ພູຫີນໜາມໜໍ່ ຂ.ຄໍາມ່ວນ

ພົມເພັດ
2017-02-07
ອີແມວລ໌
ຄໍາເຫັນ
Share
ພິມ
ປ່າສະຫງວນແຫ່ງຊາດ ພູຫີນໜາມນໍ່ ແຂວງຄໍາມ່ວນ
ປ່າສະຫງວນແຫ່ງຊາດ ພູຫີນໜາມນໍ່ ແຂວງຄໍາມ່ວນ
Screen captured from travel Laos video

ກົມມໍຣະດົກ ແຫ່ງຊາດ ກະຊວງຖະແຫລງຂ່າວ ວັທນະທັມ ແລະທ່ອງທ່ຽວ ໄດ້ມີການກະຕຽມ ແຜນເພື່ອ ນຳສເນີ ເຂດປ່າສງວນ ແຫ່ງຊາດ ພູຫີນໜາມໜໍ່ ເຂົ້າເປັນ ມໍຣະດົກໂລກ ທາງທັມມະຊາດ ຂອງ ອົງການ UNESCO.

ເຈົ້າໜ້າທີ່ ກົມມໍຣະດົກ ແຫ່ງຊາດ ໄດ້ກ່າວວ່າ ຢູ່ໃນລະ​ຍະ ຂຽນຄຳຮ້ອງ ຂໍຂຶ້ນທະບຽນ ມໍຣະດົກໂລກ ຫລັງຈາກ ໄດ້ຮັບຄໍາຕອບ ຈາກ ອົງການ UNESCO ໃຫ້ປ່າສງວນ ແຫ່ງຊາດ ພູຫີນໜາມໜໍ່ ຢູ່ ແຂວງຄໍາມ່ວນ ເປັນ ມໍຣະດົກໂລກ ທາງ ທັມມະຊາດ ຍ້ອນວ່າ ມີຄວາມ ອຸດົມສົມບູນ ແລະ ກວ້າງໃຫຍ່ ແຫ່ງນຶ່ງ ໃນເຂດເອເຊັຽ ຕາເວັນອອກສ່ຽງໃຕ້.

ປັດຈຸບັນ ກະຊວງຖແລງຂ່າວ ວັທນະທັມ ແລະທ່ອງທ່ຽວ ໄດ້ມີການແຕ່ງຕັ້ງ ຄນະກັມມະການ ມໍຣະດົກໂລກ ຣະດັບຊາດ ຂຽນແຜນ ແມ່ບົດຕົວຈິງ ແລະ ໃນເວລາ ດຽວກັນ ກະຊວງ ກະສິກັມ ແລະປ່າໄມ້ ໄດ້ມີການ ແຕ່ງຕັ້ງ ຄນະ ກັມມະການ ລົງສຳຣວດ ເຂດປ່າ ແລະ ອອກກົດຣະບຽບ ຄຸ້ມຄອງ ການສ້າງຣິສອຣ໌ທ ໂຮງແຮມ ແລະ ຈັບສັດປ່າ ທຸກປະເພດ ເພື່ອຄຸ້ມຄອງ ການລຸກລ້ຳ ຂອງປະຊາຊົນ, ຊຶ່ງຈະມີ ການປຶກສາ ຫາລືກັນ ໃນເດືອນ ມິນາ ນີ້, ຕາມຄຳເວົ້າ ຂອງເຈົ້າໜ້າທີ່ ກົມມໍຣະດົກ ແຫ່ງຊາດ ກະຊວງ ຖແລງຂ່າວ ວັທນະທັມ ແລະທ່ອງທ່ຽວ ຕໍ່ເອເຊັຽເສຣີ ໃນວັນທີ 6 ກຸມພາ ນີ້:

"ກຳລັງຮ່າງຂໍ້ແຕ່ງ ຄນະກັມມະການ ມໍຣະດົກ ແຫ່ງຊາດຫັ້ນ ຄັນສິເວົ້າແລ້ວ ມັນເປັນ ມໍຣະດົກ ແຫ່ງຊາດ ທີ່ ມະຫັສຈັນ ໃນເຂດ ເອເຊັຽ ຕາເວັນອອກສ່ຽງໃຕ້ ສົມບູນແບບ".

ປ່າສງວນແຫ່ງຊາດ ພູຫີນໜາມໜໍ່ ມີເນື້ອທີ່ ປະມານ 80 ເຮັກຕາຣ໌ ອຸດົມສົມບູນ ໄປດ້ວຍພັນໄມ້ ຫຼາຍຊນິດ ແລະ ຍັງເປັນແຫລ່ງ ອາສັຍຂອງ ສັດປ່າສງວນ ລວມທັງ ຊ້າງປ່າ ອີກຫຼາຍ 100 ໂຕ ຖ້າຫາກໄດ້ ຮັບການພິຈາຣະນາ ຈາກອົງການ UNESCO ປ່າສງວນ ພູຫີນໜາມໜໍ່ ແຫ່ງນີ ຈະກາຍເປັນ ມໍຣະດົກໂລກ ທາງທັມມະຊາດ ແຫ່ງທຳອິດ ຂອງລາວ ຫລັງຈາກ ທີ່ໄດ້ປະກາດ ເປັນປ່າສງວນ ແຫ່ງຊາດໃນປີ 1993.

ຄໍາເຫັນ (1)
Share

(

I wish " Phou Hin Nam Nor " could become world heritage site recognized by UNESCO so nature and wild animals- elephants - would be preserved. Lately Laos has changed from the former Kingdom of million elephants to the land of million mobsters thanks to the Lao government.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 08, 2017 01:30 PM

ເຕັມຫນ້າ