິນຝາກ ສາຍສຳພັນ ໄດ້ກ່າວຕໍ່ເອເຊັຽເສຣີວັນທີ 13 ພຶສພາ ວ່າ:

"ເລື່ອນຊໍາລະໃຫ້ລູກຄ້າ ຜູ້ທີ່ມີຜົລກະທົບຕໍ່ໂຄວິດ-19 ເນາະ ສຳລັບພວກເຮົາຄືຕລາດເກັບກູ້ຣາຍວັນ ພວກເຮົາກໍເລື່ອນຊໍາຣະໃຫ້ລູກຄ້າ ເນາະແລ້ວກໍບໍຣິສັດທີ່ຜົລກະທົບ ຫລືຣັຖວິສາຫະກິດ ພວກເຮົາກໍເລື່ອນ ຊໍາຣະໃຫ້ລູກຄ້າ."

ເຈົ້າໜ້າທີ່ໄດ້ກ່າວຕື່ມວ່າ ສະຖາບັນການເງິນແຫ່ງນີ້ ມີນະໂຍບາຍຫລຸດຜ່ອນອັດຕຣາດອກເບັ້ຍ ແລະ ເມື່ອຮອດເດືອນມິຖຸນາ ແລ້ວລູກຄ້າ ຈະຕ້ອງາຈ່າຍຕົ້ນທຶນ ແລະດອກເບັ້ຍ ຂອງງວດເດືອນມີນາ ແລະ ເດືອນກໍຣະກະດາ ລູກຄ້າ ກໍມາຈ່າຍຕົ້ນທຶນແລະດອກເບັ້ຍ ເດືອນເມສາ, ຖ້າລູກຄ້າບໍ່ສາມາດຈ່າຍຕົ້ນທຶນໄດ້ ແລະດອກເບັ້ຍຄືກ່າວມານັ້ນ ທາງສະຖາບັນກໍຈະ ສົ່ງເຈົ້າໜ້າທີ່ ລົງກວດສະພາບໂຕຈິງ.

ທາງສະຖາບັນການເງິນຈຸລພາກ ທີ່ບໍ່ຮັບເງິນຝາກ ທະວີຊັບ ແຂວງອັດຕະປື ກໍໄດ້ປະຕິບັດ ຕາມທະນາຄານກາງ. ທີ່ຜ່ານມາລູກຄ້າສາມາດ ແຈ້ງ ຄວາມປະສົງເລື່ອນການຊໍາຣະຕົ້ນທຶນ ແລະດອກເບັ້ຍ ເນື່ອງຈາກ ສ່ວນຫລາຍລູກຄ້າ ຂອງສະຖາບັນການເງິນແຫ່ງນີ້ ຈະເປັນກຸ່ມ ເຈົ້າໜ້າທີ່ພາກຣັຖ ແລະ ຣັຖວິສາຫະກິດ ທີ່ໄດ້ຮັບເງິນເດືອນ ໃນໄລຍະໂຄວິດ-19. ແຕ່ກໍຍົກເວັ້ນການຊໍາຣະຕົ້ນທຶນ ແລະ ດອກເບັ້ຍ 03 ເດືອນ ຄືກັນກັບສະຖາບັນການເງິນ ອື່ນ.

"ແຈ້ງການຂອງຣັຖບານ ເບິ່ງພິຈາຣະນາ ຕາມຄວາມເໝາະສົມເນາະ, ລູກຄ້າຂອງພວກເຮົາ ທີ່ມາຢືມແມ່ນເປັນພະນັກງານຣັຖ ຈະບໍ່ໄດ້ໄປ ກະທົບກັບຣາຍຮັບຂອງຂະເຈົ້າ ເພາະວ່າຂະເຈົ້າຈະໄດ້ເງິນເດືອນ ປົກກະຕິ. ມີປະມານສອງສາມລູກຄ້າ ທີ່ວ່າເງິນບໍ່ທັນ ແລ້ວພວກເຮົາຖືວ່າ ບໍ່ທັນໃນເດືອນສີ່ ກໍມີແຕ່ຍົກເວັ້ນບໍ່ເກັບເດືອນສີ່ ແຕ່ວ່າເດືອນຫ້າ ຂະເຈົ້າກໍມາຊໍາຣະຄືນ ເຮົາຍັງບໍ່ທັນໄດ້ເຮັດເປັນວ່າປັບປຸງ ໂຄງສ້າງ ໜີ້ແລ້ວເຮັດສັນຍາໃໝ່ໃຫ້ລູກຄ້າ."

ສ່ວນສະຖາບັນການເງິນຈຸລພາກ ທີ່ບໍ່ຮັບເງິນຝາກ ເພື່ອການພັທນາ ແລະ ສົ່ງເສີມທຸຣະກິດ ກໍເປັນອີກສະຖາບັນນຶ່ງ ທີ່ປະຕິບັດຕາມນະໂຍ ບາຍ ຂອງທະນາຄານກາງກໍ່ຄື ເລື່ອນການຊໍາຣະຕົ້ນທືນ ແລະ ດອກເບັ້ຍຕາມຈຸດປະສົງ ຂອງລູກຄ້າໃນໄລຍະໂຄວິດ-19.

"ເຮົາກາມີເນາະພະນັກງານ ທີ່ວ່າເງິນບໍ່ທ່ວງບໍ່ທັນ ມີຫຍັງພວກເຮົາກໍຫລຸດຜ່ອນໃຫ້ ໂຕນີ້ກໍຂຶ້ນຕາມອັນ ລູກຄ້າເນີລູກຄ້າສເນີ ເປັນເດືອນ ພວກເຮົາກໍຫຼຸດໃຫ້ເປັນເດືອນ ລູກຄ້າສເນີວ່າສິບຫ້າວັນ ຊາວວັນ ພວກເຮົາກໍຫຼຸດຕາມລູກຄ້າ ທີ່ຕ້ອງການຫລຸດແຕ່ ຊ່ວງໂຄວິດຮ້າຍແຮງ ຊ່ວງນັ້ນເນາະ."

ໃນຂນະດຽວກັນຊາວກະສິກອນຢູ່ເມືອງຄູນ ແຂວງຊຽງຂວາງ ທີ່ກູ້ຢືມເງິນຈາກ ທະນາຄານ ສົ່ງເສີມກະສິກັມຂັ້ນເມືອງ ມາປູກຜັກເພື່ອຂາຍ ກໍປະສົບບັນຫາ ຂາຍຜົລປູກບໍ່ໄດ້ ແລະຣາຄາກໍຕົກຫຼາຍໃນໄລຍະ ໂຄວິດ-19 ສົ່ງຜົລໃຫ້ບໍ່ມີເງິນຊໍາຣະໜີ້ ເຊິ່ງອາດຈະຖືກປັບໃໝຕາມທີ່ ໄດ້ຣະບຸໃນສັນຍາ.

"ໂອ້ ຄ້າງຫລາຍງວດແລ້ວເດ້ ຄ້າງຕັ້ງແຕ່ເດືອນສາມຂຶ້ນມາ ຊ່ວງນັ້ນບໍ່ທັນໄດ້ຂາຍ ເດືອນສອງ ເດືອນສາມ ຕໍ່ມານີ້ກໍບໍ່ໄດ້ຂາຍເລີຍຕາມ ສັນຍາຫັ້ນ ກາຍກຳນົດແລ້ວ ຂະເຈົ້າປັບໃໝ."

ໃນການເລື່ອນການຊໍາຣະ ເຈົ້າໜ້າທີ່ ທະນາຄານສົ່ງເສີນກະສິກັມ ຂັ້ນເມືອງກ່າວວ່າ ຖ້າຊາວກະສິກອນ ໄດ້ຮັຜົລກະທົບ ຈາກໂຄວິດ-19 ນັ້ນໃຫ້ຂຽນໃບສເນີ ມາຍັງທະນາຄານ. ໂດຍຈະມີເຈົ້າໜ້າທີ່ລົງໄປ ກວດສະພາບໂຕຈິງ.

"ຖ້າກະທົບເຮົາກໍມີການເລື່ອນ ບໍ່ຫລືມີຫຍັງຫັ້ນໃຫ້ວ່າ ແຫລ່ງທຶນທີ່ເຮົາ ຢືມໄປກັບມີຫຍັງນີ້ນ່າ. ເພິ່ນບໍ່ໄດ້ໝາຍຄວາມວ່າ ຈະບໍ່ເລື່ອນຈະ ບໍ່ຫຍັງ ໃຫ້ເຈົ້າ. ມັນກໍມີນະໂຍບາຍຕ່າງໆ ແຕ່ວ່າເຈົ້າຕ້ອງມາພົວພັນ ແລະເຮັດໃບສເນີມາແຈ້ງເຮົາ ຈຶ່ງຮູ້ວ່າຜົລກະທົບ ໄປກະທົບຕໍ່ແຫຼ່ງ ທຶນທີ່ເຮົາປ່ອຍໃຫ້ເຈົ້າເນາະ."

ປັດຈຸບັນສະພາບການ ຣະບາດຂອງພຍາດໂຄວິດ-19 ຍັງບໍ່ທັນຢືນຢັນໄດ້ ວ່າຈະກັບເຂົ້າສູ່ພາວະປົກກະຕິເມື່ອໃດ, ເຖິງວ່າທາງການຈະ ອອກມາຕການຊ່ອຍຜ່ອນຜັນ ການຊໍາຣະໜີ້ ໃຫ້ກັບລູກໜີ້ ແຕ່ຫລາຍ ຂແນງການໄດ້ຮັບຜົລກະທົບ ໄປພ້ອມໆກັນ. ທີ່ວ່າມາຕການ ຜ່ອນຜັນ ແມ່ນມາຕການສະເພາະໜ້າ ຍັງຄາດບໍ່ໄດ້ວ່າ ລູກໜີ້ຈະໄດ້ມີເງີນໄປຊໍາຣະໜີ້ ໄດ້ບໍ່ ເພາະບັນດາປະເທດອ້ອມຂ້າງ ກໍໄດ້ ຮັບຜົລກະທົບ ເຊິ່ງມັນເປັນຕ່ອງໂສ້ ອັນສົ່ງຜົລຕໍ່ຣາຍຮັບ ຂອງປະຊາຊົນ ແລະ ຂແນງການພາກທຸຣກິດ ທີ່ເຂົ້າມາລົງທຶນໃນລາວ.

ເຕັມຫນ້າ