ຈີນບໍ່ໃຫ້ຣົດຂົນສົ່ງ ຂອງລາວ ເຂົ້າຈີນ

ໄຊຍາ
2020-05-05
ອີແມວລ໌
ຄໍາເຫັນ
Share
ພິມ
ບໍຣິສັດຂົນສົ່ງຈີນ ບໍ່ຍອມປ່ອຍໃຫ້ຣົດ ຂົນສົ່ງສິນຄ້າ ຂອງລາວ ເຂົ້າຈີນ.
ບໍຣິສັດຂົນສົ່ງຈີນ ບໍ່ຍອມປ່ອຍໃຫ້ຣົດ ຂົນສົ່ງສິນຄ້າ ຂອງລາວ ເຂົ້າຈີນ.
ຮູບຈາກ : ນັກຂ່າວພົລເມືອງ

ບໍຣິສັດຂົນສົ່ງຈີນ ບໍ່ຍອມໃຫ້ຣົດ ຂົນສົ່ງສິນຄ້າ ການກະເສດ ຂອງລາວ ເຂົ້າໄປຈີນ ໂດຍອ້າງວ່າ ເປັນການປ້ອງກັນ ການຣະບາດຂອງ ເຊື້ອພຍາດໂຄວິດ-19 ພ້ອມທັງຈອດຣົດ ກີດຂວາງດ່ານໄວ້ ແລະ ຕ້ອງຈ້າງ ຄົນຂັບຣົດຂອງຈີນມາຂັບໃຫ້, ຕໍ່ກໍຣະນີດັ່ງກ່າວ ຄົນຂັບຣົດ ຂົນສົ່ງຝ່າຍລາວ ພາກັນບໍ່ຍອມ.

ຄໍາເຫັນ (1)
Share

ກຳ​ມະ​ກອນ

ຈາກ ​​ແດນ​ເຫ​ນືອ

ໃນເວລາ ທີ່ເບິ່ງວີດີໂອ້ ແລະ ຟັງຂ່າວນີ້ແລ້ວ ເຮັດໃຫ້ເຮົາ ຕ່ຳຄ້ອຍນ້ອຍໃຈ ທີ່ສຸດ ທີ່ເຫັນຄົນຈີນ ກີດກັ້ນ ແລະ ເອົາລັດເອົາປຽບ ຄົນຂັບລົດລາວ ໂດຍບໍ່ມີເຈົ້າຫນ້າທີ່ລາວ ເຂົ້າໄປຊ່ອຍເຫລືອ ພວກເຂົາເຈົ້າເລີຍ. ແຕ່ບັດເວລາ ຄົນຈີນເຂົ້າມາປະເທດລາວແລ້ວ ບໍ່ເຫັນຈະເກງໃຈຄົນລາວ ທີ່ເປັນເຈົ້າຂອງປະເທດເລີຍ. ຊ້ຳບໍ່ຫນຳ ເຈົ້າໜ້າທີ່ລາວ ຍັງກົ້ມຫົວໃຫ້ພວກເຂົາ ແລະ ມີຫຍັງ ກໍເອົາໄປເຄນໃຫ້ຫມົດ ຄ້າຍກັບວ່າ ເປັນຫົວເມືອງຂຶ້ນເຂົາ ຫລືວ່າ ນີ້ບໍ່ ທີ່ພວກກຸ່ມຄົນນອກປະເທດລາວ ລາວເປັນຫົວເມືອງຂຶ້ນ ຫວຽດນາມ ກັບຈີນ. ດັ່ງນັ້ນ ຢາກຈະຮຽກຮ້ອງໃຫ້ ເຈົ້າຫນ້າທີ່ ແຕ່ລະດັບເມືອງ ໄປຈົນຮອດລະດັບແຂວງ ຕະຫລອດຮອດ ນາຍົກທອງລຸນພຸ້ນລະ ກະລຸນາ ຊ່ວຍເຫລືອຄົນລາວເຮົາແດ່ ທີ່ກຳລັງເດືອດຮ້ອນ ໂດຍສະເພາະ ແມ່ນກຸ່ມຄົນຂັບລົດ ເຄື່ອງປູກຂອງຝັງ ທີ່ປະຊາຊົນລາວເຮົາເອງປູກ ແລະ ຈະຂົນສົ່ງໄປຈີນນັ້ນ. ຄົນລະດັບຜູ້ນຳແລ້ວ ບໍ່ຈຳເປັນຕ້ອງໃຫ້ ປະຊາຊົນທຳມະດາຄືຂ້າພະເຈົ້າ ບອກວ່າຄວນເຮັດແນວໃດຕີ້ນໍ້. ຖ້າຫາກວ່າ ພວກທ່ານ ມີສະຕິປັນຍາ ຄອບຄອງຕຳແຫນ່ງນີ້ໄດ້ ພວກທ່ານ ກໍມີຄວາມສາມາດ ແກ້ໄຂບັນຫາ ຄົນຂັບລົດລາວ ທີ່ຖືກເອົາປຽບ ຢູ່ຊາຍແດນລາວ-ຈີນໄດ້ ແລະ ຄວນແກ້ໄຂບັນຫາດັ່ງກ່າວນີ້ ໃນໄວໆນີ້ ໃຫ້ໄດ້. ຂອບໃຈ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 06, 2020 01:05 PM

ເຕັມຫນ້າ