ຈີນຊື້ໝາກຖົ່ວ ຊາວບ້ານ ເມືອງບຸນໃຕ້ ຖືກກ່ວາສັນຍາ

ໄຊຍາ
2019-12-23
ອີແມວລ໌
ຄໍາເຫັນ
Share
ພິມ
ໝາກຖົ່ວຍາວ ທີ່ຄຸນນະພາບດີ ວາງຂາຍ ​ຕາມຕລາດ ໃນນະຄອນຫຼວງວຽງຈັນ (ຮູບ​ຖ່າຍ​ເມື່ອ: ເດືອນ​ທັນ​ວາ ປີ 2017)
ໝາກຖົ່ວຍາວ ທີ່ຄຸນນະພາບດີ ວາງຂາຍ ​ຕາມຕລາດ ໃນນະຄອນຫຼວງວຽງຈັນ (ຮູບ​ຖ່າຍ​ເມື່ອ: ເດືອນ​ທັນ​ວາ ປີ 2017)
RFA/PV

ໃນ​ເດືອນ​ມີ​ນາ​ ທີ່ຜ່​ານ​ມາ, ບໍ​ຣິ​ສັດ​ຈີນ ຮັບ​ຊື້ ໝາກ​ຖົ່ວຍາວ ຈາກ​ປະ​ຊາ​ຊົນ ຢູ່​ບ້ານ​ເພັຽ​ເຫຼັກ,  ເມືອງ​ບຸນ​ໃຕ້​ ແຂວງ​ຜົ້ງ​ສາ​ລີ ໃນ​ລາ​ຄາ ຖືກ​ກ່​ວາ ​ທີ່​ຕົກ​ລົງ​ກັນ ​ເອົາ​ໄວ້.

ໃນ​ເບື້ອງ​ຕົ້ນ, ບໍ​ຣິ​ສັດ​ຈີນ ສັນ​ຍາ​ວ່າ ຈະ​ຮັບ​ຊື້ ໃນ​ລາ​ຄາ 2,000 ກີບ/ກິ​ໂລ, ແຕ່​ໃນ​ຕົວ​ຈິງ  ບໍ​ຣິ​ສັດ​ ຊຶ້ື້​ພຽງ​ແຕ່ 500 ກີບ/ກິ​ໂລ. ດັ່ງປະ​ຊາ​ຊົນ​ ບ້ານ​ເພັຽ​ເຫຼັກ ໄດ້​ກ່າວ​ຕໍ່​ ເອ​ເຊັຽ​ເສ​ຣີ ໃນ​ວັນ​ທີ 20 ທັນ​ວາ ວ່າ:

“ເປັນ​ແນວນີ້ ເຂົາ​ມາ​ເວົ້າ ໃນ​ຕອນ​ທຳ​ອິດນີ້ ຊາວ​ບ້ານ​ເອີຍ ຖ້າ​ວ່າ ຄອບ​ຄົວ​ໃດ ຫຼືວ່າ ບຸກ​ຄົນ​ໃດ ຢາກ​ເຮັດ ຄັນປະ​ກັນ​ດຽວນີ້ນິ ກະ​ຄື​ເວົ້າ​ ໂລ​ນຶ່ງກະ 2,000 ກີບ. ບາດນີ້, ອັນ​​ທີ່ ປະ​ຊາ​ຊົນ ກະ​ຍັງ​ທວງ ​​ທວງວ່າ​ແນວນີ້ ອັນ​ທີ່​ເຂົາ​ກົດ​ນີ້ ໂລ​ນຶ່ງນີ້ 500 ກີບໄດ໋.”

ທ່ານໄດ້ກ່າວ​ ຕື່ມ​ວ່າ ຕັ້ງ​ແຕ່​ປີ 2007 ເປັນ​ຕົ້ນ​ມາ, ໝາກ​ຖົ່ວ​ຍາວ ຢູ່​ບ້ານ​ເພັຽເຫຼັກ ເປັນ​ພືດ ​ທີ່ບໍ​ຣິ​ສັດ​ຈີນ ໄດ້​ລົງ​ທຶນ​ ຊື້​ແນວ​ພັນ ແລະ ປຸ໋ຍ ເພື່ອ​ໃຫ້​ ປະ​ຊາ​ຊົນ ​ພາຍ​ໃນ​ບ້ານ ປູກໃນ​ຣະ​ດູ​ແລ້ງ ແລະ ຈະ​ໄດ້ ​ປີ​ລະ 20 ຕັ່ນ, ໄລ່​ເປັນ​ເງິນ 40 ລ້ານ​ກີບ.

ບໍ​ຣິ​ສັດ​ຈີນ ​ຮັບ​ຊື້​ໝາກ​ຖົ່ວ ກິ​ໂລ​ລະ 500 ກີບ ນັ້ນ, ເປັນ​ຍ້ອນ​ວ່າ ໝາກ​ຖົ່ວ​ຍາວ ​ຈຳ​ນວນ​ດັ່ງ​ກ່າວ ເປັນ​ໝາກ​ຖົ່ວ​ ຄຸນ​ນະ​ພາ​ບ ບໍ່​ດີ ມີ​ລັກ​ສະ​ນະ ​ຝັກ​ງໍ-ຝັກ​ຫັກ. ດັ່ງເຈົ້າ​ໜ້າ​ທີ່ ​ຜແນກ​ ອຸດ​ສາ​ຫະກັມ ແລະ ການ​ຄ້າ ແຂວງ​ຜົ້ງ​ສາ​ລີ ໄດ້​ກ່າວ​ວ່າ:

“500 ກີບ​ຕໍ່​ໂລນີ້, ນຶ່ງ​ມານີ້ ເຂົາ​ເຈົ້າ ຈະ​ເບິ່ງ​ໝາກ​ຖົ່ວ ມັນ​ຈະ​ເປັນ​ໄປ​ໄດ້​ ຕາມ​ເກດ​ ມັນ​ບໍ່? ໝາກ​ຖົ່ວ​ນີ້ ເຮົາ​ເກັບ​ຊຸດ​ທີ​ນຶ່ງ ໝາກ​ຖົ່ວ​ດີ​ເນາະ. ຄັນ​ຖ້າ​ມັນ ​ເປັນ​ໝາກ​ຖົ່ວ​ງໍ ເປັນ​ໝາກ​ຖົ່ວ​ ຫ​ຍັງ​ໄປ​ແລ້ວ, ເຂົາ​ເຈົ້າ​ ຈະ​ເກັບ​ຊື້​ ເປັນ​ລາ​ຄາ ທີ່​ວ່າ ມັນ​ບໍ່​ມີ​ລາ​ຄາ ​ຄ້ຳ​ປະ​ກັນ ໂຕນັ້ນ​ນ່າ.”

ສ່ວນເຈົ້າ​ໜ້າ​ທີ່ ​ຜ​ແນກ​ກະ​ສິ​ກັມ​ ແລະ ປ່າ​ໄມ້ ແຂວງ ກໍ​ເວົ້າ​ວ່າ ບໍ​ຣິ​ສັດ​ຈີນ ຮັບຊື້​ໝາກ​ຖົ່ວ ​ນຳ​ປະ​ຊາ​ຊົນ ​ຕາມ​ລາ​ຄາ ​ທີ່​ຕົກ​ລົງ​ກັນ ​ເອົາ​ໄວ້. ດັ່ງ​ທ່ານ​​ໄດ້ກ່າວ​ວ່າ:

“ໂຕ​ນີ້ ​ເຂົາ​ບໍ່​ປະ​ໄດ໋ ເຣື້ອງ​ການ​ເກັບ​ຊື້ ເຂົາ​ເຈົ້າ​ເກັບ​ຊື້, ແຕ່​ວ່າບໍ່​ໃຫ້​ຫຼຸດ​ ຕາມ​ສັນ​ຍາ ມີ​ບົດ​ຕາມ​ສັນ​ຍາ​ກັນ ຕ່າງໆ​ໄດ໋. ພວກ​ເຮົາ​ຕ້ອງ​ ໄດ້ໃຫ້​ເຂົາ​ເຈົ້າ ເຮັດສັນ​ຍາ ແລະ ມັດ​ຈຳ​ ສາ​ກ່ອນ. ເງິນ​ມັດ​ຈຳ ​ໂຕນີ້, ແຕ່ວ່າ​ໄປ​ຈ່າຍ​ຄືນ ​ໃຫ້​ປະ​ຊາ​ຊົນ ຕ​າມ​ສັນ​ຍາ.”

ອີງ​ຕາມ​ ເຈົ້າ​ໜ້າ​ທີ່ ຜ​ແນກ​ກະ​ສິ​ກັມ, ທົ່ວ​ແຂວງ​ຜົ້ງ​ສາ​ລີ ​ມີ​ນັກ​ລົງ​ທຶນ​ຈີນ ມາ​ລົງ​ທຶນ​ ປູກ​ໝາກ​ຖົ່ວ​ຍາວ ​ເປັນ​ຈຳ​ນວນ​ຫຼາຍ ຢູ່​ບ້ານ​ເພັຽ​ເຫຼັກ, ບ້ານນາ​ໝາກ ແລະ ບ້ານຍອດ​ອູ ກໍ​​ເປັນ​ອີກ ສາ​ເຫຕ​ນຶ່ງ ​ທີ່​ເຮັດ​ໃຫ້​ ລາ​ຄາ ​ໝາກ​ຖົ່ວ​ຍາວ ຖືກ​ລົງ.

ຄໍາເຫັນ (1)
Share

(

Lao farmers are caught in Chinese traps. First the Chinese proposed a quite reasonable price. But when after the harvest is done the same blooood-sucking Chinese business-people reduced their offers to 3 times less. Lao farmers can't do much but accept the latter offer unless they want their crops to rot on the spot.Neat isn't it ? RIP.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 02, 2020 06:09 AM

ເຕັມຫນ້າ